Levitiko 26:17 - Mawu a Mulluku

¹⁷ Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Levitiko 26:17 ပူးပေါင်းရင်းမြစ်များ

Miyambo 28:1

Muthu oonanara annathawa ahiivo anawiikariha koma oolungama annallipa murima wonanko mukango.

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Masalimo 53:5

Yaallathi eneerewoova wunchichi okhwaranya khalle, vawi Mulluku aneeromwara makhuva a adanaanyu, muneerewaawulliha muru vawi Mulluku ohaakhoota.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Yeremiya 19:7

Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.

Oweeruza 2:14

Sika Apwiya yahaashella murima Aisraelaayo nave yahaavelleella m'mattani mwa athu awaakha ddeko ayo yawaakhille ddeko ddiwa. Nave Apwiya yaawaakhullella adaniiwa ayo yawaaphenlle wi yaagonjihe. Vano kheyaawonre waagonjiha adaniiwa.

Maliro 1:5

Adanaaye aatthattuwa oomulamulella, awiitana ni olliye eri vaphaama, vawi Apwiya aamukakhella mu ddookatamiha ekaamba ya machimo manchichi a athwaaye. Anaaye aamuhiya, aakusiwa okaporo ni adani.

1 Samuele 31:1

Afilisti yaawanattho ni Aisraele nave Aisraele yahaathawa Afilisti koma anchichi yahiiphiwa vamwaangoni wa Gilibowa.

1 Samuele 4:10

Afilistaalle yaawana ekhoto moollipa nave yahaagonjiha Aisraelaalle ophiyera amodda yaathawella owaniwa, akhoto ookwakhwana 30,000 a Aisraele yahiiphiwa.

Genesis 4:12

Weesa ollima mmiddo, ethayeeyo kheyimmihaka nave onaakhalle muthu aweeteeta va ellapo yavatthi, aweeteeta shisha nave oohikeraattheya nipuro nimodda.”

Yoswa 7:4

Sika Yoswa ahaaruma athu 3,000. Koma yahaathawa athu a o Ai.

1 Mamwene 8:33

“Athwaanyu Aisraele yagonjihiwa ni adaniiwa ekaamba yawi ahuuchimwellani nave yahokollweella wa nyuwaano, yalapa mu nnddina nanyu, yavekella ni wuullapellani nyuwaano mu enyumbeella,

Masalimo 44:10

Mohaakhullella wi adanaahu eniikarihe, awiitana ni hiyaano aanaakha katundwaahu.

Yeremiya 44:11

“Ekaamba ya yeella Apwiya Amasiva Mattheene, Mulluku a Israele, enallota wi, ‘Koosimikiza oweerella ddoonanara ni waatthollosa athu a o Yuda.

Ezekiele 15:7

Nave kineerewaallaka. Naari ethaweve munllo, oneerewaashellellihave. Sika kaallaka muneerodduwella wi mi tti Apwiya.

Oweeruza 3:8

Ekaamba ya yeella Apwiya yahaashella murima Aisraelaayo, emweeriha Kushani Rishataimu, mwene a o Mesopotamiya wi aagonjihe Aisraelaayo. Sika Aisraelaayo yaamurumeyella mwene Kushani Rishataimu wa miyakha mitthanu ni miraru.

Oweeruza 3:14

Vano Aisraele yaamurumeyella Egiloni, mwene a o Mowabu, miyakha 18.

Oweeruza 6:2

Amidiyani yaari amasiva ni awoopiha waakhwaranya Aisraele. Vano Aisraele yaaniipittha m'makhunguni ni m'mallitini a m'miyaangoni ni omaka mipanda ddoollipa.

1 Samuele 12:15

Koma mwaahiiwellellaka mawu a Apwiya, munawukila malamulwiiwa, mudduwelle wi eneerewuullakani nyuwaano ni mwenaanywiine.

2 Mamwene 13:3

Sika Apwiya yahaashella murima Aisraele nave wiilliwiilli yahaakhullella wi Hazaele mwene a o Siriya ni Benihadadi mwaana a Hazaele yaagonjihe.

2 Mamwene 13:7

Enthawi yeeyo Yehowahazi khaarina mulloko wakhoto muullupalli. Aari ni akhoto 50 oowella va akavalo, magareta khumi ni akhoto 10,000 aweeta vatthi vawi mwene a o Siriya aari awoonongille khalle akhoto anchichi ni waatthattusa nthupi.

Masalimo 53:6

Ovullusiwa wa Israele ophiye ovenyera o Ziyoni, Apwiya yahokollosella murendelle wa athwiiwa, Yakobo aneerohakallalla, Israele aneerothapella.

Yesaya 30:17

Athu 1,000 mwa nyuwaano eneerothawa voomoonani mudani mmodda. Akhoto atthanuve eneerokwakhwanella owiikarihani attheenenyu. Oohalla mwa nyuwaano eneerokhalla wonanko muteekho wa embendera ya va mwanamwaango wonanko echizindikiro ya va mwaango.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Maliro 2:4

Aakunga muuriiwa wonanko mudanaahu, aakunga ekhonyiiwa wonanko mudani. Aawiipha attheene ayo naawehaahu mookotella variyari va anamwani aatthiyana, Ziyoni. Owalliiwa wakhara wonanko munllo.