Levitiko 4:35 - Mawu a Mulluku

³⁵ Vano avenyihe makhuriiwa mattheene, wonanko mmo enaavenyihelliiwa makhura eenkhosa yoovelleelliwa mukutho wa eyaattano nave ashellellihe vanikuwani ni mikutho ddimodda ddawoosiwa viikho, ddoovelleelliwa wa Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 4:35 ပူးပေါင်းရင်းမြစ်များ

Levitiko 4:26

Eeddiiddo makhuriiwa mattheene aashellellihe vanikuwani, wonanko mmo eneerelliiwa ni makhura a mukutho wa eyaattano. Mwawi ddiidda aheraatthi mukutho woopepesella machimo ekaamba ya nichimo na oolamulella nave aneerokhululukelliwa.

Levitiko 4:20

Eere ello emoddamoddave yeeyo wa nankhoro yoolla wonanko mmo aneerelleeye ni nankhoro ooheraatthiwa va mukutho woopepesella machimo. Sika aheraatthi mukutho woopepesella machimo ekaamba ya nichimo aathwaayo nave eneerokhululukelliwa.

Levitiko 14:18

Makhura oohalla m'mattani mwa mullupa mukutho, aahelle va muru va muthu aneellihiwooyo. Mmu sika mullupa mukutho anaamweerellekeeye muthooyo va mutetho woomupepesella machimo vamiitthoni va Apwiya.

Levitiko 6:7

Mwawi ddiidda aheraatthi mukutho wa olliva machimo ekaamba ya nichimo na muthooyo nave aneerokhululukelliwa machimwaaye mattheene.”

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

1 Petro 2:22

Olliye kheerille nirive nichimo nave muwano mwaye khamwaavenyenre erive yawoottha.

Aheberi 9:14

Koma Khrisitu khaarina machimo nave ahiiheraatthi yeekhaaye wonanko mukutho mwa Munepa woohimalla. Ella sika ekaambiiwa nikhame naye niriiwa ni masiva manchichi oorukunusa murimaahu woochimwa okhalla waphaama wi niheereke ddeko nnddo ddinaanihoollelle wookhwa koma wi niwore omurumeyella Mulluku Ookumi.

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

Aheberi 4:14

Nookhalla ni mullupa mukutho muullupalli oyo ayiille oddullu akhalla vamiitthoni va Mulluku, Yesu, Mwaana a Mulluku. Sika hankoni niphare moollipiha dda echikhulupililwaahu.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Akolose 1:14

Vawi noottaphulliwa ekaamba ya olliye, machimwaahu aakhululukiwa.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Aroma 10:4

Vawi Khrisitu ookwakhwaniha malamulo wi arive muthu anakhulupilila alungamihiwe vamiitthoni va Mulluku.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Aroma 4:25

Aavelleelliwa wi akhwe ekaamba ya machimwaahu nave aavenyihiwa wa ookhwa wi nilungamihiwe ni Mulluku.

Numeri 15:25

Mullupa mukutho eere mutetho woopepesella machimo a Aisraele attheene nave athwaayo eneerokhululukelliwa ekaamba yawi yachimwalle moohidduwella nave wi yaawa wa Apwiya ni ddoovelleella ddiwa dda mukutho wawoosiwa viikho navettho mukutho woopepesella machimo wi yaapepeselle machimwiiwa.

Levitiko 14:53

Epallame ekumeeyo ayihiye evaveke otte wa muzindooyo. Vaavo sika wi mullupa mukutho oheera mutetho woopepesella enyumbeeyo nave enaakhalle yaweellihiwa.

Levitiko 12:8

Koma aahikhallana mwaanaankhosa, akuse ekhunda piilli apaalle mawunda a ekhunda meelli. Nimodda nikhalle mukutho woopepesella machimo nave nimodda nikhalle mukutho wooshellelliha. Mullupa mukuthooyo aheraatthi ddennddo vamiitthoni va Apwiya moollikana ni mutetho woomweellihella mutthiyanooyo. Nave mutthiyanooyo aneerokhalla aweella.”

Levitiko 9:7

Mose aamulleella Aroni wi, “Susera vakhuviru ni nikuwa nave oheraatthi mukutho woopepesella machimo ni mukutho wooshellelliha wi okhalle mutetho woopepesella machimo a Aisraele. Oheraatthi ddoovelleella dda athwaayo nave weere mutetho woopepesella machimwiiwa moollikana ni mmo Apwiya elamulelliiwa.”

Levitiko 5:13

Mwawi ddiidda aheraatthi mukutho woopepesella machimo ekaamba ya nichimo na muthooyo nave aneerokhululukelliwa. Vano ddoohalla ddikhalle dda mullupa mukuthooyo, wonanko mmo eneerelliiwa ni mikutho dda othu.”

Levitiko 5:10

Nave aheraatthi epallame emoddeeyo wi ekhalle mukutho wooshellelliha, voothwarihani mutethwiiwa. Mwawi ddiidda aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Levitiko 5:6

Sika awe wi avelleelle wa Apwiya mukutho, ekaamba ya nichimo nayenno. Mukuthweene okhalle wa enkhosa yaamutthiyana apaalle epuri yaamutthiyana. Mwawi ddiidda mullupa mukutho aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Numeri 15:28

Sika vano mullupa mukutho amweerelle mutetho woomupepesella machimo vamiitthoni va Apwiya muthu oochimooyo nave aneerokhululukelliwa.

Levitiko 15:15

Mullupa mukutho aheraatthi ddennddo, nimodda nikhalle mukutho woopepesella machimo, nimoddanno nikhalle mukutho wooshellelliha. Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya.

Levitiko 19:22

Mullupa mukutho eere mutetho woopepesella machimo a muthooyo ni nankhoro a enkhosa ya mukutho woolliva vamiitthoni va Apwiya, ekaamba ya nichimo neeriwe ni muthooyo nave nichimo eerilleeyenno nineerokhululukelliwa.