Levitiko 27:26 - Mawu a Mulluku

²⁶ “Koma vihikhalle muthu anaamuvelleelle musaana awaamba a enama. Vawi ovenyera khalle musaanooyo tti Apwiya. Naari eri eng'ombe apaalle enkhosa apaalle epuri, yeeyo tti ya Apwiya.

Levitiko 27:26 ပူးပေါင်းရင်းမြစ်များ

Eksodo 13:2

“Waavelleelle anamwani aallopwana awaamba attheene wa miyaano. Variyari va Aisraele, arive mwaana aamullopwana awaamba a muthu apaalle a enama, tti aaka.”

Deuteronomo 15:19

“Asaana aallopwana attheene awaamba a eziweto mwaapatulelle wa Apwiya Mullukwaanyu. Eng'ombe ddenndda muhiddipharihe mutteko nave enkhosannddo muhiddicheme obweya.

Numeri 18:17

Koma musaanaang'ombe awaamba apaalle musaana a enkhosa awaamba apaallettho musaana a epuri awaamba muhinamoopollaka vawi tti aweella. Mwiithelle nikhame niwa vanikuwani nave moose makhuriiwa wi ekhalle mukutho wawoosiwa viikho wa nthuko nawaaddivella Apwiya.

Eksodo 22:30

Ovelleellekettho wa miyaano eng'ombe ddawo, enkhosa ddawo ni epuri ddawo ddawaamba. Mwaana awaambooyo anaakhalle ni amennya mallapo matthanu ni meelli nave oneeromuvelleella wa miyaano va nllapo naneetthanu ni raru.

Levitiko 27:27

Yakhalla enama yooripihiwa, ayoopolle va mutengo mullupa mukutho anaawuromolleeye nave oonjererevo emodda mwa ezigawo dditthanu dda mutengooyo. Koma aahiyoopolla ekullihiwe va mutengo oyo mullupa mukuthooyo anaaromolleeye.”

Numeri 3:13

vawi anamwani attheene aallopwana awaamba tti aaka. Va nllapo nne kawiiphalleemi anamwani aallopwana attheene awaamba a Aiguputo, kahiitthoollella anamwani aallopwana attheene awaamba a Aisraele, anamwani a athu ni a enama ddene. Attheene tti aaka nave mi tti Apwiya.”

2 Mamwene 7:5

Sika yaatimullalle misikuwa oya o misasa dda Asiriya. Koma ephiyalle o malireni wa misasannddo, kheyamuphwannyewo naari muthu mmodda.

Nehemiya 10:36

Nineerowaanattho o enyumba ya Mullukwaahu, wa allupa mukutho enarumeyella wenko, mwaana aamullopwana awaamba ni asaana awaamba a eng'ombe, enkhosa ni epuri ddahu moollikana ni nnddo ddilembiwe m'malamuloni.