Levitiko 26:5 - Mawu a Mulluku

⁵ Muneerekewuuputha ddeko ophiyera enthawi yoorukulla ezipaso nave muneerekorukulla ezipaso ophiyera enthawi yawaalla. Muneerocha yoocha ophiyera muvonille nave muneerekokhalla mwiillaponaanyu mwamurendelle.

Levitiko 26:5 ပူးပေါင်းရင်းမြစ်များ

Amosi 9:13

Apwiya enallota wi, “Enthawi enimawa mvo oohata anaahateeye mwawaakuva awaalla ahinamallihe waalla, oovota mpesa aneerovota mwawaakuva oomidda ahinamallihe omidda mmiddo. M'miyaangoni muneerondonya vinyo ooddiva, aneerekemeetellella va asimiyaango attheene.”

Yowele 2:26

Muneerocha ddinchichi ni ovona, muneerotitimiha nnddina na Apwiya Mullukwaanyu eweerelleni ddoottikhiniha. Athwaaka khewa enyaambusiwattho.

Yowele 2:19

Apwiya yahaakhulla ni ollota wa athwiiwa wi, “Vano kineerewuurumihellani tirigu, vinyo ni makhura a olivi wi muvoneke wunchichi, nave mitundu ddimodda khadduunyaambusanittho.

Miyambo 1:33

Koma oyo anakiiwellella aneeroteteziwa, aneerokhalla mwamurendelle nave khoovaka erive ello.”

Deuteronomo 11:15

Eneerekomelliha manasi awi eng'ombe ddanyu ddicheke navettho nyuwaano muneerekokhalla ni yoocha nave muneerekovona.

1 Timoteo 6:17

Waalamulelle ayo eri ni eyuuma ya ddeko dda vatthimva wi ehikotelleke naari ohiya murimiiwa muttheene va eyuuma eyo eri yoohiroromelleya koma Mulluku oyo ananivaha hiyaano ddittheddene moohillivella wi nihakallallekena.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Mateyu 23:37

“Yerusalemu, Yerusalemu! Athwaawo ennawiipha anamallotella nave ennaavokha malluku owiipha athu yarumihelliwiiwa ni Mulluku! Tti mallapo makavi kapanlleemi waakhupaarella athwaawo attheene wonanko mwanakhu anaakhupaarelleeye asaanaaye vatthi va muuphellwaaye koma nyuwaano khamwaapanlle!

Yeremiya 23:6

Va enthawi yoomwenaaye, Yuda aneerovulluwa nave Israele aneerokhalla vamurendelleni. Mwenooyo anaaromolliweke wi ‘Apwiya sika echilungamwaahu.’

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Masalimo 90:1

Nyu Apwiya, tti mookhallamo mwahu va mibado ddittheddene.

Eksodo 16:8

Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Hoseya 2:18

Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Masalimo 144:13

Ekhokwe ddahu ddikhalle ddooddalla, ddisunge ddoohata dda orive mutundu. Enkhosa ddahu ddaarelle asaana ooheerengeya m'makhollani mwahu.

Yesaya 1:19

Mwaarimi mukhonzekille okiiwellella muneerocha ddaphaama va ellapo yavatthi.

Yesaya 30:23

Mwaamiddaka mmiddwaanyu, Apwiya eneerewuurupihellani murimu wi omelle nave muneerohata ddinchichi. Nllapo nenno eziweto ddanyu ddineerophwanya munyepu munchichi.

Hoseya 2:20

Kineerewuutomela moororomelleya nave oneerodduwella wi mi tti Apwiya.”

Yowele 2:22

Nyu enama ddamuhakani, muhoove vawi munyepu wa mu echipululu onimaphuwa, miteekho ddinimiima ezipaso, namukuyu ni mpesa ddinimiima wunchichi.