Levitiko 4:6 - Mawu a Mulluku

⁶ Vano atthaveye eyaallaaye munikhameni nave amidde nikhamenno otthanu ni wiilli vamiitthoni va Apwiya vahoollo va ekatani ya nipuro naweellesesa.

Levitiko 4:6 ပူးပေါင်းရင်းမြစ်များ

Yoswa 6:8

Vano Yoswa allotille wa athwaalle, allupa mukutho atthanu ni eelli yaahoollella nibokosi na echipangano na Apwiya etukhullalle mapallapata amanyaka a nankhoro a enkhosa vamiitthoni va Apwiya, eniipa mapallapataayo nave nibokosi na echipangano ya Apwiya naathwaraka.

Yoswa 6:4

Allupa mukutho atthanu ni eelli, arive muthu ari ni nipallapata na nnyaka na nankhoro a enkhosa, ehoollelleke nibokosi na echipangano. Va nllapo naneetthanu ni piilli, weyaano ni akhotwaawo, mwaapheelleke muzindooyo otthanu ni opiilli, allupa mukutho yiipaka mapallapataayo.

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:24

kineerovaanyihanattho ni nyuwaano nave kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:18

Mwaahikiiwellella moonille ddittheddenenndda, kineerewuullakanittho mwawaanjerera otthanu ni opiilli ekaamba ya machimwaanyu.

Levitiko 16:19

Amidde nikhame nimodda vaddullu va nikuwanno ni eyaallaaye otthanu ni opiilli wi anipatule ni oneelliha voovenyihani oripihiwa wa Aisraele.”

Levitiko 16:14

Vatulli viwa akuse nikhame nimodda na eng'ombeeyo, amidde ni eyaallaaye va yookhuneella ya nibokosi na echipangano embali ya wookhuma nndduwa. Navettho amidde nikhame otthanu ni opiilli ni eyaallaaye vatthi vahoollo va yookhuneelleeyo.

Levitiko 14:18

Makhura oohalla m'mattani mwa mullupa mukutho, aahelle va muru va muthu aneellihiwooyo. Mmu sika mullupa mukutho anaamweerellekeeye muthooyo va mutetho woomupepesella machimo vamiitthoni va Apwiya.

Levitiko 14:27

Nave aruweye eyaallaaye ya m'mattani yoonnattanatta m'makhurani ayo eri munnattani naye nawuunyotthoni. Nave amidde makhuraayo ni eyaallaaye otthanu ni opiilli vamiitthoni va Apwiya.

Levitiko 14:16

Nave aruweye eyaallaaye ya m'mattani yoonnattanatta m'makhurani ayo eri munnattani naye nawuunyotthoni. Nave amidde makhuraayo ni eyaallaaye otthanu ni opiilli vamiitthoni va Apwiya.

Levitiko 9:9

Nave anaaye yaavelleella nikhame wa Aroni. Olliye aatthaveya eyaallaaye munikhamenimmo, animara vannyakani na nikuwa, iithella nikhame noohallanno vatthi va nikuwanno.

Levitiko 8:15

Vano Mose ahiipha eng'ombeeyo atthaveya eyaallaaye munikhameni amara va manyaka oowaapheella va nikuwa nave aaneelliha. Aaniithella nikhame noohalla vatthi va nikuwanno aneelliha. Sika aheera mutetho woopepesella machimo.

Levitiko 4:34

Vatulli viwa, mullupa mukutho akuse nikhame na enkhoseeyo ni eyaallaaye, animare va manyaka a va nikuwa na mukutho wooshellelliha nave nikhame noohallanno aniithelle vatthi va nikuwa nenno.

Levitiko 4:30

Mullupa mukutho akuse nikhame na epuri yaamutthiyana ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Levitiko 4:25

Mullupa mukutho akuse nikhame na nankhoro a epuri ni eyaallaaye, animare va manyaka a va nikuwa na mukutho wooshellelliha nave iithelle nikhame noohallanno vatthi va nikuwa nenno.

Levitiko 4:17

Mullupa mukutho muullupallooyo atthaveye eyaallaaye munikhamenimmo nave amidde nikhamenno otthanu ni opiilli vamiitthoni va Apwiya vahoollo va ekatani.

Numeri 19:4

Vano Eleazara atthaveye eyaallaaye mu nikhame na eng'ombeeyo. Nave amidde nikhamenno owiitthoni wa musasa wamutthukumano olendo otthanu ni opiilli.

Levitiko 25:8

“Mweerenge miyakha 49 nnddo ddiri masabata matthanu ni meelli a miyakha.

Eksodo 40:21

Nave aahiya nibokosinno m'musasanimmo nave aatthomeya ekatani yootchingella. Mwawi aatchinga nibokosi na echipangano moollikana ni mmo Apwiya yamulamulelliiwa.

Eksodo 40:26

M'musasanimmo aahiyamo nikuwa nagolide vahoollo va ekatani yootchinga.

Levitiko 8:11

Aamidda makhura mamodda olendo otthanu ni opiilli vanikuwani nave aazoza nikuwanno ni ezipangizo ddiwa ddittheddene nave aaddipatula. Aazozattho ebeseni yoonawellamo ni voohiyavo ebeseneeyo nave aaddipatula.

Levitiko 14:7

Vano mullupa mukutho amidde otthanu ni opiilli va muthu oyo anaaka eellihiwe makataayo. Amweera oovoriiwooyo wi oheellihiwa, ayihiye epallame evaveke.