Levitiko 4:13 - Mawu a Mulluku

¹³ “Mutthukumano muttheene wa Aisraele wachimwa moohidduwella erive ello yoovaanyihiwa ni malamulo a Apwiya, mutthukumano muttheene okhalle woochimwa.

Levitiko 4:13 ပူးပေါင်းရင်းမြစ်များ

Levitiko 5:17

“Muthu achimwa vaweerani moohidduwella ello yoovaanyihiwa ni malamulo a Apwiya, muthu yooyo oochimwa nave tti oophwanella ollakiwa.

1 Timoteo 1:13

naari khalle kaanamullotella epewe, kaanamuvevulla ni omuhoosa. Nave Mulluku aakeerella echifundo kaambiiwa ngaamukhulupililalle olliyooyo sika ngaadduwella eyo keereemi.

1 Akorinto 11:27

Vano muthu mmodda aamuchaka buledi a Apwiya ni omuwiryella kapwiiwa moohiphwanellella anachimwella mwiilli ni nikhame na Apwiya.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Ezara 10:19

Alliwa yaalonjeza omwallana ni awariwa nave mukutho woopepesella machimwiiwa waari nankhoro a enkhosa.

Yoswa 7:11

Aisraele aachimwa, aapwesa echipanganwaaka. Aakusa nnddo kaalleelleemi wi tti ddoophwanella woonongiwa. Yahiiyattho nave yaallekattho, epweserera ni ddeko ddiwa.

Levitiko 6:4

Muthooyo achimwa nave adduwella wi oochimwa, ahokollose nnddo ddihiri ddaaye.

Levitiko 4:21

Vano eng'ombeeyo ekhumihelliwe otte wa misasa nave eshellellihiwe wonanko mmo yeerelliiwa ni wawaamboolle. Yooyo sika mukutho woopepesella machimo wi mpingo muttheene okhululukelliwe.

Levitiko 16:5

Aroni aakuseke anankhoro a epuri eelli ovenyera wa Aisraele attheene wi ddikhalle mukutho woopepesella machimo nave nankhoro enkhosa emodda wi ekhalle mukutho wooshellelliha.

Numeri 15:22

Koma mwaamodda mwaphonyiha moohidduwella voohithwarani malamulo ayo Apwiya yamulleellilliiwa Mose

Masalimo 19:13

Muhaakhullelle wi oorumeyellaanyu achimweke phudda ahilamulelliweke ni machimo. Vano kineerokhalla oolungama, ohikhalla ni mullatu wa machimo muullupalli.

Ezekiele 45:22

Va nllapo nawaamba na ehakallallo, mwene avelleelleke mukutho wa nankhoro a eng'ombe opepesella machimwaaye ni a athu attheene.