Levitiko 26:14 - Mawu a Mulluku

¹⁴ “Koma mwaahikiiwellella nave mwaahithwara malamulwaaka mattheenaalla,

Levitiko 26:14 ပူးပေါင်းရင်းမြစ်များ

Maliro 2:17

Apwiya aheera nnddo yaganizelliiwa wi yeera, Akwakhwaniha nnddo yallotilliiwa mwawoopopiha. Moollikana ni mmo yaganizalliiwa khalle, aawoononga moohikhalla ni echifundo, ahaakhullella wi adanaawo ehakallalle ahaanjerera wunchichi masiva a adanaawo.

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Levitiko 26:18

Mwaahikiiwellella moonille ddittheddenenndda, kineerewuullakanittho mwawaanjerera otthanu ni opiilli ekaamba ya machimwaanyu.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Mitteko 3:23

Arive muthu ahinaamwiiwellelle namallotellooyo aneerewoonongiwa variyari va athu.’

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Maliro 1:18

Vaavo Apwiya aheera phaama, ekaamba yawi miyaano kaawukila malamulwiiwa. Ngiiwani, nyu athu a mitundu ddittheddene, ngoonani ohoowa waka. Anamwallaaka ni asombwaaka aapharelliwa wuukaporoni.

Yoswa 23:15

Moollikana ni mmo Apwiya Mullukwaanyu yaweerelliiwani ddaphaama ddittheddene nnddo yallotilliiwa wi eneereweera, sika ttuuwora oweerellani yoonanara, ophiyera wuuvenyihani mu ellapo eyo alliwa yuuvahilliiwani.

Oweeruza 2:15

Yaya okhotoni, Apwiya yaanaawukila alliwaayo moollikana ni mmo yallotelliiwa ni mmo yallupellelliiwa. Sika Aisraelaayo yaahoowa wunchichi.

1 Samuele 12:15

Koma mwaahiiwellellaka mawu a Apwiya, munawukila malamulwiiwa, mudduwelle wi eneerewuullakani nyuwaano ni mwenaanywiine.

2 Epilli 7:19

“Koma we apaalle anaawo, mwahokollweella mutulli ohiya okithwara, ohisunga malamulwaaka ni malangizwaaka ayo kuuvahilleemini nave mwaamba orumeyella ni oddillapella milluku ddimodda,

Miyambo 3:33

Apwiya ennatembelela enyumba ya muthu oonanara koma ennadalisa mookhalla oolungama.

Yeremiya 11:8

Koma alliwa kheyiiwellelle naari waapella maaru. Arive muthu aari awumma ni oonanara murima ni oothwara murimaaye woonanara. Kahaalamulella wi esunge echipanganwaaka koma alliwa kheyaasungalle. Sika kahaallaka moollikana ni mmo kallotelleemi.

Yeremiya 26:4

Waalleelle wi Apwiya enallota wi, ‘Mwaahikiiwellella, mwaahithwara malamulo kuuvahilleemini,

Yeremiya 28:8

Anamallotella attheene yahoollille khalle yallotella dda ekhoto, ettalla ni mullilli wi ddineeromorella ellapo ddinchichi ni moomwene oovuwa.

Yeremiya 40:2

Oohoollellooyo aamukusa Yeremiya amulleella wi, “Apwiya Mullukwaawo, yaallota wi eneerewoononga nipuronna.

Daniele 9:13

Moollikana ni mmo ddalembelliwiiwa mu malamulo a Mose, otulli woonimorella. Komave khanaaweesille wuuvekani, nyu Apwiya Mullukwaahu wi munimorelle ethakaraka. Khanaawaakhullelle machimwaahu, khanaapwathille yawoona ya mawaanyu.

Hoseya 7:12

Orive weko enaayeekiiwaawo kineerewaareya nthavi. Kineerewaamoriha wonanko epallame ddoovava. Kineerewaallaka ekaamba ya ddoolakwa ddiwa.

2 Mamwene 22:13

“Khaweni mwaakohe Apwiya munipuroni mwaka ni mwa athu a mu ellapo ettheene ya Yuda dda mawu a mu nibukhunna. Vawi osha murima wuullupalli wa Apwiya wookharihiwa va hiyaano ekaamba yawi makhollwaahu kheyaawiiwellelle mawu a mu nibukhunna nave kheyaathwanre ddittheddene nnddo ddalembiwe mwemmo.”

2 Epilli 34:24

‘Mi Apwiya kinallota wi kineeromoriha ddoonanara va muzindoolla ni va athu attheene a mwemmo monga mwa matembelelo mattheene a mu nibukhu nno neerengiwe vamiitthoni va mwene a o Yuda.

Masalimo 81:12

Sika kahaahiya ni mirima ddiwa ddawuumannddo wi ethwareke nnddo yapaalliiwa.

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.