Levitiko 26:28 - Mawu a Mulluku

²⁸ kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:28 ပူးပေါင်းရင်းမြစ်များ

Yesaya 59:18

Apwiya eneerewaallaka adaniiwa moollikana ni ddaweera ddiwa. Eneerewooniha owalli wa owaawukila nave eneerewaahokollosella ddoonanara adaniiwa vawi eneerewaallaka naari ookhalla mu ellapo ddawoorekama.

Ezekiele 8:18

Vano miyaano kineerewaallaka moosha murima, Ngaamorella ethakaraka nave ngiweerella echifundo. Naari yinlleke wa miyaano mookhuwa, ngiwaapella maaru.

Ezekiele 5:15

Oneerokhalla ello yoovevuwa nave eneerekewuunyemulla. Oneerokhalla wonanko ochenjeza nave ello yawoopiha wa athu a mitundu ddoowaapheella kaawuullakaka mwamasiva, kaakamullaka mullatwaawo moonanariwa ni moowalli. Mi Apwiya Mulluku koollota.

Ezekiele 5:13

“Muneerodduwella mmo osha murima waka onaaweerelliiwa nave kineerewaasimwella ophiyera murimaaka okhurumuwalle. Sika eneerodduwella wi mi Apwiya koollota mweehache vawuullakani mwawi ddiidda.”

Yeremiya 21:5

Mi mwaneenaaka ni muwonwaaka wamasiva kineerowana ni nyuwaano moosha murima, moonanariwa ni moowalli.

Yesaya 66:15

Vawi ngoonani, Apwiya eneeroowa ni munllo nave magaretiiwa eneerophiya wonanko ephevo namangalle. Alliwa eneerewooniha vaweella owalliiwa nave eneerewaallaka adaniiwa ni mallumi amunllo.

Yesaya 63:3

“Koovota mitundu dda athu ddimodda wonanko mpesa nave khaavo naari mmodda oyo akikaviherille. Kahaavota kishille murima nave kahaanyingallella moowalli mwawi kahiinthamusella nikhame.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Nahumu 1:2

Apwiya tti Mulluku eehache ni oohokollosella ddoonanara, tti oollaka ni oowalli, ennaahokollosella ddoonanara oowaavaanyiha, ennaashella murima adaniiwa.

Yesaya 27:4

Ngiyinanariwella emataaka yampeseeyo. Miiwa ddoohiyanahiyana ddooneyilleke kaaweerollipanana ni oddoosa munllo moohihiyerera.

Levitiko 26:24

kineerovaanyihanattho ni nyuwaano nave kineerewuullakani mwawaanjerera otthanu ni opiilli ekaamba ya machimwaanyu.

Levitiko 26:27

“Mwaahikiiwellella moonille ddittheddenenndda nave mwavirellella weera ddoovaanyihana ni miyaano,

Levitiko 26:41

Valle ekaamba ya ddenndda miyaano kaavaanyihana kiwiikarihella mu ellapo ya adaniiwa. Vano yiiyeviha weekhiiwa, athu awumma mirimaalla nave yaakhullella ollakiwa ekaamba ya machimwiiwa.

Masalimo 79:12

Nyu Apwiya, ovevulla wulle athu yuuvevunlliiwani mwaahokolloselle otthanu ni opiilli.

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Maliro 4:11

Apwiya aasha murima wunchichi, aamorihella vatthi osha murima wiwa wamunllo. Aakhariha munllo o Ziyoni oyo woonongille matthipello a muzinda.