Levitiko 26:31 - Mawu a Mulluku

³¹ Kineerotthattusa mizinda ddanyu wi ddikhalle matepe, kineerotthattusattho mapurwaanyu oollapellellamo wi ehikhalle ni athu nave ngaakhullella wi kiiwe nthuko nookiddivella na ddoovelleella ddanyu.

Levitiko 26:31 ပူးပေါင်းရင်းမြစ်များ

Nehemiya 2:3

Kaallota wa mwene wi, “Amwene ekhalle ni okumi woorekama! Ekhovaaka enooneye moohikhumuwa mwawiidde mvo muzinda nko ori mahame a makhollwaaka wootthattusiwa ntepe nave machiwi a millako ddiwa ahoonongeya ni munllo?”

Aheberi 10:26

Ninachimwa mwaphudda nidduwellaka yawoona, khawiivo mukutho mmodda onaakhelliwe ekaamba ya machimwaahwaayo.

Ezekiele 9:6

Mwawiiphe attheene, awuulluvalla, asombwe, anamwalli, anamwani ni atthiyana. Koma muhinamuttannya oyo ari ni echizindikiro. Mwaambeelle o enyumbaaka.” Sika yahaamba owiipha attekweene va mullako wa enyumbeeyo.

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Mitteko 6:14

Naamwiiwa allotaka wi Yesu a o Nazareti aneerokumulla enyumba ya Mulluku navettho aneerowaakakhaniha malamulo mattheene a makhollwaahu ayo Mose aavahilleeye makhollwaahu!”

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Ezekiele 21:15

Athwaaka eneerotathilla murima ni omora. Kohaakhozera nsupada noonyezimilla. Nineerosherima wonanko ettari nave koonirumiha o mizinda wi niwiiphe.

Ezekiele 21:7

Yuukoha eyo oniipullelleewe, waalleelle wi, ‘Kiniipullella ekaamba ya miyaha kiiwalleeminndda.’ Ddeereya ddennddo mirima ddiwa ddineerekotthukumella nave mattiiwa mattheene eneerofooka, eneerotathilla murima, m'makutthani mwiwa muneerekotthukumella. Ddinimawa nave ddineereweereya. Mi Apwiya Mulluku koollota.”

Ezekiele 6:6

Orive weko munaakhallekeenyuwo, mizinda ddanyu ddineerotthattuwa matepe. Mapurwaanyu oollapellamo mattheene eneerewoonongiwa sika wi makuwaanyu ni mafanwaanyu eneeropwesiwa. Makuwaanyu awoosellamo lubani eneerokumulliwa nave ddittheddene mwapangilleenyu ddineeromalla.

Maliro 1:1

Ha! Khalle waari muzinda wooddalla ni athu, ollello ohanlle weekhiiwa. Khalle waari woovuwa variyari va mitundu dda athu, ollello wootthattuwa wonanko naamukhwelle. Khalle waari mwene aamutthiyana, ollello wootthattuwa kaporo.

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Yeremiya 26:9

Kaambiiwa tini ollotenlleewe mu nnddina na Apwiya wi enyumba ella eneerewoonongiwa wonanko Shilo ni wi muzindoolla oneerotthattuwa ntepe, moohikhalla athu?” Sika athu attheene yaatthukumana emwaapheella Yeremiya mu enyumba ya Apwiya.

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Yeremiya 22:5

Koma waahiiwellella mawaaka kinallupella vamiitthoni vaka wi enyumba yeella eneerotthattuwa ntepe. Mi Apwiya koollota.”

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Yesaya 1:7

Ellapwaanyu yootthattuwa ntepe nave mizinda ddanyu ddohoosiwa ni munllo. Alleto ahaakha ellapwaanyu ni woononga erive ello moonaka.

Nehemiya 2:17

Vano kahaalleella wi, “Munnoona ddookatamiha niriihuna, mmo Yerusalemu atthattuwalleeye matepe nave machiwi a millako ddaye yohoosiwa. Ngawani nimakettho mpanda wa Yerusalemu wi nihiwulliwekettho muru.”

2 Epilli 36:19

Nave yaahella munllo enyumba ya Mulluku ni yoomwene, ekumulla mpanda wa Yerusalemu nave yoononga eziwiya ddittheddene ddoowallamella mutengo.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

2 Mamwene 22:19

waalapa ni wiiyeviha vamiitthoni va mi Apwiya. Kahuulleella wi kineerollaka muzindoolla ni athu attheene a mwemmo nave wi oneerotthattuwa nipuro nawoopiha ni nootulli. Vawi wohaahulla ddoowara ddawo winllaka vamiitthoni vaka, miyaanottho kohiiwa nivekello nawo. Mi Apwiya koollota.

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Yesaya 63:18

Athwaanyu oopatuleya yakhanlle ni nyuwaano wa enthawi yooyeva koma adanaahu yaanyingallella enyumbaanyu yoopatuleya.

Yeremiya 44:2

“Apwiya Amasiva Mattheene, Mulluku a Israele, enallota wi, ‘Mohoona ddawoopiha nnddo kamorihelleemi va Yerusalemu ni mizinda ddittheddene dda o Yuda. Vano ddittheddenennddo ddootthattuwa ntepe, khamunakhalla athu.’

Yeremiya 44:6

Sika owalli wa osha murima waka waakhara wonanko munllo m'mizindani dda Yuda ni m'misewuni dda o Yerusalemu. Mizindannddo ddaatthattuwa matepe oohiyiwa monga ddikhallelliiwa ollellova.

Daniele 2:46

Sika mwene Nebukadinezara aapopheya ekhove vatthi nave aamullapella Daniele. Aalamula wi athu evelleelle mukutho ni woosa lubani* wa Daniele.

Amosi 7:9

Mapuro oollapellamo a Isaki eneerewoonongiwa, enyumba ddoollapellamo dda Israele ddineerotthattuwa ntepe, kineerowukila nibanja na mwene Yerobowamu ni nsupada.”

Zefaniya 3:6

Apwiya enallota wi, “Kohoononga mitundu ddittheddene dda athu, mipanda ddiwa dda akhoto kooddikumulla. Misewu ddiwa kooddoononga kheyiivottho ayo enaaweetemo. Mizinda ddiwa ddootthattuwa ntepe, khaavo naari muthu mmodda oyo ahanllemo.

Nehemiya 1:3

Nave yaakaakhulla wi, “Athu yahokollowille wuukaporoni ayo enakhalla mu echigawo eri mu ddoohoosa dduullupalli nave ennavevulliwa. Mpanda wa Yerusalemu wookumuwa nave machiwi a millako ddiwa ahoonongeya ni munllo.”

Yesaya 64:9

Nyu Apwiya, muhivirellelle onishella murima ni wuupuwella machimwaahu wa enthawi yoohimalla. Ngoonani, attheene niri athwaanyu.

Yeremiya 4:26

Kaaweha nave ellapo ya ethaya yaphaama yaatthattuwa echipululu, mizinda ddiwa ddittheddene khemwaari erive ello ekaamba ya osha murima wa Apwiya.

Yeremiya 4:27

Apwiya aallota wi ellapo yavatthi ettheene eneerotthattuwa echipululu komave kheyikokholla.

Maliro 2:6

Aapwanyulla enyumbiiwa wonanko musasa, Apwiya aamalliha o Ziyoni mallapo a ehakallallo ni a Sabata. Nave eshille murima wunchichi, aamuvevulla mwene ni allupa mukutho.

Ezekiele 12:20

Mizinda dda athu ddineerewoonongiwa nave ellapo eneerotthattuwa ntepe. Sika muneerodduwella wi mi tti Apwiya.”