Levitiko 26:25 - Mawu a Mulluku

²⁵ Kineerewuurumihellani ekhoto eyo enuullakeni ekaamba yootathilla echipanganwaaka. Nave mwathawella m'mizindani mwanyu, kineerorumiha millilli variyari vanyu nave kineeroweeriha adanaanyu wi yuugonjiheni.

Levitiko 26:25 ပူးပေါင်းရင်းမြစ်များ

Numeri 14:12

Kineerowiipha ni mullilli nave khevollowamo mwiillaponimmo. Vano kineerewuutthattusa mutundu muullupalli ni wamasiva okhwaranya alliwaalla.”

Ezekiele 5:17

Kineerorumiha ettalla ni enama ddamuhakani ddawoopiha nnddo ddinaawaakhe anaawo. Kineerewuukuha ni mullilli nave vineerokhalla wiiphana va athwaawo. Kineerewuurumihella ekhoto yawoopiha. Mi Apwiya Mulluku koollota.”

Ezekiele 33:2

“We mwaana a muthu, alleelle athu a mutundwaawo nnddo ddineereya karumiha ekhoto mwiillaponi. Athu a mwiillaponimmo ennamutthoolla muthu mmodda wi akhalle mulonda.

Ezekiele 29:8

Sika ekaambiiwa mi Apwiya Mulluku kinalloteemi wi kineerewuurumihella akhoto wi ewoononge athu vamodda ni enama.

Ezekiele 20:37

Kineeroweerengani ni ekopo ya mbusa mwaavollowaka mu echipanganwaaka.

Ezekiele 14:17

Mwaamodda kaarumihe ekhoto o ellapo yeeyo ni olamula wi eye yawoononge athu ni enama mwiillaponimmo.

Ezekiele 6:3

‘Nyu miyaango dda o Israele, iwani mawu a mi Apwiya Mulluku. Kinuulleellani nyuwaano miyaango ni asimiyaango, mihinje ni matapo wi kineerorumiha ekhoto nave kineerewoononga mapurwaanyu oollapellamo mafano.

Yeremiya 24:10

Kineerowiipha ni ekhoto, ettalla ni mullilli ophiyera attheene kaatthollosille mu ellapo eyo kaavahilleemi alliwa ni makhollwiiwa.”

Deuteronomo 32:25

Otte wa enyumba eneerokhwa ni nsupada, muwari mwa enyumba eneerokhwa ni woova. Asombwe ni anamwalli eenerewoonongeya, Akantchewa ni awuulluvalleene khevulluwa.

Deuteronomo 28:21

Eneerewuumorihellani ereta ddoothwaranathwarana ophiyera mutthollowille attheene mwiillaponi munaawaakheenyu.

Luka 21:11

Navettho oneerokhalla ezivomerezi ddawoopiha owaaka ettalla ni millilli m'mapuroni moohiyanahiyana. Oneerokhallattho ddeko ddawoopiha ni ezizindikiro dduullupalli oddullu.

Amosi 4:10

“Kahuurumihellani millilli ddoophwanaphwana ni dda o Iguputo, kaawiipha asombwaanyu ni nsupada okhotoni, kahaavelleella akavalwaanyu wa adanaanyu, kaawunkhihani mitembo ovenyera o misasa ddanyu ddakhoto komave khamwaahokollweelle wa miyaano. Mi Apwiya koollota.”

Maliro 2:21

Ang'onong'ono ni uullupalleene, mitembo ddiwa ddiri pichillipichilli m'misewuni. Anamwallaaka ni asombwaaka ahiiphiwa ni nsupada. Moowiipha va nllapo na osha murima wanyu, moowiipha moohimoriwa ethakaraka.

Yeremiya 9:16

Kineerewaapallallesa variyari va mitundu dda athu nnddo alliwa apaalle makhollwiiwa yahiddidduwenlliiwa. Kineerewaathwara ni ekhoto ophiyera kaatthollosille.”

Masalimo 94:1

Nyu Apwiya, tti Mulluku oohokollosella ddoonanara, nyu Mulluku oohokollosella ddoonanara, ddoonihelleni.

2 Samuele 24:15

Sika Apwiya yaarumiha mullilli wa Israele, waambeella ohinase ophiyera enthawi eyo apaallille mwaneena. Ovenyera o Dani ophiya o Beeresheba yaakhwa athu 70,000.

Deuteronomo 32:41

wi kineerewaandusa nsupada naka noosherima, nave kineerewoonesesa wi echilungamo yoheereya. Adanaaka kineerewaahokollosella ddoonanara, awiitana ni miyaano kineerewaallaka.

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Numeri 16:49

Koma ayo yakhwille ni mullillooyo yaakwakhwana 14,700 woonjerera va athu alle yakhwille va mullatu wa Kora.

Levitiko 26:6

Kineerowaana murendelle mwiillaponaanyu nave muneerekokonaatthi woohikhallavo owoopopihani. Kineerowiikariha enama ddamuhakani ddawoopiha mwiillaponaanyu nave khamuwa mukhalla ekhoto.

Numeri 31:3

Mose ahaalleella Aisraele wi, “Allopwana amodda variyari vanyumva ekhozekelle owana ni Amidiyani wi mwaahokolloselle ollaka wa Apwiya.

Oweeruza 15:11

Vano athu 3,000 a o Yuda yaaya onikhunguni na Etamu yamukoha Samisoni wi, “Ethiyo khonadduwella wi, Afilisti sika enanilamulella?” Vano nndda weerilleewe tti tini? Olliye aawaakhulla wi, “Kooweerella nnddo yakeerelliiwa.”

1 Mamwene 8:33

“Athwaanyu Aisraele yagonjihiwa ni adaniiwa ekaamba yawi ahuuchimwellani nave yahokollweella wa nyuwaano, yalapa mu nnddina nanyu, yavekella ni wuullapellani nyuwaano mu enyumbeella,

1 Mamwene 8:37

“Mu ellapweeyo mwakhalla ettalla, mullilli, enkhuwawe, nazombe, miingu, athwaanyu yaapheelliiwa ni adaniiwa apaalle vakhalla ereta ni orive ovoriiwa,

Yeremiya 50:28

Kinnawiiwa athu oothawa ekhoto ya o Babiloni ellalleyaka dda ohokollosella ddoonanara wa Apwiya Mullukwaahu ekaamba yahoononga enyumbiiwa.

Yeremiya 51:11

“Tthokollani mipaamba, kusani ezishango. Apwiya aanyanyulla mirima dda mamwene a Amedi vawi yoopaalliiwa tti yawi emoononge Babiloni. Enapaalla emuhokolloselle yoonanara kaambiiwa ahoononga enyumbiiwa.

Eksodo 5:3

Vano alliwa yaamulleella wi, “Mulluku a Aheberi aakumana ni hiyaano. Vano ninimuuvekani munaakhullelle wi niye voolendoni wookwakhwana mallapo mararu muchipululuni wi navelleelle mukutho wa Apwiya Mullukwaahu. Naahiyaawo aneeroniipha ni ereta apaalle ekhoto.”

2 Mamwene 17:3

Shalimanazere mwene a o Asiriya aamuhella ekhoto nave Hoseya aagonja, anakhoma musonkho wa olliye orive muyakha.

2 Epilli 24:24

Naari mulloko wakhoto wa Asiriya wawiille ni athu ooyeva, Apwiya yaavelleella mulloko wakhoto muullupalli ekaamba yahaahiya Apwiya Mulluku a makhollwiiwa. Mmu sika Asiriya yamullakelliiwa Yowashi.

Yesaya 1:20

Koma mwakhoota nave mwawukila, muneerewiiphiwa ni nsupada. Mi Apwiya koollota.”

Yesaya 65:12

attheenenyu kineerowiiphani okhotoni. Ddawoona, attheenenyu muneerewiiphiwa kaambiiwa khamwaakhunlle kawiithaneemini nave khamwiiwalle kalloteemi koma mwaheera ddoonanara vamiitthoni vaka. Nave mwaatthoolla nnddo kihinapaalleemi ohiri ohakallalla ni ddaphaama.

Yeremiya 19:7

Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.

Hoseya 11:6

Ekhoto eneerewoononga mizinda ddiwa. Adani eneerewinttaka mikoko ddoollipa dda mipanda ddiwa ni owoononga ekaamba yoothwara malangizo a weekhiiwa.

Habakuku 3:5

Millilli ddiri vahoollo vaye, ereta ddiri vatulli vaye.