Levitiko 4:24 - Mawu a Mulluku

²⁴ Vano oolamulellooyo atthinddaanyere nnatta naye va muru va nankhoro a epuri ni omwiiphella vanipuroni mvo eniiphelliiwa mukutho wooshellelliha vamiitthoni va Apwiya. Yooyo sika mukutho woopepesella machimo.

Levitiko 4:24 ပူးပေါင်းရင်းမြစ်များ

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

Levitiko 16:15

“Vano Aroni iiphe epuri ya mukutho woopepesella machimo a athu. Nikhame niwa avollowena ntthella na ekatani nave eerena wonanko mmo erelleeyena nikhame na eng'ombe, voomiddani va yookhuneelleeyo ni vatthi vahoollo va yookhuneelleeyo.

Levitiko 7:2

Vanipuroni mvo viniiphelliwa enama ya mukutho woopepesella machimo, yiiphellevottho enama ya mukutho woolliva. Nave yiithe nikhame niwa moowaapheella nikuwa.

Levitiko 6:25

aalleelle Aroni ni anaaye wi, “Malamulo a mukutho woopepesella machimo tti awi, vanipuroni mvo viniiphelliwa enama ya mukutho wooshellelliha, yiiphellevottho enama ya mukutho woopepesella machimo wa Apwiya. Yooyo tti mukutho waweella wunchichi.

Levitiko 3:13

atthinddaanyere nnatta naye va muru wa epureeyo, vano ayiiphelle va nthato na musasa wamutthukumano. Vano anamwani a Aroni evelleelle nikhame na epurinno vawiithani moowaapheella nikuwa.

Levitiko 3:8

atthinddaanyere nnatta naye va muru wa enkhoseeyo nave ayiiphelle va nthato na musasa wamutthukumano. Vano anamwani a Aroni evelleelle nikhame na enkhosanno vawiithani moowaapheella nikuwa.

Levitiko 3:2

Muthooyo atthinddaanyere nnatta naye va muru wa eng'ombeeyo nave ayiiphelle va mullako wa musasa wamutthukumano. Vano anamwani a Aroni, evelleelle nikhame na eng'ombenno vawiithani moowaapheella nikuwa.

Levitiko 1:11

Nave ayiiphelle ompoto wa nikuwa vamiitthoni va Apwiya, vano anamwani a Aronaayo yiithe nikhame vanikuwanimvo moowaapheella.

Levitiko 1:5

Vatulli viwa ayiiphe vamiitthoni va Apwiya nave anamwani a Aroni evelleelle nikhame na eng'ombenno voowiithani moowaapheella nikuwa nno niri va mullako wa musasa wamutthukumano.

Eksodo 29:38

“Enthawi ddittheddene nllapo ni nllapo, ovelleelleke asaanaankhosa eelli a muyakha mmodda va nikuwa.

Levitiko 14:13

Mwaanaankhosooyo amwiiphelle vanipuroni noopatuleya, vanipuroni mvo eniiphelliiwa enama dda mukutho woopepesella machimo ni mukutho wooshellelliha vawi mukutho woolliva tti waaye wa mullupa mukutho wonanko mmo enakhallella yoovelleella yoopepesella machimo. Ddoovelleellannddo tti ddaweella wunchichi.

2 Mamwene 12:16

Makobiri oollivella mukutho wa mullatu navettho makobiri oollivella mikutho ddoopepesella machimo kheyaavokha mu nibokosi na mu enyumba ya Apwiya koma yaari a allupa mukutho.

Levitiko 1:4

Vano atthinddaanyere nnatta naye va muru wa eng'ombeeyo nave eneerowaakhelliwa wi ekhalle mukutho wooshellelliha woopepesella machimwaaye.

Levitiko 6:18

Edduullu ddittheddene dda Aroni ddicheke dda mukutho wawoosiwa viikho ddoovelleelliwa wa Apwiya wonanko mmo ddalembelliwiiwa wi ddikhalleke ddiiddo enthawi ddittheddene wa mibado ddittheddene. Erive ello eyo enaattannye nikuwanno eneerewoonongiwa ekaamba ya masiva a weella wa nikuwanno.”

Levitiko 6:22

Vano mullupa mukutho a nlloko na Aroni oyo atthoolliwe wi avollowe munipuroni mwaye, ashellelliheke mukutho muttheene vawi mukuthooyo tti wa Apwiya enthawi ddittheddene.

2 Epilli 29:23

Nave anankhoro a epuri oopepesellana machimo yaayaana wa mwene ni wa athu yatthukumanille yiiyaatthi mattiiwa va anankhorwaayo.