Levitiko 26:4 - Mawu a Mulluku

⁴ kineerewuuvahani murimu mu enthawiiwa wi muneerohata ddawaata nave miteekho ddineerewimma ezipaso.

Levitiko 26:4 ပူးပေါင်းရင်းမြစ်များ

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Masalimo 67:6

Ethaya yahimma ezipaso ddiwa, Mulluku, Mullukwaahu oonidalisa!

Ezekiele 36:30

Kineerewimmiha miteekho ezipaso ddinchichi nave ethaya eneerokhumiha ddoohata ddinchichi sika wi khamuwa muvevuwattho ekaamba ya ettalla variyari va mitundu ddimodda

Yesaya 30:23

Mwaamiddaka mmiddwaanyu, Apwiya eneerewuurupihellani murimu wi omelle nave muneerohata ddinchichi. Nllapo nenno eziweto ddanyu ddineerophwanya munyepu munchichi.

Yobu 5:10

Annamurupiha murimu veellaponi, annarumiha maaddi m'matani.

Deuteronomo 28:12

Va enthawiine, eneerewuurumihellani murimu ovenyera oddullu nko enamusungiiwa nave eneerodalisa mitteko ddanyu ddittheddene. Muneerokongoliha mitundu ddimodda ddinchichi koma nyuwaano khamuwa mukongola o orive mutundu.

Deuteronomo 11:14

Nave alliwa sika enaamurupiheke murimu mwiillaponi mwanyu enthawi yaphaama monga murimu awaamba ni murimu oomallihella wi mukhalleke ni tirigwaanyu, vinywaanyu navettho makhuraanyu.

Levitiko 25:21

Miyaano kineerewuudalisani va muyakha waneetthanu ni mmodda wi ethaya ekhumihe ddoocha ddookwakhwana miyakha miraru.

Mitteko 14:17

Koma mallapo mattheene aaddeerella omboni wawi ookhallawo oweella mu ddeko ddaphaama eerilleeye. Annuuvahani murimu ovenyera oddullu ni ezipaso va enthawiiwa. Annuuvahani ddoocha navettho anaddalliha mirima ddanyu ni ehakallallo.”

Mateyu 5:45

wi moonihe wi muri anamwani a Attiitthaanyu ooddullu. Vawi annoopiha nndduwa wa athu oonanara ni aphaameene nave annamurupiha murimu wa ayo eneera ddoonanara ni wa ayo eneera ddaphaama.

Masalimo 85:12

Ddawoona, Apwiya eneerovelleella ddaphaama, ellapwaahu eneerokhalla ni ddoohata ddinchichi.

Masalimo 68:9

Nyu Mulluku, mwaamurupiha murimu, mwaallipiha ellapwaanyu mvo yafookilliiwa.

Yawuupullulla 11:6

Aakhalla ni olamulello wommaka murimu wi ahirupe va enthawi enallotelliiwa. Aakhallattho ni olamulello wootthattusella aneetuutu amaaddi okhalla nikhame. Aakhallattho ni olamulello woowiiha millilli ddoohiyanahiyana va ellapo yavatthi enthawi enapaalliiwa.

Yakobo 5:7

Asinnaka ni arokoraka, villellani wonanko muthu oollima ophiyera owa wa Apwiya. Annatiyera wi ezipaso ddaphaama ddooneye m'matani mwaye. Annatiyera moovillella ophiyera ddirupelliwe ni murimu awaamba ni oomallihella.

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Masalimo 104:13

Nyuwaano munnahellella miyaango ni maaddi oovenyera o ezipinda ddanyu ddooddullu, ellapo yavatthi yooddalla ni madaliswaanyu.

1 Mamwene 17:1

Namallotella Eliya Mutishibe a o Giliyadi aamulleella Ahabu wi, “Kinimallupella vamiitthoni va Apwiya Mulluku a Israele oyo kinamurumeyelleemi wi khavikhalla nikame naari murimu miyakha ddenndda ophiyera killotille.”

Levitiko 25:19

Ethaya eneerewimma ezipaso ddiwa, muneeroddicha ophiyera ovona nave muneerokhalla mwiillaponimmo mwamurendelle.

Deuteronomo 11:13

“Sika vano mwiiwellelleke malamulo kiwinnyalleemini ollellova wi mwaakondeke Apwiya Mullukwaanyu ni waarumeyella ni okumaanyu muttheene.

Masalimo 67:7

Ddawoona, Mulluku oonidalisa! Athu attheene a va ellapo yavatthi emooveke.

Masalimo 85:13

Echilungamo eneerewaahoollella, eneeromookollella meetellwaaye.

Yowele 2:22

Nyu enama ddamuhakani, muhoove vawi munyepu wa mu echipululu onimaphuwa, miteekho ddinimiima ezipaso, namukuyu ni mpesa ddinimiima wunchichi.