Levitiko 26:6 - Mawu a Mulluku

⁶ Kineerowaana murendelle mwiillaponaanyu nave muneerekokonaatthi woohikhallavo owoopopihani. Kineerowiikariha enama ddamuhakani ddawoopiha mwiillaponaanyu nave khamuwa mukhalla ekhoto.

Levitiko 26:6 ပူးပေါင်းရင်းမြစ်များ

Yesaya 35:9

Wenko khowa okhalla mikango, enama ddawoopiha khaddiwa ddiphiyawo, khaddiwa ddiphwanyeyawo naari vang'ono. Koma yaayove Apwiya yawooponlliiwa, eneereweeta mu musewu yoolla.

Zefaniya 3:13

Oohalla a mu Israele khewa yeera yoohilungama, khewa ellotattho ddawoottha, khewa yeerattho ddoolleka. Eneerokhalla vaphaama vamurendelleni, oohikhallavo oyo anaawoopopihe.”

Masalimo 147:14

Ennawaana murendelle m'malireni a ellapwaawo, ennuuvoniha ni tirigu aphaama.

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Hagai 2:9

Sika ntitimiho na enyumba yaneepiilleella eneerokhwaranya ntitimiho na enyumba yawaambeelle. Navettho vineerokhalla murendelle va nipuro nenno. Mi Apwiya Amasiva Mattheene koollota.”

Hoseya 2:18

Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Ezekiele 34:25

Kineerokeraatthihana echipangano yamurendelle. Kineeroddivenyihamo mwiillaponimmo enama ddittheddene ddamuhakani wi enkhosa ddaka ddikhallekemo mwamurendelle naari muchipululuni apaalle muhakani.

Masalimo 29:11

Apwiya ennaavaha masiva athwiiwa, ennaadalisa ni murendelle.

Ezekiele 14:15

Mwaamodda kaarumihe enama ddawoopiha wi ddeete mwiillaponimmo ni owoononga athwiiwa ophiyera ellapweeyo etthattuwalle echipululu yawi khaavo muthu aavirekemo ekaamba ya enama ddawoopihannddo.

Yobu 11:19

Onaakoneke moohirurumuseya, anchichi eneerekewuuveka.

Eksodo 23:29

Ngiwiikariha mu muyakha mmodda woova wi mu ellapweeyo khemukhalla athu nave wi enama ddamuhakani ddineerottotthollanamo.

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Zekariya 9:10

Apwiya enallota wi, “Kinerewaavenyihawo magareta akhoto o Efuremu, kineerewaakusawo akavalo o Yerusalemu, miira ddakhoto ddineerokotholliwa. Mwenaawo eneerokeraatthiha murendelle variyari va mitundu dda athu. Aneerekolamulella ovenyera o enyanja emodda ophiya o enyanja emodda, ovenyerattho o muhinje wa Yufurate ophiya o makomello a ellapo yavatthi.”

Mika 4:4

Arive muthu anaakhalleke mwamurendelle, naari vatthi va muteekhwaaye wa mpesa ni vatthi va muteekhwaaye wanamukuyu, khaavo oyo anaawoopopiheke vawi Apwiya Amasiva Mattheene, aneena, aallota.

Ezekiele 14:17

Mwaamodda kaarumihe ekhoto o ellapo yeeyo ni olamula wi eye yawoononge athu ni enama mwiillaponimmo.

Ezekiele 5:17

Kineerorumiha ettalla ni enama ddamuhakani ddawoopiha nnddo ddinaawaakhe anaawo. Kineerewuukuha ni mullilli nave vineerokhalla wiiphana va athwaawo. Kineerewuurumihella ekhoto yawoopiha. Mi Apwiya Mulluku koollota.”

Masalimo 85:8

Kiiwe nnddo Apwiya Mulluku enaallotiiwa vawi eneerollota dda murendelle wa athwiiwa, wa athwiiwa aweella murima yaahihokollweella o ddookarangeya ddiwa.

Masalimo 4:8

Kineerokonaatthi ni okona mwamurendelle, vawi tti nyeeneve Apwiya munakiteteza miyaano.

1 Epilli 22:9

Kaapelle maaru, oneeromuyara mwaana aamullopwana. Anaakhalle muthu amurendelle. Kineeroweeriha adanaaye attheene oomwaapheella wi ehiwanekena. Nnddina naye ninaakhalle Solomoni nave kineeromuvaha Israele murendelle ni omaalleya mu olamulellwaaye ottheene.

2 Mamwene 2:24

Vano Elisha aarukunuwa nave awoonille asombwaayo, ahaatembelela mu nnddina na Apwiya. Nave vaakhumellella ezimbalangondo piilli ddeetthiyana ovenyera ohakani ddiwiipha asombwe 42.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Mitteko 12:6

Mahiiyu yaayo Herode ahanlleeye vang'ono wi amukhumihe eeruziwe, Petro akonille variyari va akhoto eelli, amakiwe ni onyolo miilli. Nave vaakhallattho oowehera ayo yawehera va mullako wa endendeeyo.

Ezekiele 14:21

Mi Apwiya Mulluku kinallota wi, “Oneerokhalla ddawoopihesesa kamoriha va Yerusalemu ekhoto, ettalla, enama ddawoopiha ni mullilli wi kiwoononge athu ni enama.

Yeremiya 31:26

Sika vano kaavenya kimwaramwara miittho nave kahoona wi kaakhwavo ekhove.

Yesaya 45:7

Kinnaphatusa owala ni epiphi, kinnawiiha madaliso ni otulli. Mi Apwiya kinneera ddittheddenenndda.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Masalimo 3:5

Kinnakonaatthi nave kinnakona. Kinnavenya ohinase, vawi Apwiya ennakiseera.

Miyambo 6:22

Waaweetaka eneerekewuuhoollella, waakonaka eneerekewuuwehera nave waavenyaka eneerekewuullotiha.

Miyambo 3:24

Waakeraatthiki khawoovaka, waakonaka oneerekokhalla ni ekhove ddaphaama.

Yobu 5:23

Emata ddawo kheddikhalla ni malluku, enama ddamuhakani khedduukatamiha.

Levitiko 26:22

Kineerewuurumihellani enama ddawoopiha ddamuhakani nave ddineerowoonongellani aniinyu owaaka eng'ombe ddanyu. Enama ddawoopiha dda muhakaninnddo ddineeroyeviha waata wanyu sika vano mu ettilla ddanyu khamuviraka athu.

Levitiko 26:7

Muneerowiikarihattho adanaanyu nave muneerewaagonjiha ni nsupada.

Levitiko 26:25

Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.

Levitiko 25:18

“Muthwareke malamulwaaka mattheene nave mwiiwellelleke moollikana ni mmo kuulamulelleemini. Sika vano muneerokhalla mwiillaponimmo mwamurendelle.

Levitiko 25:19

Ethaya eneerewimma ezipaso ddiwa, muneeroddicha ophiyera ovona nave muneerokhalla mwiillaponimmo mwamurendelle.

2 Epilli 20:30

Sika mwaakhalla murendelle mu omwene muttheene wa Yehoshafati vawi Mulluku aamuvaha murendelle virive veko.

Masalimo 144:14

Eng'ombe ddahu ddikhalle ni mapelle, ddihivudde apaalle olephela oyara. M'misewuni mwahu muhikhalle winlla ekaamba ya ddookatamiha.

Yesaya 35:8

Wenko oneerokhalla musewu muullupalli, onaaromolliweke wi, “Ettilla ya Weella.” Ooripihiwa khewa yeetamo, ookarangeya khevollowamo.

Ezekiele 34:27

Miteekho ddineerewimma nave ethaya eneerokhumiha ddoohata. Vano athu eneerokhalla mwamurendelle mwiillaponi mwiwa. Eneerodduwella wi mi tti Apwiya kinttaka magoliiwa ni waavullusa wa ayo yaaphanre okaporo.

Hoseya 2:20

Kineerewuutomela moororomelleya nave oneerodduwella wi mi tti Apwiya.”