Levitiko 26:3 - Mawu a Mulluku

³ “Mwaathwareke malamulwaaka mattheene nave mwiiwellelleke moollikana ni mmo kuulamulelleemini,

Levitiko 26:3 ပူးပေါင်းရင်းမြစ်များ

Yesaya 1:19

Mwaarimi mukhonzekille okiiwellella muneerocha ddaphaama va ellapo yavatthi.

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Deuteronomo 7:12

“Nave mwiiwellella ni othwara moororomelleya malamulo mattheene muwiiwalleenywaalla, Apwiya Mullukwaanyu eneerekosunga echipanganwiiwa eyo yakeraatthihalliiwa ni nyuwaano nave eneerovirellella ni echikondiiwa yoohisintheya moollikana ni mmo yallupenlliiwa wa makhollwaanyu.

Eksodo 23:25

Mwaallapelleke Apwiya Mullukwaanyu wi kuudaliseni vawuuvahani yoocha ni maaddi nave kineerewuuchirihani ereta ddittheddene.

Yeremiya 11:4

eyo kakeraatthihalleemi ni makhollwaanyu kaakhumihalle o ellapo ya Iguputo.’ Kaakhumihalle mu eng'anjo yooviha kaallota wi, ‘Mwaakiiwellellaka ni weera nnddo kinuulleelleemini, nyu muneerokhalla athwaaka nave mi kineerokhalla Mullukwaanyu.

Zekariya 8:12

Eneerekomidda mwamurendelle, mpesa oneerewimma ezipaso, ethaya eneerekewimmiha wunchichi nave oddullu khowumma. Madaliso mattheenaalla kineerewaavelleella wa oohalla mwa athu.

Malaki 3:10

Muweena o enyumbaaka yoosungellamo ddaneekhumi ddampuphullu wi okhalle ddoocha ddinchichi. Mukeese nave muneerewoona kuuhullellakani mawindo a oddullu ni owiithellellani madaliso manchichi. Mi Apwiya Amasiva Mattheene koollota.

Levitiko 19:25

Koma va muyakha waneetthanu, muneerewaakhullelliwa oddicha ezipaso ddiwa. Vano mweera ddenndda miteekho ddanyu ddineerekewimma wunchichi. Mi tti Apwiya Mullukwaanyu.

Nehemiya 1:9

koma Mwahokollowella wa miyaano ni wiiwellella malamulwaaka ni oweera, kineerewuutthukumanihani ni wuuphiyihani o nipuro katthoonlleemi wi athu ellapellekewo nnddina naka naari mupallalleyelle o mamallihello wa ellapo yavatthi.’ ”

Yesaya 30:23

Mwaamiddaka mmiddwaanyu, Apwiya eneerewuurupihellani murimu wi omelle nave muneerohata ddinchichi. Nllapo nenno eziweto ddanyu ddineerophwanya munyepu munchichi.