Levitiko 26:11 - Mawu a Mulluku

¹¹ Kineerokhalla variyari vanyu nave ngiwa kuuhiyani.

Levitiko 26:11 ပူးပေါင်းရင်းမြစ်များ

Eksodo 25:8

Nave ekimakelle musasa woopatuleya wi miyaano kikhalle variyari viwa.

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.

Eksodo 29:45

Kineerokhalla variyari va Aisraele nave kineerokhalla Mullukwiiwa.

Aefeso 2:22

Mu eyaattano ni Khrisitu nanyeenettho munimamakiwa vamodda ni amodda attheenaayo wi mukhalle nipuro nookhallamo Mulluku oweella mwa munepaaye.

Masalimo 106:40

Vano osha murima wa Apwiya wahaakharella athwiiwa, kaambiiwa yaananariwana yoohallaniiwa.

Masalimo 76:2

Enyumbaaye eri o Yerusalemu, nipuro naye niri o mwaango wa Ziyoni.

Levitiko 20:23

Muhinattakiheraka makhallello a mutundu wa athu ayo kinawiikariheemi nyuwaano mwaaphiyaka. Alliwa yaaneera ddenndda sika ekaambiiwa kananariweemina.

1 Mamwene 8:27

“Ethiyo Mulluku ttuukhalla va ellapo yavatthi? Vawi oddullu khonuukwanellani, ddinaaworeye mwawiidde wi mukhalle mu enyumba kimakilleemeella?

1 Mamwene 8:13

Koma kohuumakellani enyumba yooriiheya, nipuro nno munaakhallekeenyumo enthawi yoohimalla.”

Yoswa 22:19

Vano yoohallanaanyu yaarimi eri yooripihiwa, muye o yoohallana ya Apwiya nko onakhalla musasa wa Apwiya mwakawane ni hiyaano ellapwaahu. Koma muhinaawukila Apwiya apaalle opikisana ni hiyaano vawiimakellani nikuwa ohikhalla nikuwa na Apwiya Mullukwaahu.

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Yeremiya 14:21

Muhinitathille ekaamba ya nnddina nanyu, Muhivevulle mpandwaanyu woomwene ni wantitimiho. Upuwellani echipanganwaanyu ni hiyaano nave muhiyitathille.

Deuteronomo 32:19

“Apwiya yoonilliiwa ddenndda, yahaakhoota athwaayo, kaambiiwa aniiwa aallopwana ni aatthiyana yaattatthamulla owalliiwa.

Zekariya 11:8

Va mweeri mmodda kahaavenyihavo abusa araru ayo yaakishihalle murima ni wiitana ni miyaano mwawi ngaawonre waavillella.

Masalimo 78:59

Mulluku iiwalleeye ddenndda aananariwa wunchichi, ahaakhoota Aisraele ni murimaaye muttheene.

Yawuupullulla 7:15

Ella sika ekaambiiwa yiimenlliiwa vamiitthoni va mpando woomwene wa Mulluku nave enamurumeyella otthaana ni mahiiyu mu enyumbaaye. Oyo anakeraatthi vampandoni wa omwene aneerewaakhuneella ni muuthuuchaaye ni waawehera.

Eksodo 29:46

Eneerodduwella wi mi tti Apwiya ayo kaakhumihalle o Iguputo wi kikhalle variyari viwa. Mi tti Apwiya Mullukwiiwa.

Levitiko 26:15

mwaavevullaka malamulwaaka nave murimaanyu waakhootaka nnddo kinuulamulellaamini ophiyera ohiwiiwellella malamulwaaka mattheene ni otathilla echipanganwaaka,

Levitiko 26:43

Koma yaambe oyihiya ethaya wi ehakallallelle miyakha ddawiithuuwa, ellapweeyo yaahikhalla ni athu. Vano alliwa eneerollakeya ekaamba ya machimwiiwa vawi yaakhoota nnddo kaalamulalleemi nave mirima ddiwa ddahiitana ni malangizwaaka.

Levitiko 26:44

Naari ddeereyille ddittheddenndda, alliwa eri mu ellapo ya adaniiwa, ngiwa kaakhoota nave ngiitanana ophiyera voowoonongesesa ni otathilla echipanganwaaka ni alliwaayo kaambiiwa mi tti Apwiya Mullukwiiwa.

Yoswa 22:31

Mullupa mukutho Finehasi, mwaana a Eleazara ahaalleella athu a malloko a Rubeni, Gadi ni Manase wi, “Vano noodduwella wi Apwiya eri ni hiyaano vawi khamwaawukilalle ovaanyihana ni Apwiya. Mohaavullusa Aisraele o ollaka wa Apwiya.”

2 Samuele 7:7

M'mapuroni mattheene keetilleemi ni Aisraele, ethiyo kaambilleke ollota wa mmodda a oweeruza a Aisraele, ayo kaalamulalleemi wi yaawehereke athwaaka wi kaambiiwa tini ehikimakenlliiwa enyumba ya miteekho ddamukunguza?’

1 Mamwene 6:13

Nave kineerokhalla variyari va Aisraele, ngiwa kaahiya athwaaka Aisraele.”

Yowele 2:27

Vano Israele, oneerodduwella wi kiri variyari vawo, miyaano Apwiya tti Mullukwaawo khaavottho mmodda. Athwaaka khewa enyaambusiwattho.”