Levitiko 3:16 - Mawu a Mulluku

¹⁶ Vano mullupa mukutho ashellellihe ddittheddenennddo vanikuwani wi okhalle mukutho wa othu, wawoosiwa viikho, wa nthuko nawaaddivella Apwiya. Makhura mattheene a enama tti a Apwiya.

Levitiko 3:16 ပူးပေါင်းရင်းမြစ်များ

Mateyu 22:37

Yesu ahaakhulla wi, “ ‘Waakondeke Apwiya Mullukwaawo ni murimaawo muttheene ni okumaawo muttheene navettho ni maganizwaawo mattheene.’

Yesaya 53:10

Komave Apwiya yaapaalla wi emunyenye ni omuhoosa. Olliye aavelleella okumaaye wi okhalle mukutho wookhululukella machimo. Sika aneerewoona edduullu ddaye, aneerokhalla ni okumi woorekama, opaalla wa Apwiya oneereweereya mwa olliye.

2 Epilli 7:7

Nllapo nenno mwene aapatulattho nipuro na variyari va nthato namillatu nno naari vahoollo va enyumba ya Apwiya. Vawi tti wenko avelleelleeyewo mukutho wooshellelliha ni mukutho wa othu navettho makhura a mikutho ddeeyaattano. Aheera ddiidda kaambiiwa nikuwa na mukutho namukuwa nno naari va nipuro noopatuleya na Apwiya naayeva sika mikutho dda ddeko ddittheddenenndda kheddaakwakhwanella ovelleellavo.

Levitiko 17:6

Nave mullupa mukutho iithelle nikhame niwa vanikuwani na Apwiya, va mullako wa musasa wamutthukumano, vatulli viwa ashellellihe, makhuriiwa wi ekhumihe nthuko nawaaddivella Apwiya.

Levitiko 9:24

Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

Levitiko 8:25

Aakusa makhura mattheene a omwiillani, a vamaruponi, a voohapani, a vaapellepetuni ni mweto wamutulli woonnattanatta.

Levitiko 4:31

Vano avenyihe makhuriiwa mattheene, wonanko mmo enaavenyihelliiwa makhura a mukutho wa eyaattano nave mullupa mukutho ashellellihe vanikuwaninno wi ekhumihe nthuko nawaaddivella Apwiya. Mwawi ddiidda aheraatthi mukutho woopepesella machimo ekaamba ya nichimo na muthu shisha nave aneerokhululukelliwa.

Levitiko 4:26

Eeddiiddo makhuriiwa mattheene aashellellihe vanikuwani, wonanko mmo eneerelliiwa ni makhura a mukutho wa eyaattano. Mwawi ddiidda aheraatthi mukutho woopepesella machimo ekaamba ya nichimo na oolamulella nave aneerokhululukelliwa.

Eksodo 29:22

“Okusewo makhura a nankhoro a enkhosa, makhura mattheene a omwiillani, a vamaruponi, a voohapani, a vaapellepetuni ni mweto wamutulli wonnattanatta kaambiiwa enkhosa yeella tti mukutho wa va mutetho woozozella.

Eksodo 29:13

Vatulli viwa okuse makhura mattheene awaapheella nave oohuruwella marupo, makhura mattheene a ohapa ni apellepetu ni makhuriiweene nave oshellellihe vanikuwanimvo.

2 Epilli 29:35

Waanjerera va echiwerengero ya mikutho ddooshellelliha, vaakhallattho makhura a mikutho ddeeyaattano navettho ddoowirya dda va mukutho wooshellelliha. Sika mitteko ddittheddene dda o enyumba ya Apwiya ddaahokolloselliwa.

Ezekiele 44:15

Koma allupa mukutho a nlloko na Alevi a nibanja na Zadoki, ayo yaroromelleye va mitteko ddoopwatha nipuro naweella enthawi eyo Aisraele yahollowilliiwa ni okihiya miyaano yaayove eneekewaatamella wa miyaano wi ekirumeyelleke. Eneeroowa wa miyaano wi eheraatthi mukutho wa makhura ni wa nikhame. Mi Apwiya Mulluku koollota.

Genesis 4:4

Abele nayeenettho aakusa amodda a anamwani awaamba a enkhosa ddaye nave aavelleella wonanko mukutho enama yaphaama yamakhura. Sika Apwiya yaahakallalla ni Abele ni mukuthwaaye.