Levitiko 3:3 - Mawu a Mulluku

³ Vano vamukuthoni wa eyaattanooyo, muthooyo akuse makhura mattheene oowaapheella nave oohuruwella marupo wi okhalle mukutho wawoosiwa viikho wa Apwiya.

Levitiko 3:3 ပူးပေါင်းရင်းမြစ်များ

Eksodo 29:13

Vatulli viwa okuse makhura mattheene awaapheella nave oohuruwella marupo, makhura mattheene a ohapa ni apellepetu ni makhuriiweene nave oshellellihe vanikuwanimvo.

Mateyu 15:8

Mulluku aallota wi, ‘Athwaalla enakititimiha miyaano ni vayanonive, koma mirima ddiwa ddoorekamellana ni miyaano.

Eksodo 29:22

“Okusewo makhura a nankhoro a enkhosa, makhura mattheene a omwiillani, a vamaruponi, a voohapani, a vaapellepetuni ni mweto wamutulli wonnattanatta kaambiiwa enkhosa yeella tti mukutho wa va mutetho woozozella.

Aroma 6:6

Nave ninnadduwella wi makhallellwaahu akhalle aakhwa vamodda ni Khrisitu vamutandani wi masiva a makhallellwaahu oochimwa yoonongiwe wi nihikhalle akaporo a machimo.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

Mateyu 13:16

“Koma miitthwaanyu yoodalisiwa vawi ennoonesesa navettho maarwaanyu yoodalisiwa vawi eniiwesesa.

Ezekiele 36:26

Kineerewaavaha murima wanaanweene ni munepa musha. Kineerovenyiha murima wawumma wonanko nlluku nave kineerewaavaha muwari mwiwa murima wawoollowa wonanko muhehe.

Yesaya 6:10

Umiha mirima dda athwaalla, khoowiha maarwiiwa, minyalliha miitthwiiwa wi ehoone ni miitthwiiwa, ehiiwe ni maarwiiwa, ehidduwelle ni murimiiwa nave ehirukunuwe murima wi echirihiwe.”

Miyambo 23:26

Mwanaka kaapelle maaru ni murimaawo muttheene nave miitthwaawo eweheseseke ettilla ddaka.

Masalimo 119:70

Athu awi ddiidda khenaganiza phaama, koma miyaano kinnahakallalla ni malamulwaanyu.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Levitiko 3:16

Vano mullupa mukutho ashellellihe ddittheddenennddo vanikuwani wi okhalle mukutho wa othu, wawoosiwa viikho, wa nthuko nawaaddivella Apwiya. Makhura mattheene a enama tti a Apwiya.

Levitiko 1:8

Anamwani a Aronaayo etthatte enthuli dda eng'ombeeyo, muru ni makhureene, va ekhuni ddiri vanikuwanimvo.

Levitiko 1:12

Vatulli viwa ayiphadde enthuli enthuli enameeyo. Allupa mukutho ekuse enthuli dda enameeyo, muru ni makhureene nave edditthatte ddittheddenennddo va ekhuni nnddo ddiri vanikuwani.

Levitiko 3:2

Muthooyo atthinddaanyere nnatta naye va muru wa eng'ombeeyo nave ayiiphelle va mullako wa musasa wamutthukumano. Vano anamwani a Aroni, evelleelle nikhame na eng'ombenno vawiithani moowaapheella nikuwa.

Levitiko 3:4

Aakusettho apellepetu ni makhuriiweene navettho makhura mattheene a ohapa, ayo anaavenyihelleeye nimodda ni apellepetwaalle.

1 Samuele 2:15

Woonjerera vaavo enthawi ddimodda athu yaaheraatthiki mukutho, ehinawoose makhura waaheraatthella mukutho Apwiya, oorumeyella a mullupa mukuthoolle aanawa allota wi, “Mukinnye enama ekitthi wi kawooselle allupa mukutho vawi khenapaalla enama yawaapeya.”

Levitiko 4:10

Aavenyihemo wonanko mmo enavenyihelliwiiwa mu eng'ombe yoovelleella va mukutho wa eyaattano. Vano mullupa mukuthooyo ashellellihe ddittheddenennddo vanikuwani na mukutho wooshellelliha.

Levitiko 7:5

Mullupa mukutho addishellellihe ddittheddenennddo vanikuwani wi ddikhalle mukutho wawoosiwa viikho, woovelleelliwa wa Apwiya. Yooyo sika mukutho woolliva.

Levitiko 7:30

akusewo embali dda mukutho wawoosiwa viikho, woovelleella wa Apwiya. Akusettho makhura ni ekhakaddeene mootukhullella muddullu wa Apwiya wi okhalle yoovelleella yootukhullella muddullu wa Apwiya.

Levitiko 9:10

Koma makhura ni apellepetu owaaka makhura mattheene a ohapa dda mukutho woopepesella machimooyo aaddishellelliha vanikuwani moollikana ni mmo Apwiya yamulamulalliiwa Mose.

Levitiko 16:25

Makhura a enama ya mukutho woopepesella machimo aashellellihe vanikuwani.

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.