Levitiko 26:38 - Mawu a Mulluku

³⁸ Muneerotthollowesesa variyari va mitundu ddimodda nave ellapo ya adanaanyu eneerewuumiryani

Levitiko 26:38 ပူးပေါင်းရင်းမြစ်များ

Yeremiya 42:22

Ddawoona, dduwellani wi muneerokhwa ni ekhoto, ettalla ni mullilli o nipuro nno munapaalleenyu wi mwakhallekewo.”

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Deuteronomo 28:68

Nave Apwiya eneerewuurumihanittho o Iguputo mukallawani dda vanyanjani naari yalonjezille wi khamuwa muhokollweellawottho. Wenko muneereweeseesa wiikulliha wonanko akaporo wa adanaanyu koma khaavo naari mmodda anaapaalle wuukullani.”

Deuteronomo 28:48

Sika vano muneerewaarumeyella adani ayo Apwiya enaarumihiiwa wi ellipane ni nyuwaano. Muneerovolliwa ettalla ni nthona nave muneerokhalla ni osiwa navettho ddeko ddittheddene ddineerewuuramani. Apwiya eneerewuuhoosani mweekuku ophiyera moonongeyille.

Levitiko 26:39

Naari amodda munaahallenyu nanyeenettho muneerotthollowa mwiillaponi ya adanaanyu ekaamba ya machimwaanyu nave muneerohoowattho ekaamba ya machimo a makhollwaanyu.

Yeremiya 22:12

Anaakhwelle wuukaporoni nave khawa ayoonattho ellapweella.”