Levitiko 26:15 - Mawu a Mulluku

¹⁵ mwaavevullaka malamulwaaka nave murimaanyu waakhootaka nnddo kinuulamulellaamini ophiyera ohiwiiwellella malamulwaaka mattheene ni otathilla echipanganwaaka,

Levitiko 26:15 ပူးပေါင်းရင်းမြစ်များ

2 Mamwene 17:15

Kheyaapwatha malamulo a Apwiya ni echipangano ya Apwiya eyo yeerilliiwa ni makhollwiiwa. Kheyaapwathillettho ddoochenjeza dda Apwiya. Yaanathwara milluku ddoohikhalla ni mutteko, alliwa yaatthattuwa oohikhalla ni mutteko. Yaathwara ezisanzo dda athu a mitundu ddimodda awaatamanana naari Apwiya yaalamulalle wi eheereke moophwanaphwana ni mitundu ddennddo.

Deuteronomo 31:16

Apwiya yaallota ni Mose wi, “Enthawi ya okumaawo ehanlle vang'ono. Sika vatulli viwa athwaalla eneerotathilla echipangano kikeraatthihalleemi ni alliwa vookihiyani miyaano ni waamba ollapella milluku dda ellapo enaayaakhiiwa.

Ezekiele 16:59

“Mi Apwiya Mulluku kinallota wi, ‘Kineerewuullaka ekaamba ya ddoonanara nnddo weerilleewe. Weyaano waavevulla ollupella wawo vootathillani echipangano.

Yeremiya 11:10

Aahokollweellattho o machimo a makhollwiiwa alle yakhootille okiiwellella vawi enathwara ni ollapella milluku ddimodda. A o Israele ni a o Yuda aatathilla echipangano eyo kakeraatthihalleemi ni makhollwiiwa.

Yesaya 24:5

Athu yooripiha ellapo yavatthi voohithwarani malamulo a Mulluku voovevullani mawaaye ni voohiiwellellani echipangano yoohimalla.

Numeri 15:31

Ekaamba yawi oovevulla mawu a Apwiya nave khiiwellelle lamulo niwa, muthu yooyo emuvenyihevo nave tti oophwanella ollakiwa.”

Aheberi 8:9

Khekhallattho wonanko echipangano elle kakeraatthilleemi ni makhollwiiwa, va nllapo kaakusalleemi ni nnatta naka, kaahollelleemi vawaakhumihani mu Iguputo. Vawi kheyaaroromelleye voothwarani echipangano nakeraatthihalleehu, nave sika nameenettho ngaawapwathille.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.

Aroma 8:7

Sika vano athu yaaweetihiwaka ni omuthwiiwa enakhalla adani a Mulluku vawi kheniiwellella malamulo a Mulluku nave khenaworattho owiiwellella yaayo.

Mitteko 13:41

‘Nyu athu oovevulla! Ttikhinani nave moonongeye! Vawi ollello kineereweera ello emodda yawi khamukhulupilila vawiiwani!’ ”

Yeremiya 31:32

Khekhallattho wonanko echipangano elle kakeraatthilleemi ni makhollwiiwa kaaphareelleemi muwono kaakhumiha o Iguputo. Echipangano yeeyo yaayitathilla naari kaari pwiiwa. Mi Apwiya koollota.

Yeremiya 6:19

Nyu ookhalla va ellapo yavatthi, apellani maaru. Kineerowoononga moollikana ni ddawoottha ddiwa kaambiiwa kheyiiwellenlle mawaaka nave yaakhoota malamulwaaka.

Miyambo 5:12

Vawi oneerollota wi, “Kaambiiwa tini kiitanilleemi ni ollaka? Kaambiiwa tini murimaaka wavevullalliiwa ohumullulliwa?

Miyambo 1:30

Khemwaapaallille malangizwaaka nave khemwaakaapenlle maaru kuuchenjezeemini.

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

Masalimo 50:17

Onniitana ni malangizwaaka, onnatathilla mawaaka.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

Levitiko 26:43

Koma yaambe oyihiya ethaya wi ehakallallelle miyakha ddawiithuuwa, ellapweeyo yaahikhalla ni athu. Vano alliwa eneerollakeya ekaamba ya machimwiiwa vawi yaakhoota nnddo kaalamulalleemi nave mirima ddiwa ddahiitana ni malangizwaaka.

Eksodo 24:7

Vano aakusa nibukhu na echipangano, aweerengella athwaayo mowiiweya phaama. Nave athwaayo yaallota wi, “Nineereweera ddittheddene nnddo Apwiya ellotilliiwa nave nineerowiiwellella alliwaayo.”

Eksodo 19:5

Sika mwaakiiwellellaka ni osunga echipanganwaaka, muneerokhalla athwaaka variyari va mitundu ddittheddene vawi ellapo yavatthi ettheene tti yaaka.

Genesis 17:14

Mullopwana oohiphaddiwa kheerengelliwaka ni athu a mutundwaaye kaambiiwa ootathilla echipanganwaaka.”

Levitiko 26:9

Kineerowuupuwellani nave kineeroweerihani wi mwaayare anamwani anchichi ni oweerihani wi mwaate. Kineerosunga echipanganwaaka ni nyuwaano.

Levitiko 26:11

Kineerokhalla variyari vanyu nave ngiwa kuuhiyani.

1 Samuele 12:15

Koma mwaahiiwellellaka mawu a Apwiya, munawukila malamulwiiwa, mudduwelle wi eneerewuullakani nyuwaano ni mwenaanywiine.

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.