Levitiko 5:13 - Mawu a Mulluku

¹³ Mwawi ddiidda aheraatthi mukutho woopepesella machimo ekaamba ya nichimo na muthooyo nave aneerokhululukelliwa. Vano ddoohalla ddikhalle dda mullupa mukuthooyo, wonanko mmo eneerelliiwa ni mikutho dda othu.”

Levitiko 5:13 ပူးပေါင်းရင်းမြစ်များ

Levitiko 2:3

Ddoohalla dda mukuthooyo ddikhalle dda Aroni ni anaaye. Ddenndda tti ddoopatuleya kaambiiwa ddoovahulliwa vamukuthoni wawoosiwa viikho woovelleelliwa wa Apwiya.

Levitiko 4:26

Eeddiiddo makhuriiwa mattheene aashellellihe vanikuwani, wonanko mmo eneerelliiwa ni makhura a mukutho wa eyaattano. Mwawi ddiidda aheraatthi mukutho woopepesella machimo ekaamba ya nichimo na oolamulella nave aneerokhululukelliwa.

1 Akorinto 9:13

Khamunadduwella wi athu enaphara mutteko mu enyumba ya Mulluku enaphwanya yoocha ovenyera mu enyumba ya Mulluku yeeyo nave allupa mukutho enaakhellana dda mukuthooyo.

Hoseya 4:8

Ennaphwanyavo eyuuma yinchichi va ochimwa wa athwaaka nave ennapaalla wi athu echimwekeve.

1 Samuele 2:28

Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.

Levitiko 7:6

Arive mullopwana a mwa allupa mukutho ttuuchana. Ayichelle vanipuroni naweella. Yooyo tti mukutho waweella wunchichi.

Levitiko 5:6

Sika awe wi avelleelle wa Apwiya mukutho, ekaamba ya nichimo nayenno. Mukuthweene okhalle wa enkhosa yaamutthiyana apaalle epuri yaamutthiyana. Mwawi ddiidda mullupa mukutho aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Levitiko 4:31

Vano avenyihe makhuriiwa mattheene, wonanko mmo enaavenyihelliiwa makhura a mukutho wa eyaattano nave mullupa mukutho ashellellihe vanikuwaninno wi ekhumihe nthuko nawaaddivella Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 4:20

Eere ello emoddamoddave yeeyo wa nankhoro yoolla wonanko mmo aneerelleeye ni nankhoro ooheraatthiwa va mukutho woopepesella machimo. Sika aheraatthi mukutho woopepesella machimo ekaamba ya nichimo aathwaayo nave eneerokhululukelliwa.

Levitiko 2:10

Ddoohalla dda mukuthooyo ddikhalle dda Aroni ni anaaye. Ddenndda tti ddoopatuleya kaambiiwa ddoovahulliwa vamukuthoni wawoosiwa viikho woovelleelliwa wa Apwiya.

Levitiko 5:4

Muthu achimwa voollupellani mwawaakuva wi aneereweera ello yoonanara apaalle yaphaama, orive ollupella nko muthu aneereeye moohidduwella ddookatamiha dda ollupellanko, vatulli viwa adduwella nnddo eerilleeye, muthooyo tti oochimwa.

Levitiko 5:5

“Muthu achimwa va emodda ya ddiromolliwenndda, awulule nichimo nayenno.

Levitiko 5:10

Nave aheraatthi epallame emoddeeyo wi ekhalle mukutho wooshellelliha, voothwarihani mutethwiiwa. Mwawi ddiidda aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Levitiko 5:12

Vano aweena wa mullupa mukutho othooyo nave mullupa mukuthooyo avahullevo nnatta nimodda wooniha wi mukutho muttheenooyo woovelleelliwa wa Apwiya nave awushellellihe vanikuwani ni mikutho ddittheddene ddawoosiwa viikho ddoovelleelliwa wa Apwiya. Yooyo tti mukutho woopepesella machimo.

Levitiko 5:14

Apwiya yaallota ni Mose wi,

Levitiko 5:16

Vano muthooyo allive ddoopatuleya nnddo ahiddivelleelleeye nave oonjererevo yaneetthanu nave avelleelle wa mullupa mukutho. Mwawi ddiidda mullupa mukuthooyo aheraatthi mukutho woolliva ekaamba ya machimo a muthooyo voovelleellani mukutho wa nankhoro a enkhosa nave muthooyo aneerokhululukelliwa.