Levitiko 26:39 - Mawu a Mulluku

³⁹ Naari amodda munaahallenyu nanyeenettho muneerotthollowa mwiillaponi ya adanaanyu ekaamba ya machimwaanyu nave muneerohoowattho ekaamba ya machimo a makhollwaanyu.

Levitiko 26:39 ပူးပေါင်းရင်းမြစ်များ

Ezekiele 4:17

Sika yoocha ni maaddi ddinaamallelleke vang'ono vang'ono. Eneerekowehana mookhupanya nave eneerewoonda ekaamba ya machimwiiwa.”

Ezekiele 33:10

“We mwaana a muthu, owuupuse Aisraele attheene mawu awi ‘Noollemelliwa ni machimwaahu nave ninnoondana ddoolakwa ddahu. Ethiyo ninaakhalle ni okumi mwawiidde?’

Ezekiele 24:23

Muneerowara enduwira, muneerowarattho esapato. Khamoopa ekutho apaalle omoriha miitthori. Koma muneerokatamiheya ekaamba ya machimwaanyu nave muneerekewiipullellellana muthu ni mukhwaaye.

Ezekiele 6:9

Vano oovulluwa mwa nyuwaano eneerokuupuwella variyari va athu a mitundu ddimoddaayo nko enaapharelliiwawo okaporo. Kineerewaamoriha ethakaraka nave kineerewaawulliha muru ekaamba ya ohiroromelleya wiwa nave owukila wiwa wulle ekaamba yoohiya murimiiwa va mafano. Ddineerewaananara aneeniiwa vawoonanani ddoonanara ddittheddene nnddo yeerilliiwa vamodda ni ddaweera ddiwa ddoonanara.

Deuteronomo 28:65

Khemuwa muphwanya murendelle apaalle nipuro naanyunaanyu orive weko. Munaakhalle ookhumuwa, oorama nikavihero ni ootathilla murima nave Apwiya sika enaamorihe ddenndda va nyuwaano.

Eksodo 20:5

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Zekariya 10:9

Naari kaapallalleselle variyari va mitundu, komave o ellapo ddawoorekamannddo eneerokuupuwella. Alliwa ni aniiwa eneerovulluwa, eneerohokollweella owaniwa vamodda.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Ezekiele 36:31

Vano muneerewuupuwella makhallellwaanyu ni mitteko ddanyu ddoonanara. Muneerowulliwa muru ekaamba ya machimwaanyu ni ddoonanara nnddo mwaddeerilleenyu.

Ezekiele 20:43

Wenko muneerewuupuwella makhallellwaanyu oonanara ni ddoonanara ddanyu ddittheddene mwiiripihalleenyuna. Nave muneerewiisimwella nyookha ekaamba ya ddittheddene nnddo mwaddeerilleenyu.

Ezekiele 18:19

“Mwaamodda ttuukoha wi, ‘Kaambiiwa tini mwaana ahinaallakiweeye ekaamba ya ddoolakwa dda attiitthinnya?’ Mwaanooyo aneerokhalla ni okumi ekaamba yawi anneera ddoolungama nave ddoororomelleya nave anniiwellella phaama malamulwaaka mattheene sika aneerokhalla ni okumi.

Maliro 4:9

Anakari tti ayo yiiphiwe vakhotoni, okhwaranya ayo yakhwille ni ettalla. Vawi attallaalla yamalliheya vang'ono vang'ono ekaamba yoorama yoocha.

Yeremiya 31:29

Enthawi yeeyo athwaalle khewa ellotattho wi, ‘Makhollo aacha mpesa ddoohiithwa koma anamwani sika eruruvanlle miino.’

Yeremiya 29:12

Enthawi yeeyo muneerokiithana wi mukillapelleke nave kineerowaakhullani.

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Nehemiya 1:9

koma Mwahokollowella wa miyaano ni wiiwellella malamulwaaka ni oweera, kineerewuutthukumanihani ni wuuphiyihani o nipuro katthoonlleemi wi athu ellapellekewo nnddina naka naari mupallalleyelle o mamallihello wa ellapo yavatthi.’ ”

Deuteronomo 30:1

“Yuuphiyerani madaliso ni matembelelo kaaromollilleemaalla, muneerewuupuwella muri variyari va mitundu ddimodda nko Apwiya Mullukwaanyu yuupallalleselleewani.

Deuteronomo 5:9

Ohinikokhorelleke nirive nifano apaalle onillapella kaambiiwa mi Apwiya Mullukwaawo kiri Mulluku eehache. Kinnaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese wa ayo eniitana ni miyaano.

Numeri 14:18

‘Apwiya tti oohisha murima mwawaakuva, tti ooddalla ni echikondi yoohisintheya nave tti ookhululukella ddoonanara ni machimo. Komave khenaakhullella wi oochimwa ahillakiwe. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.’

Eksodo 34:7

Alliwa tti eechikondi wa mibado ddooheerengeya nave tti ookhululukella ddoolakwa, ddoonanara ni machimo. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.”

Yesaya 14:21

Ekaamba ya machimo a attiitthiiwa, khonzekerani owiipha anamwani a mwenoolla woova wi enaavenye ni waakha ellapo yavatthi ni oyiddalliha ni mizinda.

Yesaya 24:16

Ovenyera o ellapo ddawoorekama ninniiwa machipo oomutitimiha, oomuthokoza Oolungama. Koma miyaano kooheruwa, kooheruwa! Otulli wookummellella! Awoottha ennootthave nave woottha wiwa onnoonjerereya.

Maliro 1:3

Athu a o Yuda aaya wuukaporoni woohoosiwa wi yaphare mutteko woovoriiha mwiilli. Enakhalla mu ellapo dda athu a mitundu ddimodda, khenna nipuro nowiithuwellavo. Attheene oowiikariha ennaaphwanya, vawi aapaneya wunchichi.

Deuteronomo 8:20

Mwaahiwiiwellellaka Apwiya Mullukwaanyu, muneerewoonongeya wonanko mmo Apwiya enoonongelliiwa mitundu ddimodda vamiitthoni vanyu.”

2 Epilli 34:24

‘Mi Apwiya kinallota wi kineeromoriha ddoonanara va muzindoolla ni va athu attheene a mwemmo monga mwa matembelelo mattheene a mu nibukhu nno neerengiwe vamiitthoni va mwene a o Yuda.

Ezara 9:7

Waambeella enthawi ya makhollwaahu ophiyera ollello nikhallelle ochimwa wunchichi. Vano ekaamba ya machimwaahwaayo, hiyaano, mamwene a ellapo ddimodda ni allupa mukuthwaahu noovelleelliwa m'mattani mwa mamwene a mwiillaponi wiiphiwa okhotoni, opharelliwa wuukaporoni, waakhiwa ddeko ni owullihiwa muru wonanko mmo ddikhallelliiwa ollello.