Levitiko 27:21 - Mawu a Mulluku

²¹ Muyakha woohakallallella miyakha 50 wamalla, emateeyo enaakhalle yoopatulelliwa wa Apwiya wonanko emata yoovelleelliwa mukutho. Mullupa mukutho aneeroyikusa wi ekhalle yaaye.

Levitiko 27:21 ပူးပေါင်းရင်းမြစ်များ

Ezekiele 44:29

Alliwa echeke ddoovelleella dda yoocha, dda mukutho woopepesella machimo ni dda mukutho woolliva. Nave ddittheddene ddoovelleelliwa wa miyaano mu Israele ddikhalle ddayiwa.

Numeri 18:14

“Erive ello eyo athu enaapatulelliiwa wa Apwiya mu ellapo ya Israele ekhalle yaanyu.

Levitiko 25:31

Koma enyumba dda m'mawaani, ddoohaapheelliwa ni mpanda yeerena wonanko mmo eneerelliiwa ni ethaya dda mwiillaponimmo. Ttuuddoopolla nave ddineerohokollosiwa va muyakha woohakallallella miyakha 50.

Levitiko 25:28

Koma aahikhallana ddookwakhwanella woopolla, ethayeeyo enaakhalleve m'mattani mwa oyo akullallooyo, ophiyera muyakha woohakallallella miyakha 50. Va muyakha yoolla, ethayeeyo eneerohokollweella wa mwaneena awaamba.

Levitiko 25:10

Mupatule muyakha wa 50 nave mullalleye wi mukhalle ottaphuwa mu ellapo ettheene wa attheene ayo eri mwemmo. Wa nyuwaano muyakha yoolla okhalle wa ehakallallo. Muyakha yoolla emata eyo mwakullihalleenyu ehokolloselliwe wa nyuwaano apaalle wa edduullu ddanyu nave arive muthu akulliwe wonanko kaporo ahokollweelleke onibanjani waye.

Ezara 10:8

woollota wi, “Arive muthu ahinaaphiye variyari va mallapo mararu moollikana ni lamulo na oohoollella ni na attekweene aneerewaakhiwa katundwaaye muttheene nave avenyihiwe m'mullokoni wa athu oohokollowa wuukaporoni.”

Yoswa 6:17

Muzindoolla ni ddittheddene ddiri mwemmo muddoononge wi ddikhalle wonanko mukutho woovelleella wa Apwiya. Koma Rahabuve mutthiyana ooraruwoolle ni attheene a mpa mwaye mwaasunge vawi aawiipitthiha oozondaalle.

Deuteronomo 13:17

Muhiphare erive ello yoophwanella woonongiwa wi Apwiya ehuushellenittho murima koma yuumorelleni ethakaraka nave eweerelleni echifundo ni owaatihani moollikana ni mmo yallupenlliiwa wa makhollwaanyu.

Levitiko 27:20

Koma aahipaallaka wi oopolle nave yakullihiwa wa muthu mmodda emateeyo khewa yoopolliwa.

Levitiko 27:22

Muthu avelleella wa Apwiya emata eyo ayikullalleeye, yeeyo khehiyo echigawo ya ddoohallana ovenyera wa makhollwaaye,