Levitiko 26:12 - Mawu a Mulluku

¹² Kineereweeta variyari vanyu. Miyaano kineerokhalla Mullukwaanyu nave nyuwaano muneerokhalla athwaaka.

Levitiko 26:12 ပူးပေါင်းရင်းမြစ်များ

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Yeremiya 30:22

Sika nyu muneerokhalla athwaaka, mi kineerokhalla Mullukwaanyu. Mi Apwiya koollota.”

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Eksodo 6:7

Kineerowaakhullellani nyuwaano wonanko athwaaka nave miyaano kineerokhalla Mullukwaanyu. Muneerodduwella wi mi tti Apwiya Mullukwaanyu, oyo uuvullusalleni o mutteko wa kalavulagaga.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Yowele 2:27

Vano Israele, oneerodduwella wi kiri variyari vawo, miyaano Apwiya tti Mullukwaawo khaavottho mmodda. Athwaaka khewa enyaambusiwattho.”

Deuteronomo 23:14

Misasa ddanyu ddikhalleke ddaweella ekaamba yawi Apwiya Mullukwaanyu eneeta variyari va misasannddo wi yuutetezeni ni wuupambanihani wa adanaanyu. Sika m'misasani mwanyu mukhalleke mwaweella wi Apwiya ehoone erive ello yoonanara ni wuunyanyallani.”

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Yawuupullulla 21:7

Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka.

Ezekiele 11:20

Vano eneerothwara malamulwaaka, eneerosunga ni wiiwellella malangizwaaka. Sika eneerokhalla athwaaka nave kineerokhalla Mullukwiiwa.

Yeremiya 11:4

eyo kakeraatthihalleemi ni makhollwaanyu kaakhumihalle o ellapo ya Iguputo.’ Kaakhumihalle mu eng'anjo yooviha kaallota wi, ‘Mwaakiiwellellaka ni weera nnddo kinuulleelleemini, nyu muneerokhalla athwaaka nave mi kineerokhalla Mullukwaanyu.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Genesis 17:7

Nave kineerokeraatthiha echipangano variyari va miyaano ni weyaano ni edduullu ddawo muhoollommo nave echipanganweella enaakhalle yoohimalla. Sika miyaano kinaakhalle Mullukwaawo ni Mulluku a edduullu ddawo.

Yeremiya 32:38

Enaakhalle athwaaka nave miyaano kinaakhalle Mullukwiiwa.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Masalimo 50:7

“Nyu athwaaka ngiiwani, miyaano kineerollota, kineerovelleella omboni wawuuvaanyihani Aisraele. Mi tti Mulluku, Mullukwaanyu.

Ezekiele 36:38

Eneerewaata wonanko enkhosa dda o Yerusalemu nnddo yaaddivelleelliiwa mikutho va enthawi ya ehakallallo. Sika matepe a mizinda ddiwa eneeroddalla ni milloko dda athu nave alliwa eneerodduwella wi mi tti Apwiya.’ ”

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Eksodo 3:6

Aavirellella ollota wi, “Mi tti Mulluku a makhollwaawo, Mulluku a Abrahamu, Mulluku a Isaki ni Mulluku a Yakobo.” Vano Mose aakhuneella ekhove woova omuweha Mulluku.

Genesis 3:8

Misikuwa, nndduwa nikumphe, athu eellaayo yahiiwa muttotthoroso, Apwiya yeetaka m'matanimmo nave mullopwana ni mutthiyana yahiipittha variyari va miteekho dda m'matani wi Apwiyaayo ehiwoone.

Mateyu 22:32

‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’ Olliyooyo khahiyo Mulluku a athu ookhwa koma tti a athu ookumi.”

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

Genesis 5:24

Olliye ahaattana ni Mulluku mu okumaaye muttheene. Nave Enoki khaawooneyillettho, ekaamba yawi Mulluku aamukusa.

Genesis 5:22

Enoki ahaattana ni Mulluku nave aakhalla ni okumi miyakha ddimodda 300. Ahaayarattho anamwani amodda aallopwana ni aatthiyana.

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Eksodo 29:45

Kineerokhalla variyari va Aisraele nave kineerokhalla Mullukwiiwa.

Numeri 5:3

Emuvenyihewo arive muthu awi ddiidda, mullopwana apaalle mutthiyana. Emukhumihelleke otte wa misasa wi ahiripihe misasa ddiwa vawi miyaano kinakhalla variyari va athwaaka.”

2 Samuele 7:7

M'mapuroni mattheene keetilleemi ni Aisraele, ethiyo kaambilleke ollota wa mmodda a oweeruza a Aisraele, ayo kaalamulalleemi wi yaawehereke athwaaka wi kaambiiwa tini ehikimakenlliiwa enyumba ya miteekho ddamukunguza?’

Eksodo 29:46

Eneerodduwella wi mi tti Apwiya ayo kaakhumihalle o Iguputo wi kikhalle variyari viwa. Mi tti Apwiya Mullukwiiwa.

Deuteronomo 23:15

“Muhimuhokolloselleke wa apwinnya kaporo athawella wa nyuwaano.