Levitiko 4:12 - Mawu a Mulluku

¹² apaalle wi eng'ombe ettheeneeyo, ekhumiwena otte wa misasa, eyiiwena o nddalla noopatuleya nko enatathillelliiwawo ntuura nave vanipuroni vaavo eshellellihiwe vamunlloni wa ekhuni.

Levitiko 4:12 ပူးပေါင်းရင်းမြစ်များ

Aheberi 13:11

Mullupa mukutho muullupalli aanavollowa nipuro naweellesesa ni nikhame na enama wi nikhalle mukutho wookhululukella machimo. Koma enameeyo yayoosella otte wa enyumbeeyo.

Eksodo 29:14

Koma enamiiwa, nttapara niwa ni marupwiiwa waashellellihe otte wa misasa. Yoovelleella yeella tti ya mukutho woopepesella machimo.

Levitiko 16:27

Eng'ombe ni epuri ddoovelleellella mukutho woopepesella machimoolle, nndde nikhame niwa awiilleeyena wi eerelle mutetho woopepesella nipuro naweellesesa, addikhumihelle otte wa misasa. Ashellellihe mattapariiwa, enama ddiwa ni marupwiiwa.

Numeri 19:5

Eng'ombeeyo eyoose Eleazara oonaka. Yoose nttapara, enama, nikhame ni marupwiiweene.

Numeri 19:3

Evelleelle wa Eleazara nave ekhumellena otte wa misasa wi yawiiphe vamiitthoni vaye.

Numeri 15:35

Vano Apwiya yaamulleella Mose wi, “Muthooyo iiphiwe. Aisraele attheene emuvokhe malluku otte wa misasa.”

Numeri 5:3

Emuvenyihewo arive muthu awi ddiidda, mullopwana apaalle mutthiyana. Emukhumihelleke otte wa misasa wi ahiripihe misasa ddiwa vawi miyaano kinakhalla variyari va athwaaka.”

Levitiko 13:46

Oovoriiwooyo akhalleke ooripihiwa enthawi ettheene ariiye ni ereteeyo nave akhalle wa yeekha otte wa misasa.”

Levitiko 4:21

Vano eng'ombeeyo ekhumihelliwe otte wa misasa nave eshellellihiwe wonanko mmo yeerelliiwa ni wawaamboolle. Yooyo sika mukutho woopepesella machimo wi mpingo muttheene okhululukelliwe.

Levitiko 6:30

Koma ahiche enama ya mukutho woopepesella machimo oyo nikhame niwa enawaaniiwa m'musasani wamutthukumano wi ekhululukelliwe machimo. Enameeyo ahiyiche koma ayishellellihe.”

Levitiko 8:17

Koma nttapara na nankhoro a eng'ombe ni muhehe, muru, meto, marupo ni marupwiiwa ddittheddenennddo addishellellihe otte wa misasa moollikana ni mmo Apwiya yamulamulalliiwa Mose.

Levitiko 9:11

Enamiiwa ni nttapara niwa aaddishellelliha otte wa misasa.

Ezekiele 43:21

Vano omukuse nankhoro a eng'ombe oyo avelleelliwe monga mukutho woopepesella machimo. Omoose vanipuroni viwa mu nthato na enyumba ya Apwiya, otte wa nipuro naweella.

Levitiko 6:4

Muthooyo achimwa nave adduwella wi oochimwa, ahokollose nnddo ddihiri ddaaye.

Levitiko 6:23

Orive mukutho wa othu oshellellihiweke muttheene, ohichiweke.”