Levitiko 5:3 - Mawu a Mulluku

³ Muthu attannya orive mutundu wa ddooripihiwa dda muthu nave voottannyanimvo anniiripiha moohidduwella, vatulli viwa adduwella nnddo eerilleeye, muthooyo tti oochimwa.

Levitiko 5:3 ပူးပေါင်းရင်းမြစ်များ

Levitiko 5:2

Muthu attannya erive ello yooripihiwa wonanko enama yamuhakani apaalle yooweta yookhwa apaallettho ddawaapadda ddookhwa anniiripiha moohidduwella nave oochimwa.

Levitiko 5:4

Muthu achimwa voollupellani mwawaakuva wi aneereweera ello yoonanara apaalle yaphaama, orive ollupella nko muthu aneereeye moohidduwella ddookatamiha dda ollupellanko, vatulli viwa adduwella nnddo eerilleeye, muthooyo tti oochimwa.

Levitiko 7:21

Nave arive muthu attannya erive ello yooripihiwa, khaya ya muthu apaalle ya enama apaallettho erive ello yooripihiwa nave achana yoocha ya mukutho wa eyaattano woovelleelliwa wa Apwiya, muthooyo avenyihiwe variyari va Aisraele.”

Numeri 19:22

Erive ello eyo muthu ooripihiwooyo anaattannyeeye eneerokhalla yooripihiwa. Nave arive muthu oottannya yeeyo aneerokhalla ooripihiwa ophiyera misikuwa.”

Ezekiele 44:27

Vano va nllapo nawi avollowe mu nthato namuwari wi arumeyelle mu nipuro naweella, avelleelle mukutho woopepesella machimo. Mi Apwiya Mulluku koollota.

Levitiko 13:3

Mullupa mukutho awehesese vamwiillini mvo viri ereteeyo. Aphwanya wi mapururu aatthattuwa aweella nave wi ereteeyo yoophiya muwari, yaayo tti makate. Mullupa mukutho awehesesille amweere wi tti ooripihiwa.