Levitiko 3:1 - Mawu a Mulluku

¹ “Arive muthu aawaaka wa Apwiya wi avelleelle mukutho wa eyaattano, mukuthweene wakhalla wa eng'ombe, akhalleke nankhoro apaalle yaamutthiyana, yoohirakalla.

Levitiko 3:1 ပူးပေါင်းရင်းမြစ်များ

Numeri 6:14

nave olliye avelleelle mikutho wa Apwiya. Amuvelleelle nankhoro a mwaanaankhosa a muyakha mmodda oohirakalla wi akhalle mukutho wooshellelliha, enkhosa yaamutthiyana yoohirakalla wi ekhalle mukutho woopepesella machimo nave nankhoro a enkhosa yoohirakalla wi ekhalle mukutho wa eyaattano.

Levitiko 1:3

Mukutho wooshellellihooyo wakhalla wa eng'ombe, akhalleke nankhoro, oohirakalla. Aweekena va mullako wa musasa wamutthukumano wi Apwiya eyaakhelle.

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Amosi 5:22

Naari muvelleelle mikutho ddanyu, ddooshellelliha navettho dda ddoocha mi ngiddaakhullella. Mikutho ddanyu dda eyaattano dda eng'ombe ddooneneva ngiddiweha naari vang'ono.

Akolose 1:20

Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Malaki 1:14

Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

Malaki 1:8

Ethiyo munaganiza wi kheviri yoonanara voovelleellani wa miyaano eziweto ddoohoona, ddoorakalla apaalle ddoovoriiwa? Munaganiza wi endunaanyu ttuuwuuhakallallellani apaalle oweerellani echifundo mwavelleella echiweto yawi ddiidda? Mi Apwiya koollota. Mi Apwiya Amasiva Mattheene koollota

Ezekiele 45:15

Muvelleelleke enkhosa emodda va mulloko wa enkhosa 200 dda m'mapuroni aphaama oochihella enama a o Israele. Mmu sika munaavelleellellekeenyu mikutho dda yoocha, mikutho ddooshellelliha, mikutho ddeeyaattano ni mikutho ddoopepesella. Mi Apwiya Mulluku koollota.

Miyambo 7:14

“Koovelleella mukutho wa eyaattano nave ollello kookwakhwaniha nnddo kallupenlleemi.

1 Epilli 21:26

Nave Davide ahaamakella Apwiya nikuwa avelleella mikutho ddooshellelliha ni ddeeyaattano. Nave aawiithana Apwiya mookhuwa sika yaamwaakhulla vookitthihani munllo ovenyera oddullu va nikuwa valle wi ooselle mikutho.

Oweeruza 21:4

Osaka wene athwaayo yaavenya ohinase. Yamaka nikuwa wenko, evelleella mukutho wooshellelliha ni wa eyaattano.

Oweeruza 20:26

Vano athu attheene, sika wi mulloko wa athu akhoto muttheene waaya o Betele wi winlle. Yaakeraatthi vamiitthoni va Apwiya, ehalla ocha* nllapo nenno ophiyera misikuwa nave yaavelleella mukutho wooshellelliha ni mukutho wa eyaattano vamiitthoni va Apwiya.

Numeri 7:17

Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Nashoni, mwaana a Aminadabu.

Levitiko 17:5

Sika wi Aisraele ekuseke enama nnddo yaddiiphelliiwa virive veko, eweena vamiitthoni va Apwiya wa mullupa mukutho vamiitthoni va musasa wamutthukumano nave ayiiphelle vaavo wi okhalle mukutho wa eyaattano.

Eksodo 29:28

Aisraele yavelleella mikutho ddeeyaattano, ddenndda ddikhalle dda Aroni ni anaaye enthawi ddittheddene vawi tti ddoovelleella dda Aisraele wa Apwiya.

Eksodo 24:5

Vano ahaaruma asombwe a Aisraele wi yavelleelle mikutho ddooshellelliha ni wiipha eng'ombe wi yavelleelle wa Apwiya mikutho ddeeyaattano.

Eksodo 20:24

Mukillapelleke va nikuwa na ethaya nave vaavo muheraatthikivo mikutho ddanyu ddooshellelliha, dda eyaattano ni dda enkhosa, epuri ni eng'ombe ddanyu. Miyaano kineeroowa wi kuudaliseni va mapuro mattheene ayo kinuulleelleemini wi mukillapellekevo.

Levitiko 3:6

“Arive muthu aawaaka wa Apwiya wi avelleelle mukutho wa eyaattano, mukuthweene wakhalla wa enkhosa, ekhalleke nankhoro apaalle yaamutthiyana, yoohirakalla.

Levitiko 9:18

Vano ahiiphattho eng'ombe ni nankhoro a enkhosa aaheraatthella athu mukutho wa eyaattano. Vatulli viwa anaaye yaamwinnyerera nikhame nave olliye ahiithella nikhamenno moowaapheella nikuwa.

Numeri 7:59

Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Gamaliele, mwaana a Pedazuri.

Numeri 15:8

Vano mmodda aamuvelleellaka nankhoro a eng'ombe wi akhalle mukutho wooshellelliha apaalle mukutho woollupella apaalle mukutho wa eyaattano,

Deuteronomo 12:27

Wenko mwavelleelle mikutho ddooshellelliha, enama vamodda ni nikhame nene va nikuwa na Apwiya. Nikhamenno muniithelle waapheella nikuwa na Apwiya Mullukwaanyu koma enameeyo ttuuyicha.

Ezekiele 43:27

Mallapo yaayo yamalla waambeella nllapo naneetthanu ni raru oya muhoollo, allupa mukutho eheraatthiki vanikuwaninno mikutho ddanyu ddooshellelliha nave dda eyaattano. Vano kineerowaakhellani. Mi Apwiya Mulluku koollota.”

Levitiko 1:10

“Mukutho wooshellellihooyo wakhalla wa enkhosa apaalle epuri, akhalleke nankhoro oohirakalla.

Levitiko 9:4

Mukusettho eng'ombe ni enkhosa wi ddikhalle mukutho wa eyaattano wa Apwiya. Nave muweena mukutho wa othu woottakanyihera ni makhura. Vawi ollello Apwiya eneerowooneyellani.’ ”