Levitiko 3:17 - Mawu a Mulluku

¹⁷ Nenna nikhalle lamulo wa enthawi yoohimalla wa mibado ddanyu ddittheddene wi muhiche nikhame apaalle makhura a enama orive weko nko munaakhallekeenyu.”

Levitiko 3:17 ပူးပေါင်းရင်းမြစ်များ

Genesis 9:4

“Koma ello emoddave muhinaachekeenyu tti enama yookhalla ni nikhame muwari mwiwa. Koovaanyiha ekaamba yawi okumi wa enama onakhalla mu nikhame.

Mateyu 26:28

Vawi nna tti nikhame naka noollipiha echipangano ya Mulluku, nookhumihiwa ekaamba ya athu anchichi wi machimo ekhululukelliwe.

Deuteronomo 15:23

Nikhameve na enamannddo muhiche koma munitathillelleke vatthi wonanko maaddi.”

Deuteronomo 12:23

Nikhameve muhicheke vamodda ni enameeyo kaambiiwa okumi okonne munikhameni, sika nyuwaano muhicheke nikhamenno vamodda ni enameeyo.

Levitiko 7:23

aalleelle Aisraele wi ehicheke makhura eeng'ombe apaalle eenkhosa apaallettho eepuri.

Deuteronomo 12:16

Nikhameve na enammanndo muhinicheke koma munitathillelleke vatthi wonanko maaddi.

Levitiko 17:7

Sika mikutho ddiwa ehiddiivelleellelle milluku ddeepuri nnddo enaddoonihelliiwana ohiroromelleya wa Apwiya. Nenno nikhalle lamulo wa enthawi yoohimalla wa mibado ddittheddene.”

Levitiko 6:18

Edduullu ddittheddene dda Aroni ddicheke dda mukutho wawoosiwa viikho ddoovelleelliwa wa Apwiya wonanko mmo ddalembelliwiiwa wi ddikhalleke ddiiddo enthawi ddittheddene wa mibado ddittheddene. Erive ello eyo enaattannye nikuwanno eneerewoonongiwa ekaamba ya masiva a weella wa nikuwanno.”

Levitiko 3:16

Vano mullupa mukutho ashellellihe ddittheddenennddo vanikuwani wi okhalle mukutho wa othu, wawoosiwa viikho, wa nthuko nawaaddivella Apwiya. Makhura mattheene a enama tti a Apwiya.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Mitteko 15:29

muhicheke enama yooheraatthiwa omukuthoni wa mafano, enama ddawiiphiwa mwawi manyokotholla makohi, nikhame na enama navettho muhiraruweke. Muneerekeweera phaama mwaathwaraka ddeko ddenndda. Hallani phaama.”

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.

Ezekiele 33:25

Vano waalleelle wi mi Apwiya Mulluku kinallota wi, ‘Munnacha enama vamodda ni nikhame nene. Munnallapella mafano, munnawiipha athu. Ethiyo vano ellapweeyo ttuukhalla yaanyu?

Deuteronomo 32:14

Yahaawiryiha mukaka woonyuunya wa eng'ombe, navettho mukaka wa enkhosa ni epuri. Yahaachiha enkhosa ni epuri ddooneneva, navettho anankhoro a enkhosa ddaphaama dda o Bashani. Yahaachiha tirigu aphaama wunchichi, yahaawiryiha vinyo ooddiva.”

Levitiko 23:14

Muhinamucha tirigu yoolla awumma apaallettho mukitthi apaalle buledaaye nllaponna nihinaphiye, ophiyera muwiillena mukutho wa Mullukwaanyu. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Levitiko 7:36

Apwiya yahaalamulella Aisraele wi evelleelleke ddennddo wa allupa mukutho ovenyera nllapo nno yazoziwiiwa wi ekhalle embaliiwa wa mibado ddiwa ddittheddene.

1 Timoteo 4:4

Vawi ddittheddene ddoophatusiwa ni Mulluku tti ddaphaama nave ehikhallevo erive ello yookhootiwa. Erive ello yaakhelliweke ni nivekello noothokoza,

Mateyu 16:24

Vano Yesu aallota wa oohudderaaye wi, “Muthu aapaallaka okithwara iikhoote yeekhaaye, atukhulle mutandaaye akithware miyaano.

Ezekiele 44:7

Mwahaavollochiha mu nipuro naka naweella alleto oohiphaddiwa m'murimani ni m'mwiillini mwene. Athwaayo yaaripiha enyumbaaka nyuwaano mwakivaheenyu yoocha, makhura ni nikhame. Vaweerani ddoonanara ddenndda mwaatathilla.

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Numeri 19:21

Nenno nikhalle lamulo wa enthawi yoohimalla wa alliwaayo. “Muthu oyo anamidda maaddi aweellihella achape ddoowara ddaye. Nave muthu oyo anattannya maaddi aweellihella aneerokhalla ooripihiwa ophiyera misikuwa.

Levitiko 16:34

Nenno nikhalle lamulo nanyu na enthawi yoohimalla wi mweereke mutetho woopepesella machimo mattheene a Aisraele omodda vamuyakhani.” Vano Mose aheera moollikana ni mmo Apwiya yamulamulalliiwa.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Levitiko 4:1

Apwiya yaallota ni Mose wi

Levitiko 6:22

Vano mullupa mukutho a nlloko na Aroni oyo atthoolliwe wi avollowe munipuroni mwaye, ashellelliheke mukutho muttheene vawi mukuthooyo tti wa Apwiya enthawi ddittheddene.

Levitiko 7:34

Sika Apwiya aatthoolla ekhakadda yoovelleelliwa mootukhullelliwa muddullu ni mweto wamutulli wi ddikhalle dda Aroni ni anaaye wonanko embali ya mukutho wa eyaattano wa enthawi ddittheddene.

Levitiko 10:9

“Muhinamuwiryaka vinyo apaalle yoowirya yoowalli, weyaano ni edduullu ddawo, mwaayaaka o musasa wamutthukumanoolla woova wi munaakhwe. Nenna nikhalle lamulo wa enthawi yoohimalla wa mibado ddanyu ddittheddene.

Levitiko 10:15

Kasambara, ekhakadda ni mukutho wamakhura awoosiwa viikho odditukhullelle muddullu wi ekhalle yoovelleella yootukhullella muddullu vamiitthoni va Apwiya. Ddenndda ddikhalle ddaawo ni edduullu ddawo ddeellopwana wa enthawi yoohimalla moollikana ni mmo Apwiya yalamulelliiwa.”

Levitiko 16:29

“Nenno nikhalle lamulo nanyu na wa enthawi yoohimalla wi mweeri waneetthanu ni piilli, va nllapo naneekhumi na mweeri, muhalleke ocha nave muhiphareke orive mutteko, nyu Aisraele navettho mulleto ookhalla variyari vanyu.

Levitiko 23:21

Vano va nllapo nenno muwiithane athu o mutthukumano woopatuleya nave muhinaphara mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Levitiko 24:3

Aroni ayikharihe enyaleeyo vamiitthoni va Apwiya otte wa ekatani yootchinga nibokosi na echipangano nno niri m'musasani wamutthukumano wi ekhareke waambeella misikuwa ophiyera ohinase. Nenna nikhalle lamulo wa enthawi yoohimalla wa mibado ddanyu ddittheddene.

Eksodo 28:43

Aroni ni anaaye ewareke ddenndda enthawi ddittheddene yaayaaka o musasa wamutthukumano apaalle onikuwani wookirumeyella onipuroni naweella woova wi enaachimwe ni okhwa. Lamulo nenna noollota dda Aroni ni edduullu ddaye nikhalle lamulo wa enthawi yoohimalla.

Levitiko 6:15

Vano mmodda a alliwaayo avahulle nnatta nimodda na othu woottakanyihera ni makhura nave amukusettho lubanaaye muttheene. Ashellellihe ddennddo vanikuwani, wooniha wi mukutho muttheenooyo woovelleelliwa wa Apwiya nave ddikhumihe nthuko nawaaddivella Apwiya.

Levitiko 19:26

“Muhiche enama eri ni nikhame, Muhoombeseke makhanga apaalle weera ddookhwiri.

Levitiko 24:9

Yoocheeyo ekhalle ya Aroni ni anaaye nave eyichelle m'mapuroni oopatuleya vawi wa alliwa yeella tti yoopatuleya wunchichi, yoovenyera va mikutho ddawoosiwa viikho wa Apwiya. Lamulo nenna nikhalle na enthawi yoohimalla.”

Deuteronomo 12:24

Nikhame niwa muhicheke koma munitathillelleke vatthi wonanko maaddi.

2 Epilli 29:35

Waanjerera va echiwerengero ya mikutho ddooshellelliha, vaakhallattho makhura a mikutho ddeeyaattano navettho ddoowirya dda va mukutho wooshellelliha. Sika mitteko ddittheddene dda o enyumba ya Apwiya ddaahokolloselliwa.