Levitiko 5:7 - Mawu a Mulluku

⁷ “Koma muthu aahikhallana enkhosa apaalle epuri, akuse manddiya meelli apaalle mawunda meelli wi ddikhalle mukutho woovelleelliwa wa Apwiya woopepesella machimo. Emodda ekhalle mukutho woopepesella machimo nave emoddeeyo ekhalle mukutho wooshellelliha.

Levitiko 5:7 ပူးပေါင်းရင်းမြစ်များ

Levitiko 12:8

Koma aahikhallana mwaanaankhosa, akuse ekhunda piilli apaalle mawunda a ekhunda meelli. Nimodda nikhalle mukutho woopepesella machimo nave nimodda nikhalle mukutho wooshellelliha. Mullupa mukuthooyo aheraatthi ddennddo vamiitthoni va Apwiya moollikana ni mutetho woomweellihella mutthiyanooyo. Nave mutthiyanooyo aneerokhalla aweella.”

Mateyu 10:16

“Kinuurumihani wonanko enkhosa variyari va enama ddawoopiha. Vano muchenjereke wonanko enowa nave mumaalleyeke wonanko ekhunda.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

Mateyu 3:16

Yesu abatiziwe wene, enthawi yeeyo aakhumamo m'maaddini nave oddullu waamuhulleyella, vano ahoona Munepa a Mulluku akitthaka wonanko ekhunda va olliye.

Levitiko 14:31

Avelleelle meellaayo wi nimodda nikhalle mukutho woopepesella machimo nave nimoddanno nikhalle mukutho wooshellelliha ni yoovelleella ya othu. Eeddiiddo sika wi oheera mutetho woomupepesella machimo muthu aneellihiwooyo vamiitthoni va Apwiya.

Luka 2:24

Yaavelleellattho mukutho voothwarani malamulo a Apwiya awi, “Eheraatthi ekhunda piilli apaalle mawunda a ekhunda meelli.”

Levitiko 16:5

Aroni aakuseke anankhoro a epuri eelli ovenyera wa Aisraele attheene wi ddikhalle mukutho woopepesella machimo nave nankhoro enkhosa emodda wi ekhalle mukutho wooshellelliha.

Levitiko 15:30

Mullupa mukutho aheraatthi nimodda wi nikhalle mukutho woopepesella machimo, nimoddanno nikhalle mukutho wooshellelliha. Vaavo mullupa mukuthooyo oheera mutetho woomweellihella mutthiyanooyo vamiitthoni va Apwiya.

Levitiko 9:3

Vano wallote ni Aisraele wi, ‘Mukuseni nankhoro a epuri wi muvelleelle mukutho woopepesella machimo. Mumukusettho musaana a nankhoro a eng'ombe owaakattho musaana eenkhosa. Asaana eellaalla ekhalle a muyakha mmodda, oohirakalla wi okhalle mukutho wooshellelliha.

Levitiko 5:11

“Koma muthu aahikhallana manddiya meelli apaalle ekhunda piilli, awe ni othu waphaama wookwakhwana kilogaramu nimodda wi okhalle mukutho woopepesella nichimo nno aneerilleeye. Ahihellemo makhura apaalle lubani* kaambiiwa yooyo tti mukutho woopepesella machimo.

Mateyu 21:12

Yesu aavollowa mu enyumba ya Mulluku awiikariha athu ookulliha ni ookulla malonda ddeko ddooheraatthella mukutho mwemmo. Aarukunusa matebulo a athu awaakakhaniha makobiri navettho mipando dda ookulliha ekhunda.

Levitiko 7:1

Mukutho woolliva tti waweella wunchichi. Malamulwiiwa tti awi,

Levitiko 12:6

“Vano mallapo a oddeelliha waye emanlle, a mwaana aamullopwana apaalle aamutthiyana, aye wa mullupa mukutho ni mwaanaankhosa a muyakha mmodda va mullako wa musasa wamutthukumano wi enkhoseeyo ekhalle mukutho wooshellelliha. Ayeewottho ni niwunda apaalle nnddiya wi okhalle mukutho woopepesella machimo.

Levitiko 14:30

Vano moollikana ni opata waye, avelleelle mawunda meelli apaalle manddiya meelli.

Numeri 5:6

“Alleelle Aisraele wi mullopwana apaalle mutthiyana amweerella erive ello yoonanara muthu mmodda moohiroromelleya wa Apwiya, muthooyo tti oochimwa.

Numeri 6:10

Va nllapo naneetthanu ni raru awe ni manddiya meelli apaalle mawunda meelli wa mullupa mukutho va mullako wa musasa wamutthukumano.

Numeri 6:11

Mullupa mukuthooyo avelleelle emodda wi ekhalle mukutho woopepesella machimo, emoddeeyo ekhalle ya mukutho wooshellelliha. Sika amweerelle mutetho woomupepesella machimwaaye kaambiiwa aalakwa vawaatamellani mutembooyo. Nllapo nenno iivelleelle wiilli wa Apwiya voohiyani meehaaye wi yunnuweke.

Levitiko 27:8

Akhalla muthu oohoowa wunchichi wawi khawora ollivella mutengo yoolla, aweena muthooyo wa mullupa mukutho nave mullupa mukuthooyo aromolle mutengo wa muthooyo, Mutengo oyo mullupa mukuthooyo anaaromolleeye okhalle woollikana ni mmo oollupellooyo anaaworeeye ollivella.”