Levitiko 26:16 - Mawu a Mulluku

¹⁶ kineeroweerellani ddawoopiha moorurumusa, ereta ddoohichiriheya navettho ereta yooviha mwiilli yawoononga miittho ni yoofookiha okumi. Muneerewaalla mmiddo ddanyu koma khamuphuravo ello vawi adanaanyu eneeroddicha.

Levitiko 26:16 ပူးပေါင်းရင်းမြစ်များ

Yobu 31:8

vano muhiye wi mmiddwaaka otulliwe, ni wi amodda eche ddoollima ddaka.

1 Samuele 2:33

Koma kineeromusunga mmodda a munibanjani nawo wi arumeyelleke va nikuwa naka. Miitthwaaye eneeronanara nave aneerotathilla murima. Koma amodda anchichi eneerewiiphelliwa okhotoni eri asombwe.

Mika 6:15

Muneerekewaalla koma khamuhataka. Muneerekeweeka makhura a olivi koma khamwiihellaka. Muneerekovota mpesa koma vinyweene khamumullawihaka.

Ezekiele 33:10

“We mwaana a muthu, owuupuse Aisraele attheene mawu awi ‘Noollemelliwa ni machimwaahu nave ninnoondana ddoolakwa ddahu. Ethiyo ninaakhalle ni okumi mwawiidde?’

Yeremiya 5:17

Aneerewuumallihellani ddoohata ddanyu ni ddoocha ddanyu. Eneerowiipha aniinyu aallopwana ni aatthiyana, eneerowiiphellanittho enkhosa ddanyu ni eng'ombe ddanyu. Eneerewoononga mipesa ddanyu ni namukuywaanyu. Eneerokumulla mwakhoto mizinda ddanyu mwaddiroromellaanyu.

Masalimo 78:33

Sika aaphaddera mallapwiiwa wi erimeelle wonanko mpweya, aakhuveyiha miyakha ddiwa wi ddimallelle mu ddawoopiha.

Deuteronomo 28:51

Eneerewuuchellani eziweto ddanyu ni ddeko ddam'matani ddene ophiyera mukhwille ni ettalla. Kheyuuhiyerani naari vang'ono tirigu, vinyo, makhura a olivi apaalle eziweto, ophiyera yuutthollosilleni.

Aheberi 10:31

Sika ophariwa ni Mulluku Ookumi tti wawoopiha.

Zekariya 14:12

Apwiya eneerorumiha ereta yawoopiha va mitundu dda athu nnddo ddamuhella ekhoto Yerusalemu. Ereteene enaakhalle yawuntiha mwiilli muthu eetaka, miittho eri munipuroni mwiwa navettho nllumi niri muwano.

Hagai 1:6

Moomidda ddinchichi koma muhatille ddooyeva. Ocha munnacha koma khamunavona. Munnawirya koma nthona khaninamalla. Munnawara koma khamuniiwa oviha. Mallivello a allupa mutteko enaakhellella mu nthumba noophovowa.

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Yeremiya 15:8

Kawoonjerera anaamukhwelle okhwaranya mihava ddoonyanja. Amoowe kaawoonongella aniiwa eri asombwe, moorurumusa kahaamorihella otulli ni otathilla murima.

Yeremiya 12:13

Athu yaammidda tirigu koma yahatille miiwa. Yahiitopiha voopharani mutteko koma kheyaaphunrevo ello naari vang'ono. Ddoohata ddiwa tti ddoowulliha muru ekaamba ya owalli wawoopiha wa Apwiya.”

Yesaya 10:4

Khayiivo enaahalle koma ophariwa variyari va athu oophariwa apaalle okhwa variyari va athu awiiphiwa. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yesaya 7:2

Nibanja na Davide niiwalle wi ellapo ya Siriya yohiiwanana ni ya Efuremu, mwene ni athwaaye yaatthukumella wonanko miteekho dda muutthakoni ddinatikhiwa ni ephevo.

Masalimo 109:6

Mutthoolleni muthu oonanara wi amuvaanyihe ookiwukilooyo, mmodda mwa adanaaye amuhumullulle.

Masalimo 73:19

Eneerewoonongeya va enthawi yooyeva, eneeromalla moorurumusa.

Yobu 20:25

Mpambooyo awukhumihalle m'mwiillini mwaye avenyihallevo etthokiiwa yoonyezimella yoohoma wamwaaye, olliye aneerewoova wunchichi.

Yobu 18:11

Ddawoopiha ddinnamutthukumelliha erive embali, ddinnamuthwara manyallo.

Oweeruza 6:11

Nllapo nimodda mungelo a Apwiya aawa o etawoni ya Ofura akeraatthi vatthi va muteekho wa muthundu oyo waari wa Yowashi, Mwabiyezere. Enthawi yeeyo Gideoni, mwanaye, aari amuuputhaka tirigu, iipitthalle moovotellamo mpesa owiipitthihella Amidiyanaayo.

Deuteronomo 32:25

Otte wa enyumba eneerokhwa ni nsupada, muwari mwa enyumba eneerokhwa ni woova. Asombwe ni anamwalli eenerewoonongeya, Akantchewa ni awuulluvalleene khevulluwa.

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

1 Mamwene 8:37

“Mu ellapweeyo mwakhalla ettalla, mullilli, enkhuwawe, nazombe, miingu, athwaanyu yaapheelliiwa ni adaniiwa apaalle vakhalla ereta ni orive ovoriiwa,

Miyambo 3:33

Apwiya ennatembelela enyumba ya muthu oonanara koma ennadalisa mookhalla oolungama.

Yesaya 62:8

Apwiya yaallupella ni murimiiwa muttheene, eneerosunga ollupellanko ni masiviiwa. Yallotille wi, “Adanaawo khemuchattho tirigwaawo, alleto khemuwiryattho vinywaawo.

Yeremiya 15:3

“Kineerewaamorihella ddeko ddiraru wi ddiwoononge monga nsupada noowiipha, anapwa oolluma, epallame ni enama ddamuhakani wi ddiwiiphe ni waattakhuna.

Ezekiele 24:23

Muneerowara enduwira, muneerowarattho esapato. Khamoopa ekutho apaalle omoriha miitthori. Koma muneerokatamiheya ekaamba ya machimwaanyu nave muneerekewiipullellellana muthu ni mukhwaaye.

Malaki 2:3

Ngoonani, kineerollaka edduullu ddanyu nave kineerewuumarani owiitthoni mashi a eziweto dda mikutho dda ehakallallo ddanyu nave muneerowollelliwa nimodda.

Amosi 5:11

munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.