Levitiko 26:40 - Mawu a Mulluku

⁴⁰ “Vano edduullu ddanyu ddineerowulula machimwiiwa ni machimo a makhollwiiwa ekaamba ya ohiroromelleya wiwa nko yakillekilliiwana navettho ekaamba ya weeta moovaanyihana ni miyaano.

Levitiko 26:40 ပူးပေါင်းရင်းမြစ်များ

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Numeri 5:7

Awulule nichimo nno eerilleeye. Ahokollose ddittheddene oonongilleeye nave oonjerere emodda mwa ezigawo dditthanu dda mutengwiiwa nave amwinnye oyo amulakwenlleeye.

Ezekiele 36:31

Vano muneerewuupuwella makhallellwaanyu ni mitteko ddanyu ddoonanara. Muneerowulliwa muru ekaamba ya machimwaanyu ni ddoonanara nnddo mwaddeerilleenyu.

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

1 Mamwene 8:47

Vano eri wuukaporoninko yaadduwella ochimwa wiwa erukunuwa murima ni oveka wa nyuwaano mwawiiyeviha mu ellapo ya athu ayo yaaphanre okaporo, voollotani wi, ‘Noochimwa, noohollowa, noheera ddoonanara.’

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

Levitiko 26:24

kineerovaanyihanattho ni nyuwaano nave kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:21

“Vano mwavirellella oovaanyihana ni miyaano woohikiiwellella, kineerowaana millilli ddimodda va nyuwaano waanjerera otthanu ni opiilli ekaamba ya machimwaanyu.

Levitiko 5:5

“Muthu achimwa va emodda ya ddiromolliwenndda, awulule nichimo nayenno.

Ezara 10:11

Vano muwulule machimwaanyu wa Apwiya Mulluku a makhollwaanyu nave mweere nnddo enapaalliiwa. Mwiipatule wa athu a mwiillaponi navettho mwiipatule wa atthiyana eelleto.”

Yeremiya 14:20

Nyu Apwiya, nohuuchimwellani wunchichi, ninnaakhullella machimwaahu ni a makhollwaahu.

Yoswa 22:15

Ephiyalle o ellapo ya Giliyadi, yaallota ni athu a nlloko na Rubeni, na Gadi ni hafu a nlloko na Manase wi,

1 Mamwene 8:48

Athwaayo yaahokollweella wa nyuwaano ni murimiiwa muttheene ni okumiiwa muttheene mu ellapo ya adaniiwa nko yapharelliwiiwawo okaporo, yavekella wa nyuwaano moowehani o ellapwiiwa eyo mwaavahilleenyu makhollwiiwa, o muzinda oyo mwawutthoollilleenyu navettho o enyumba eyo kimakenlleemi nnddina nanyu

Ezara 9:6

killota wi, “Nyu Mullukwaaka, koowulliwa muru nave nginawora otukhullella ekhovaaka wa nyuwaano Mullukwaaka vawi machimwaahu aawella muddullu okhwaranya miru ddahu nave olakwa wahu woowella ophiyera oddullu.

Ezara 9:15

Nyu Apwiya Mulluku a Israele tti a echilungamo komave noohalla ophiyera ollello. Ngoonani niri vamiitthoni vanyu nidduwellakave ddoochimwa ddahu mwawi khaavo naari muthu mmodda aniimelle vamiitthoni vanyu ekaamba ya yeella.”

Maliro 1:20

Nyu Apwiya ngoonani, vawi koopaneya, murimaaka woohoowa wunchichi. Murimaaka wookhumamo ekaamba yawi koohuuwukilani wunchichi. M'musewuni athu erinawiiphiwa ni nsupada, navettho mpa muri okhwa.

Ezekiele 14:23

Mirima ddanyu ddineerokeraattheya moona mmo enaakhallellekiiwa nave enaawerellekiiwa sika muneerewiiwesesa wi ngimweerelle ddennddo Yerusalemu vihiri ekaamba. Mi Apwiya Mulluku koollota.”