Levitiko 3:9 - Mawu a Mulluku

⁹ Vano vamukuthoni wa eyaattanooyo, muthooyo akuse makhura mattheene a mwiilla woophaddiwa vakhuviru ni mutthana owaakattho makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya.

Levitiko 3:9 ပူးပေါင်းရင်းမြစ်များ

Levitiko 9:19

Yaamwinnyerattho makhura eeng'ombe ni a nankhoro a enkhosa, makhura a mwiilla, makhura oohuruwella marupo, apellepetu ni makhuriiweene navettho makhura mattheene a ohapa.

Eksodo 29:22

“Okusewo makhura a nankhoro a enkhosa, makhura mattheene a omwiillani, a vamaruponi, a voohapani, a vaapellepetuni ni mweto wamutulli wonnattanatta kaambiiwa enkhosa yeella tti mukutho wa va mutetho woozozella.

Yesaya 53:10

Komave Apwiya yaapaalla wi emunyenye ni omuhoosa. Olliye aavelleella okumaaye wi okhalle mukutho wookhululukella machimo. Sika aneerewoona edduullu ddaye, aneerokhalla ni okumi woorekama, opaalla wa Apwiya oneereweereya mwa olliye.

Miyambo 23:26

Mwanaka kaapelle maaru ni murimaawo muttheene nave miitthwaawo eweheseseke ettilla ddaka.

Levitiko 8:25

Aakusa makhura mattheene a omwiillani, a vamaruponi, a voohapani, a vaapellepetuni ni mweto wamutulli woonnattanatta.

Levitiko 7:3

Vano avelleelle makhura mattheene a mwiilla ni makhura oohuruwella marupo.

Levitiko 17:5

Sika wi Aisraele ekuseke enama nnddo yaddiiphelliiwa virive veko, eweena vamiitthoni va Apwiya wa mullupa mukutho vamiitthoni va musasa wamutthukumano nave ayiiphelle vaavo wi okhalle mukutho wa eyaattano.

Numeri 7:88

Nave enama ddittheddene ddoovelleelliwa mukutho wa eyaattano ddaari anankhoro a eng'ombe 24, anankhoro a enkhosa 60, anankhoro a epuri 60 nave anankhoro a anamwani a enkhosa a muyakha mmodda 60. Ddenndda sika ddoovelleella ddoopatuleya dda nikuwa enizozille.

1 Samuele 10:8

Onaahoolle tti weyaano oya o Giligala. Okitiyere wa mallapo matthanu ni meelli vawi kineeroowa wi kivelleelle mukutho wooshellelliha ni wa eyaattano. Wenko kineerewuulangiza ddawi weere.”

2 Samuele 6:17

Vano athu yaawaana nibokosi na Apwiya nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

1 Mamwene 3:15

Solomoni aavenya nave aadduwella wi aamalloha. Vano aaya o Yerusalemu iimella vahoollo va nibokosi na echipangano na Apwiya avelleella mikutho ddooshellelliha ni mikutho ddeeyaattano dda Apwiya. Vano ahaakhozella machellello oorumeyellaaye.

1 Mamwene 8:63

Nave Solomoni aavelleella mikutho ddeeyaattano wa Apwiya dda eng'ombe 22,000 ni dda enkhosa 120,000. Sika mwenoolle ni Aisraele attheene yaayivelleella enyumba ya Apwiya.

1 Mamwene 8:64

Nllapo nenno mwene aapatulattho nipuro na variyari va nthato namillatu nno naari vahoollo va enyumba ya Apwiya. Vawi tti wenko avelleelleeyewo mukutho wooshellelliha ni mukutho wa othu navettho makhura a mikutho ddeeyaattano. Aheera ddiidda kaambiiwa nikuwa na mukutho namukuwa nno naari va nipuro noopatuleya na Apwiya naayeva sika mikutho dda ddeko ddittheddenenndda kheddaakwakhwanella ovelleellavo.

1 Epilli 16:1

Vano athu yaawaana nibokosi na Mulluku nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.