Levitiko 5:11 - Mawu a Mulluku

¹¹ “Koma muthu aahikhallana manddiya meelli apaalle ekhunda piilli, awe ni othu waphaama wookwakhwana kilogaramu nimodda wi okhalle mukutho woopepesella nichimo nno aneerilleeye. Ahihellemo makhura apaalle lubani* kaambiiwa yooyo tti mukutho woopepesella machimo.

Levitiko 5:11 ပူးပေါင်းရင်းမြစ်များ

Numeri 5:15

mullopwanooyo awe ni mwaariye wa mullupa mukutho. Nave avelleelle mukutho wa othu wa barele wookwakhwana nikilogaramu nimodda. Ahihellevo makhura apaalle lubani* vamukuthonimvo vawi tti mukutho wa othu woovelleellella ehache, mukutho wawuupusa ni owulula.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Numeri 7:13

Avelleellille embale emodda ya siliva yoollemella nikilogaramu nimodda ni hafu, mwanambale mmodda a siliva oollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.

Levitiko 5:12

Vano aweena wa mullupa mukutho othooyo nave mullupa mukuthooyo avahullevo nnatta nimodda wooniha wi mukutho muttheenooyo woovelleelliwa wa Apwiya nave awushellellihe vanikuwani ni mikutho ddittheddene ddawoosiwa viikho ddoovelleelliwa wa Apwiya. Yooyo tti mukutho woopepesella machimo.

Levitiko 5:9

nave amidde nikhame nimodda na epallameeyo mukhwipi mwa nikuwa. Nave attannyihe epallameeyo vasirini va nikuwanno wi nikhame noohallanno neetellelle vakhwipi va nikuwa. Yooyo sika mukutho woopepesella machimo.

Levitiko 5:6

Sika awe wi avelleelle wa Apwiya mukutho, ekaamba ya nichimo nayenno. Mukuthweene okhalle wa enkhosa yaamutthiyana apaalle epuri yaamutthiyana. Mwawi ddiidda mullupa mukutho aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Eksodo 16:36

Makilogaramu meelli enallikana ni echigawo yaneekhumi ya yoolingella ya efa.

Eksodo 16:18

Koma yamulingalliiwa ni yoolingella ya makilogaramu meelli, yaphwanyille wi ayo yamutthukumanihalle munchichi kheyaarina oohalla nave ayottho yamutthukumanihalle vang'ono kheyaayelleelle. Arive muthu aatthukumanihalle moollikana ni muyezo.

Luka 2:24

Yaavelleellattho mukutho voothwarani malamulo a Apwiya awi, “Eheraatthi ekhunda piilli apaalle mawunda a ekhunda meelli.”

Aheberi 9:22

Moollikana ni malamulo a Mose erive ello yeellihiwa voomiddiwani nikhame. Kheyiivo machimo enaakhululukelliwe nikhame naahihelliwa.

Levitiko 1:14

“Mukutho wooshellellihooyo wakhalla wa epallame, nikhalleke nnddiya apaalle niwunda.

Levitiko 6:20

“Mukutho oyo Aroni ni anaaye enaphwanelliiwa ovelleella wa Apwiya ovenyera va nllapo nno mullupa mukutho anazoziweeye, avelleelleke nllapo ni nllapo othu waphaama wookwakhwana nikilogaramu nimodda wonanko mukutho wa othu. Awuvelleelleke hafu ohinase hafu misikuwa.

Levitiko 14:21

Koma muthu oovoriiwooyo akhalla oohoowa, aahikhallana ddittheddenennddo, amuvelleelle nankhoro a mwaanaankhosa ayivelleelle mootukhullella muddullu wi okhalle mukutho woolliva wa mutetho woomupepesella machimo. Avelleellettho nikilogaramu nimodda na othu waphaama woottakanyihera ni makhura wi okhalle mukutho wa othu ni makhura ookwakhwana echigawo emodda ya magawo mararu a lita.

Levitiko 27:8

Akhalla muthu oohoowa wunchichi wawi khawora ollivella mutengo yoolla, aweena muthooyo wa mullupa mukutho nave mullupa mukuthooyo aromolle mutengo wa muthooyo, Mutengo oyo mullupa mukuthooyo anaaromolleeye okhalle woollikana ni mmo oollupellooyo anaaworeeye ollivella.”

Levitiko 12:8

Koma aahikhallana mwaanaankhosa, akuse ekhunda piilli apaalle mawunda a ekhunda meelli. Nimodda nikhalle mukutho woopepesella machimo nave nimodda nikhalle mukutho wooshellelliha. Mullupa mukuthooyo aheraatthi ddennddo vamiitthoni va Apwiya moollikana ni mutetho woomweellihella mutthiyanooyo. Nave mutthiyanooyo aneerokhalla aweella.”