Levitiko 27:28 - Mawu a Mulluku

²⁸ Erive ello yoovelleelliwa ni murima muttheene wa Apwiya, khaya tti muthu apaalle enama apaalle emata eyo eri yoohallana ovenyera wa makhollwaaye, ehikullihiwe apaalle woopolliwa. Ello yoovelleelliwa mwawi ddiidda wa Apwiya tti yoopatuleya wunchichi.

Levitiko 27:28 ပူးပေါင်းရင်းမြစ်များ

Eksodo 22:20

“Arive muthu oovelleella mukutho wa milluku, ohiri wa Apwiyave, iiphiwe.

Levitiko 27:21

Muyakha woohakallallella miyakha 50 wamalla, emateeyo enaakhalle yoopatulelliwa wa Apwiya wonanko emata yoovelleelliwa mukutho. Mullupa mukutho aneeroyikusa wi ekhalle yaaye.

Deuteronomo 25:19

Vano Apwiya Mullukwaanyu yuuvahani ellapo wi ekhalle yoohallanaanyu, yawaakihanittho m'mattani mwa adanaanyu attheene oowaapheellani, moonesese wi mwaatthollose Aamaleki attheene wi nnddina niwa nithiimihiwe va ellapo yavatthi. Muhitiwalle ddenndda!”

1 Samuele 15:18

Nave Apwiya yahuurumani wi, ‘Khawe wawoononge Aamaleke, athu oonanara murimaalle nave wawanena ekhoto ophiyera waatthollosille attheene.’

Yoswa 7:1

Koma Aisraele amodda kheyaawiiwellelle malamulo a Apwiya awi ehikuse erive ello mu Yeriko yoophwanella woonongiwa. Vano Akani aavittha ddeko ddimodda. Olliyoolla aari mwaana a Karimi, mwaana a Zabidi, mwaana a Zera, a nlloko na Yuda. Sika Apwiya yahaashella murima wunchichi Aisraele attheene.

Yoswa 6:26

Enthawi yeeyo Yoswa aallupella mowaatembelela wi, “Arive muthu oyo anaamakettho muzinda wa Yeriko atembeleliwa. Arive muthu oyo anaamake matthipellellwaaye, mwanaye awaamba aneerokhwa. Arive muthu anaamake millako ddaye, ethwakwaaye eneerokhwa.”

Numeri 18:14

“Erive ello eyo athu enaapatulelliiwa wa Apwiya mu ellapo ya Israele ekhalle yaanyu.

Agalatiya 3:13

Nave vookhallani ootembeleliwa munipuroni mwahu, Khrisitu oonoopolla hiyaano o otembeleliwa wa malamulo. Vawi mawu a Mulluku enallota wi, “Arive muthu anatthomeyiwa vamuteekhoni tti ootembeleliwa ni Mulluku.”

Agalatiya 3:10

Ayo enakhulupilila wiiwellella malamulo tti ootembeleliwa. Vawi mawu a Mulluku enallota wi, “Muthu ahiniiwellella erive ello yoolembiwa mu nibukhu na malamulo tti ootembeleliwa!”

1 Akorinto 16:22

Oyo ahinaakonda Apwiya akhalle ootembeleliwa. Apwiihu waani!

Aroma 9:3

va athu aakaaka! Vawi kapaalla wi miyaano meekhaaka kitembeleliwe ni Mulluku ni omwallanihiwa ni Khrisitu ekaamba ya alliwaayo.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

1 Samuele 15:3

Khaweni vano mwawanena ekhoto Aamalekaayo, moononge ddeko ddiwa ddittheddene oohihiya naari mmodda. Mwawiiphe allopwana, atthiyana, anamwani ni akantcheweene. Mwiiphettho eng'ombe, enkhosa ni abulu attheene.”

Oweeruza 21:18

Koma khaniworave owinnya aniihu aatthiyana wi yaatthelle.” Valle Aisraele yaari ellupenlle wi, “Akhalle ootembeleliwa muthu oyo anaawinnye Abenjamini mutthiyana.”

Oweeruza 21:11

Nnddo munaaweereenyu tti ddawi, ‘Mwawiiphe allopwana attheene navettho arive mutthiyana oyo amudduwenlle mullopwana.’ ”

Oweeruza 21:5

Aisraele yaallota wi, “Ethiyo ttaani oyo variyari va malloko a Aisraele ahiphiyalle va mutthukumano wa Apwiya?” Valle yaari ellupenlle dda athu ayo ehinaaphiye va mutthukumano wa Apwiya o Mizipa wi, “Muthu anaaweere ddennddo anaphwanella iiphiwe.”

Yoswa 7:25

Vano Yoswa aallota wi, “Onikatamihelle tini? Apwiya eneerewuuhoosa ollello!” Vano Aisraele attheene yaamuvokha malluku, yaahella munllo, yaavokha malluku.

Levitiko 27:27

Yakhalla enama yooripihiwa, ayoopolle va mutengo mullupa mukutho anaawuromolleeye nave oonjererevo emodda mwa ezigawo dditthanu dda mutengooyo. Koma aahiyoopolla ekullihiwe va mutengo oyo mullupa mukuthooyo anaaromolleeye.”

Levitiko 27:29

Naari ari muthu oyo avelleelliwe ni murima muttheene, ahoopolliwe koma iiphiwe.

Deuteronomo 7:26

Muhiwe muvollowana mpa mwanyu ddenndda wi otulli oyo ori va alliwaayo ohuumorelleni. Mwiitane nave mwaavevulle mafanwaayo kaambiiwa Apwiya yahaatembelela.”

Ezekiele 44:29

Alliwa echeke ddoovelleella dda yoocha, dda mukutho woopepesella machimo ni dda mukutho woolliva. Nave ddittheddene ddoovelleelliwa wa miyaano mu Israele ddikhalle ddayiwa.

Ezekiele 48:14

Ehikullihe apaalle waakakhaniha erive embali ya echigawo yeella. Tti echigawo yoopatuleya nave ehaavahe amodda vawi tti nipuro naweella.”

Levitiko 21:22

Koma ttuucha ddoocha ddoovelleelliwa wa Mullukwaaye, buledi oopatuleya ni ddoocha ddoopatuleya ddoohalla dda mukutho.

2 Epilli 31:14

Kore mwaana a Imina Mulevi, mulonda a va mullako wa wookhuma nndduwa sika awehera ddoovelleella ddoohiwatiheriwa wi addikaweke ddawaaphwanella Apwiya ni mikutho ddaweellesesa.