Levitiko 26:32 - Mawu a Mulluku

³² Kineerewoononga ellapwaanyu sika wi adanaanyu ayo enaakhalle mwemmo eneerottikhina.

Levitiko 26:32 ပူးပေါင်းရင်းမြစ်များ

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yeremiya 25:11

Ellapo ettheeneella enaakhalle ntepe ni ello yoonanara. Va miyakha 70 mitundu ddenndda ddineeromurumeyella mwene a o Babiloni.

Yeremiya 19:8

Muzindoolla kineerowutthattusa nipuro nawunkha ni nawoopiha musoonyo. Arive muthu ooviravo oneerekoriiryiwa mwiilli vawoonani woonongeya wiwa.

Yeremiya 18:16

Ellapwiiwa aayitthattusa ntepe ni yoonyaambusiwa wa enthawi yoohimalla. Arive muthu ooviramo aneerekottikhina navettho aneerekotikha muru.

Ezekiele 5:15

Oneerokhalla ello yoovevuwa nave eneerekewuunyemulla. Oneerokhalla wonanko ochenjeza nave ello yawoopiha wa athu a mitundu ddoowaapheella kaawuullakaka mwamasiva, kaakamullaka mullatwaawo moonanariwa ni moowalli. Mi Apwiya Mulluku koollota.

Yeremiya 25:18

Yaakiruma o Yerusalemu, o mizinda dda o Yuda, wa mamwenaaye ni enduna ddaye wi etthattuwe matepe, ello yawoopiha ni yoottheyiwa monga ddikhallelliiwa ollello.

1 Mamwene 9:8

Nave enyumba yeella eneerokumuwa ni otthattuwa ntepe. Vano arive muthu oovira vaavo aneerekottikhina ni woopa musoonyo vookohani wi, ‘Kaambiiwa tini Apwiya yenriiwa ddenndda va enyumbeella?’

Deuteronomo 28:37

Orive weko nko Apwiya enuupallalleselleniwawo, athu eneerekewuuttikhinani, eneerekewuuttheyani, eneerekewoopa mwaha mwawuunyemullani.

Luka 21:20

“Mwamoona Yerusalemu aapheelliwe ni akhoto a adani, dduwellani wi okumulliwa waye wohaatamella.

Habakuku 3:17

Naari namukuyu ahiphuwe malluwa apaalle mipesa ddihiime ezipaso apaalle olivi ahimme ezipaso, m'matani muhikhalle ddoocha apaalle eziweto ddittheddene ddikhwe m'makhollani,

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Daniele 9:2

Vano muyakha wawaamba wa omwenaaye, miyaano Daniele, vaweerengani mabukhu aweella, kaaphwanya wi Yerusalemu aneerotthattusiwa ntepe wa miyakha 70. Mawu yaalla tti ayo Apwiya yamulleelliiwa namallotella Yeremiya.

Maliro 5:18

Mwaango wa Ziyoni wootthattuwa ntepe, akhatwe sika eneeteetamo.

Maliro 4:12

Mamwene a va ellapo yavatthi kheyaakhulupililalle apaalle arive muthu ookhalla va ellapo yavatthi wi adani apaalle akhoto ttuuvollowa va millako dda Yerusalemu.

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Yeremiya 44:2

“Apwiya Amasiva Mattheene, Mulluku a Israele, enallota wi, ‘Mohoona ddawoopiha nnddo kamorihelleemi va Yerusalemu ni mizinda ddittheddene dda o Yuda. Vano ddittheddenennddo ddootthattuwa ntepe, khamunakhalla athu.’

Yeremiya 25:38

Apwiya ahaahiya athwiiwa wonanko mukango woohiya nikhungu niwa nave ellapwiiwa yootthattuwa ntepe ekaamba ya ddoohoosa dda ekhoto ni osha murima wawoopiha wa Apwiya.

Yesaya 64:10

Mizinda ddanyu ddaweella ddootthattuwa echipululu, Ziyoni ootthattuwa nihaka, Yerusalemu ootthattuwa mukhwaadduni.

Yesaya 24:1

Ddawoona, Apwiya eneerewoononga ellapo yavatthi ni oyitthattusa echipululu nave eneeroyinyenyanyenya ni waamwara athu attheene.

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Yesaya 5:9

Kohiiwa Apwiya Amasiva Mattheene ellupellaka wi, “Ddawoona, enyumba ddinchichinnddo ddineerotthattuwa matepe, enyumba dduullupalli ddooreeranddo khamukhallaka athu.

Yesaya 5:6

Kineeroyitthattusa emateeyo ntthalla, enaakhalle yoohiphadderiwa ni yoohikoholliwa nave muneeromella kakande ni miiwa ddimodda. Kineerolamulellattho mirapo wi ddihimurupihe murimu.

Yeremiya 12:11

Yaayitthattusa ntepe, enakinllella miyaano eri weekhiiwa. Ellapo ettheene yootthattuwa echipululu khaavo oyo anapwathawo.

Yeremiya 33:10

Apwiya enallota wi, “Athu enallota wi nipuronna tti ntepe noohikhalla ni athu naari enama. Komave m'mizindani dda Yuda ni m'misewuni dda Yerusalemu mmo vano muri ellapo tuu, moohikhalla muthu naari enama,