Levitiko 5:9 - Mawu a Mulluku

⁹ nave amidde nikhame nimodda na epallameeyo mukhwipi mwa nikuwa. Nave attannyihe epallameeyo vasirini va nikuwanno wi nikhame noohallanno neetellelle vakhwipi va nikuwa. Yooyo sika mukutho woopepesella machimo.

Levitiko 5:9 ပူးပေါင်းရင်းမြစ်များ

Levitiko 4:34

Vatulli viwa, mullupa mukutho akuse nikhame na enkhoseeyo ni eyaallaaye, animare va manyaka a va nikuwa na mukutho wooshellelliha nave nikhame noohallanno aniithelle vatthi va nikuwa nenno.

Levitiko 4:30

Mullupa mukutho akuse nikhame na epuri yaamutthiyana ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Levitiko 4:18

Vatulli viwa nikhamenno animare va manyaka a va nikuwa nno niri vamiitthoni va Apwiya m'musasani wamutthukumano. Nikhame noohalla aniithelle vatthi va nikuwa na mukutho wooshellelliha, nno niri va mullako wa musasa wamutthukumano.

Levitiko 4:7

Vatulli viwa mullupa mukutho muullupalli amare nikhamenno va manyaka a va nikuwa nawoosellamo lubani* nno niri m'musasani wamutthukumano. Nikhame noohalla na eng'ombeeyo aniithelle vatthi va nikuwa na mukutho wooshellelliha, nno niri va mullako wa musasa wamutthukumano.

Levitiko 4:25

Mullupa mukutho akuse nikhame na nankhoro a epuri ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

Yesaya 42:21

Ekaamba ya echilungamwiiwa Apwiya yaapaallesesa wi malamulwiiwa ekhalle avaddullu ni oolemu.

Levitiko 7:2

Vanipuroni mvo viniiphelliwa enama ya mukutho woopepesella machimo, yiiphellevottho enama ya mukutho woolliva. Nave yiithe nikhame niwa moowaapheella nikuwa.

Levitiko 1:15

Mullupa mukutho awaana vanikuwani, ayiphadde muru mooyinyokotholla nave ashellellihe murooyo vanikuwani. Attannyihe epallameeyo vasirini va nikuwanno wi nikhame neetellelle vakhwipi va nikuwa.

Levitiko 1:5

Vatulli viwa ayiiphe vamiitthoni va Apwiya nave anamwani a Aroni evelleelle nikhame na eng'ombenno voowiithani moowaapheella nikuwa nno niri va mullako wa musasa wamutthukumano.