Levitiko 4:3 - Mawu a Mulluku

³ “Oochimooyo akhalla mullupa mukutho muullupalli sika oowutthattusa mpingo muttheene okhalla woochimwa. Vano aamuheraatthiki wa Apwiya nankhoro mung'onong'ono eeng'ombe yoohirakalla, ekaamba ya ochimwa wayenko. Yooyo sika mukutho woopepesella machimo.

Levitiko 4:3 ပူးပေါင်းရင်းမြစ်များ

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Levitiko 9:2

Aamulleella Aronooyo wi, “Omukuse musaana a nankhoro a eng'ombe wi akhalle mukutho woopepesella machimo nave nankhoro a enkhosa wi akhalle mukutho wooshellelliha. Ddittheddenennddo ddikhalle ddoohirakalla nave oddivelleelle wa Apwiya.

Levitiko 4:14

Vano nichimonno nadduwanyeya, attheene emuvelleelle nankhoro mung'onong'ono eeng'ombe wi okhalle mukutho woopepesella machimo nave eweena va nthato na musasa wamutthukumano.

Aheberi 5:3

Nave kaambiiwa nayeene tti oofooka, anaphwanella oheraatthi mukutho ohiri ekaamba ya machimo a athuve komattho machimwaaye.

Ezara 8:35

Enthawi yeeyo ayo yahokollowille wuukaporoni yaavelleella mikutho ddooshellelliha wa Mulluku a Israele. Yahaavelleellella Aisraele attheene anankhoro a eng'ombe khumi ni eelli navettho anankhoro a enkhosa 96, asaana a enkhosa 77 ni anankhoro a epuri khumi ni eelli wonanko mukutho woopepesella machimo. Ddittheddenenndda waari mikutho ddooshellelliha ddoovelleelliwa wa Apwiya.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Ezekiele 43:19

allupa mukutho a nlloko na Levi, a mu nibanja na Zadoki, tti yaayove enaakaatamelleke wi ekirumeyelleke. Mi Apwiya Mulluku koollota. Waavahe nankhoro a musaanaang'ombe wi eheraatthi mukutho woopepesella machimo.

Eksodo 29:21

Okuse nikhame noohalla va nikuwa navettho makhura mamodda oozozella, ommidde Aroni ni ddoowara ddaye. Waamiddettho anaaye ni ddoowara ddiwa. Sika olliyooyo ni anaaye enaakhalle oopatuleya ni ddoowarannddo.

Eksodo 29:14

Koma enamiiwa, nttapara niwa ni marupwiiwa waashellellihe otte wa misasa. Yoovelleella yeella tti ya mukutho woopepesella machimo.

Eksodo 29:7

Sika okuse makhura oozozellaalle ni waahella vamuruni vaye wi omuzoze.

Numeri 8:8

Vano alliwaayo emukuse mwaana a eng'ombe aamullopwana ni ddoovelleella dda mukutho wa othu waphaama woottakanyihera ni makhura. Weyaano omukuse nankhoro mwaana a eng'ombe mmodda oovelleellella mukutho woopepesella machimo.

Levitiko 16:11

“Aroni aweena nankhoro a eng'ombe emodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye. Vano ayiiphe eng'ombeeyo wi ekhalle mukutho woopepesella machimwaaye.

Levitiko 16:6

“Aroni amuheraatthi nankhoro a eng'ombe mmodda wi ekhalle mukutho woopepesella machimwaaye wi eere mutetho woopepesella machimwaaye ni machimo a nibanja naye.

Levitiko 8:12

Vano aamuzoza Aroni voohellani makhura vamuru vaye wi amweellihe.

Levitiko 5:6

Sika awe wi avelleelle wa Apwiya mukutho, ekaamba ya nichimo nayenno. Mukuthweene okhalle wa enkhosa yaamutthiyana apaalle epuri yaamutthiyana. Mwawi ddiidda mullupa mukutho aheraatthi mukutho woopepesella machimo ekaamba ya nichimo na muthooyo nave aneerokhululukelliwa.

Eksodo 30:10

Aroni aneereke mutetho woopepesella machimo va manyaka a nikuwanno omodda vamuyakhani ni nikhame na enama ya mukutho woopepesella machimo. Ddenndda ddeereyekettho mu mibado ddanyu ddittheddene. Nikuwa nenna ninaakhalle naweella wunchichi, noopatuleyella mi Apwiya.”

Aheberi 9:12

Vano aavollowa omodda o nipuro noopatuleya na oddullu anoopolla omachimoni wa enthawi yoohimalla. Enre yeella vooheraatthini mukutho wa nikhame naayenaaye woohikhalla na epuri apaalle na eng'ombe.

Levitiko 4:5

Vatulli viwa mullupa mukutho muullupallooyo akuse nikhame na eng'ombeeyo, aweena m'musasani wamutthukumano.

Levitiko 4:23

Vano nichimonno nadduwanyeya, olliyooyo avelleelle mukutho wa nankhoro a epuri yoohirakalla.

Levitiko 4:28

Vano nichimonno nadduwanyeya, olliyooyo avelleelle mukutho wa epuri yaamutthiyana yoohirakalla.

Numeri 16:22

Koma alliwa yaakokhora ellota wi, “Nyu Mulluku, mwaneena a minepa dda athu attheene, ethiyo mwaashenlle murima athu attheenaalla ekaamba ya ochimwa wa muthu mmodda?”

2 Epilli 29:21

Nave yaawa ni anankhoro eeng'ombe atthanu ni eelli, anankhoro eenkhosa atthanu ni eelli ni anankhoro eepuri atthanu ni eelli wi evelleelle mukutho woopepesellana machimo a nibanja na mwene, enyumba ya Apwiya ni Yuda. Nave olliye ahaalamula allupa mukutho, edduullu dda Aaroni, wi eddivelleelle va nikuwa na Apwiya.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

Levitiko 1:10

“Mukutho wooshellellihooyo wakhalla wa enkhosa apaalle epuri, akhalleke nankhoro oohirakalla.

Levitiko 6:18

Edduullu ddittheddene dda Aroni ddicheke dda mukutho wawoosiwa viikho ddoovelleelliwa wa Apwiya wonanko mmo ddalembelliwiiwa wi ddikhalleke ddiiddo enthawi ddittheddene wa mibado ddittheddene. Erive ello eyo enaattannye nikuwanno eneerewoonongiwa ekaamba ya masiva a weella wa nikuwanno.”

Levitiko 9:3

Vano wallote ni Aisraele wi, ‘Mukuseni nankhoro a epuri wi muvelleelle mukutho woopepesella machimo. Mumukusettho musaana a nankhoro a eng'ombe owaakattho musaana eenkhosa. Asaana eellaalla ekhalle a muyakha mmodda, oohirakalla wi okhalle mukutho wooshellelliha.

Levitiko 16:3

Koma Aronooyo avolloweke mu nipuro naweellesesanno amukusalle musaana a nankhoro a eng'ombe wi akhalle mukutho woopepesella machimo ni nankhoro a enkhosa wi akhalle mukutho wooshellelliha.

Levitiko 16:5

Aroni aakuseke anankhoro a epuri eelli ovenyera wa Aisraele attheene wi ddikhalle mukutho woopepesella machimo nave nankhoro enkhosa emodda wi ekhalle mukutho wooshellelliha.

Ezekiele 40:39

Mukhotemmo mwaakhalla matebulo meelli o erive embali. Yaaniiphellavo enama dda mukutho wooshellelliha, mukutho woopepesella machimo ni mukutho woolliva.

Ezekiele 44:27

Vano va nllapo nawi avollowe mu nthato namuwari wi arumeyelle mu nipuro naweella, avelleelle mukutho woopepesella machimo. Mi Apwiya Mulluku koollota.