Levitiko 26:23 - Mawu a Mulluku

²³ “Mwaahihokollweella wa miyaano kuullakilleni ddiidda nave mwavirellella weera ddoovaanyihana ni miyaano,

Levitiko 26:23 ပူးပေါင်းရင်းမြစ်များ

Yeremiya 5:3

Ddawoona, Apwiya enawaashaasha oororomelleya yahuullakani koma khemwaawiiwalle ovoreya, yahuunyenyani koma khemwaarukunuwalle murima. Mwahummiha mirima ddanyu wonanko nlluku, mwaakhoota olapa.

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Levitiko 26:21

“Vano mwavirellella oovaanyihana ni miyaano woohikiiwellella, kineerowaana millilli ddimodda va nyuwaano waanjerera otthanu ni opiilli ekaamba ya machimwaanyu.

2 Samuele 22:27

Wa athu ooreera murima, munnaddooniha oreera murima. Koma wa athu oonanara munnaddooniha oochenjera wunchichi.

Masalimo 18:26

Wa athu ooreera murima, munnaddooniha oreera murima. Koma wa athu oonanara munnaddooniha onanara.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.