Levitiko 6:11 - Mawu a Mulluku

¹¹ Vano arulle ddoowara ddaye, aware ddimodda nave awolle ntuuranno wi akhumihelle otte wa misasa, o nddalla noopatuleya nko enatathillelliiwawo ntuura.

Levitiko 6:11 ပူးပေါင်းရင်းမြစ်များ

Ezekiele 44:19

Vookhumellani wa athu a nthato na otte, erulleke ddoowara nnddo yawanriiwa voorumeyellani muwari ni oddihiya mu ezipinda ddoopatuleya. Nave eware ddoowara ddimodda woova wi enaavallihe weella wiwa athu amoddaayo ni ddoowara ddiwannddo.

Levitiko 4:12

apaalle wi eng'ombe ettheeneeyo, ekhumiwena otte wa misasa, eyiiwena o nddalla noopatuleya nko enatathillelliiwawo ntuura nave vanipuroni vaavo eshellellihiwe vamunlloni wa ekhuni.

Levitiko 16:27

Eng'ombe ni epuri ddoovelleellella mukutho woopepesella machimoolle, nndde nikhame niwa awiilleeyena wi eerelle mutetho woopepesella nipuro naweellesesa, addikhumihelle otte wa misasa. Ashellellihe mattapariiwa, enama ddiwa ni marupwiiwa.

Levitiko 4:21

Vano eng'ombeeyo ekhumihelliwe otte wa misasa nave eshellellihiwe wonanko mmo yeerelliiwa ni wawaamboolle. Yooyo sika mukutho woopepesella machimo wi mpingo muttheene okhululukelliwe.

Levitiko 6:10

Vano mullupa mukutho amuware kabudulaaye a bafuta owaaka mukanjwaaye wa bafuta nave awollevo ntuura na enama yooshellelliha vanikuwani ni onihella vakhwipi va nikuwa nenno.

Levitiko 6:12

“Munllo wa vanikuwani okhalleke wookhara, ohithiimeke. Mullupa mukutho attettheereke munllooyo ni ekhuni orive ohinase nave atthatteke mukutho wooshellelliha vanikuwanimvo ni oshellellihavo makhura a mukutho wa eyaattano.

Eksodo 29:37

Wa mallapo matthanu ni meelli ovelleelleke mukutho woweellihella nikuwanno nave onipatuleke. Vatulli viwa nikuwanno nineerokhalla naweella wunchichi nave erive ello enaattannye nikuwanno eneerewoonongiwa ni masiva a weella wiwa.

Levitiko 6:20

“Mukutho oyo Aroni ni anaaye enaphwanelliiwa ovelleella wa Apwiya ovenyera va nllapo nno mullupa mukutho anazoziweeye, avelleelleke nllapo ni nllapo othu waphaama wookwakhwana nikilogaramu nimodda wonanko mukutho wa othu. Awuvelleelleke hafu ohinase hafu misikuwa.

Levitiko 6:22

Vano mullupa mukutho a nlloko na Aroni oyo atthoolliwe wi avollowe munipuroni mwaye, ashellelliheke mukutho muttheene vawi mukuthooyo tti wa Apwiya enthawi ddittheddene.

Levitiko 7:6

Arive mullopwana a mwa allupa mukutho ttuuchana. Ayichelle vanipuroni naweella. Yooyo tti mukutho waweella wunchichi.

Levitiko 24:9

Yoocheeyo ekhalle ya Aroni ni anaaye nave eyichelle m'mapuroni oopatuleya vawi wa alliwa yeella tti yoopatuleya wunchichi, yoovenyera va mikutho ddawoosiwa viikho wa Apwiya. Lamulo nenna nikhalle na enthawi yoohimalla.”