Levitiko 26:13 - Mawu a Mulluku

¹³ Mi tti Apwiya Mullukwaanyu oyo uukhumihalleni mu ellapo ya Iguputo wi muhikhalle akaporwiiwa. Koopwesa nigoli* nanyu wi mweeteke mwawookowa.”

Levitiko 26:13 ပူးပေါင်းရင်းမြစ်များ

Ezekiele 34:27

Miteekho ddineerewimma nave ethaya eneerokhumiha ddoohata. Vano athu eneerokhalla mwamurendelle mwiillaponi mwiwa. Eneerodduwella wi mi tti Apwiya kinttaka magoliiwa ni waavullusa wa ayo yaaphanre okaporo.

Masalimo 116:16

Nyu Apwiya, miyaano tti oorumeyellaanyu, oorumeyella, mwaana a mullupa muttekwaanyu aamutthiyana. Nyuwaano mookittaphulla onyolwaaka,

Levitiko 25:38

Vawi mi tti Apwiya Mullukwaanyu oyo uukhumihalleni mu ellapo ya Iguputo wi kiwinnyeni ellapo ya Kanani wi kikhalle Mullukwaanyu.”

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Yeremiya 2:20

Apwiya Amasiva Mattheene enallota wi, “Ovenyera khalle mwahinttaka nigoli* nanyu, mwaaphadda onyolwaanyu. Va orive mwaango ni virive vatthi va muteekho woovattha, mwaakhalla wonanko hule voollapellani milluku ddimodda.

Levitiko 25:55

Vawi wa miyaano Aisraele tti oorumeyellaaka ayo kaakhumihalleemi mu ellapo ya Iguputo. Mi tti Apwiya Mullukwaanyu.”

Yesaya 51:23

Kinaamuvelleelle wa awuuhoosa ayo yuulleelle wi, ‘Konaatthi niweete vamutthanani.’ Mutthanaawo yaweesille vatthi voonyingallavo, yaweesille musewu waweetavo.”

Levitiko 25:42

Aisraele tti oorumeyellaaka ayo kaakhumihalleemi mu ellapo ya Iguputo, sika ehikullihiwe wonanko akaporo.

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Ezekiele 30:18

O Tehafinehesi oneerokhalla epiphi kaamallihaka masiva a Iguputo. Vano wiitukhulla waye oneeromalla, mirapo ddineeromuhuruwella nave ookhalla m'mizi ddaye eneerophariwa okaporo.

Hoseya 11:4

Kahaakokella wa miyaano mwa echifundo ni mwa echikondi, kahaatukhulla kaahameelliha nrama naka nave kaawarama kaachiha.

Eksodo 14:8

Apwiya yaamummiha murima Farao, mwene a o Iguputo nave olliye ahaathwara Aisraele ayo yavenyillewo mookotella.

Yesaya 9:3

Nyu Apwiya, mohaatiha mutundwaanyu, mohoonjerera ohakallalla wa athwaanyu. Alliwa ennahakallalla vamiitthoni vanyu wonanko mmo athu enahakallallelliiwa voohatani, mmo enahakallallelliiwa vookawanani ddawaakha.

Yeremiya 28:2

“Apwiya Amasiva Mattheene, Mulluku a Israele, anallota wi, ‘Kineerewinttaka nigoli* nookaporo na mwene a o Babiloni.

Yeremiya 28:4

Kineeromuhokollosellattho wuno Yehoyakini mwaana a Yehoyakimu mwene a o Yuda vamodda ni akaporo attheene oovenyera o Yuda ayo yapharelliwe o Babiloni. Vawi kineerewinttaka nigoli nookaporo na mwene a o Babiloni. Mi Apwiya koollota.’ ”

Nahumu 1:13

Sika kineerewinttaka nigoli* mu nikohi mwanyu, kineerophadda onyolwaanyu.”