Levitiko 26:1 - Mawu a Mulluku

¹ “Muhiniipangella mafano, muhiimese ddoophwanaphwaniha ddoosema, malluku awuupuwelliha apaalle apoto amalluku oosema moophwanaphwanihella mu ellapwaanyu wi muddillapelleke. Mi tti Apwiya Mullukwaanyu.

Levitiko 26:1 ပူးပေါင်းရင်းမြစ်များ

Levitiko 19:4

Muhinahokollweella o mafano apaalle wiipangella milluku dda mikoko. Mi tti Apwiya Mullukwaanyu.”

Deuteronomo 27:15

“ ‘Atembeleliwe arive muthu oopanga nifano noosema apaalle nawoopa, ello yoopangiwa ni muthu eeruso, ello yawaananara Apwiya ni yoollapella mwawiipittheya.’ “Nave athu attheene yaakhulle wi, ‘Amen!’

Numeri 33:52

muwiikarihe athu attheene a mwiillaponi mwemmo mwaphiyawo. Nave moononge ddoophwanaphwaniha ddoosema ddiwa, mafanwiiwa a mikoko ni mapurwiiwa oollapellamo mafano.

Eksodo 23:24

Sika muhiddikokhorelle milluku ddiwa apaalle oddillapella. Muheerekena nnddo eneeresa athu yaayo. Moonongelleetu milluku ddiwa navettho mwakumulle apotwiiwa oollapellavo.

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Mitteko 17:29

Ekaamba yawi niri anamwani a Mulluku, nihiganizeke wi ari wonanko mafano a golide apaalle siliva apaalle nlluku, ddoopangiwa ni ezeru ni matta a athu.

Eksodo 34:17

“Muhiipangelle milluku dda mikoko.

Yesaya 2:20

Nllapo nenno athu eneeromutathillella nahuwo ni mullema mafanwiiwa a siliva ni a golide ayo yiipotokoselliiwa wi yaallapelleke.

Masalimo 97:7

Attheene oollapella milluku ddawoottha, awiitikhulla ni mafano oohikhalla ni mutteko, ennawullihiwa muru. Nyu milluku ddittheddene, akokhorelleni Apwiya.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Levitiko 25:55

Vawi wa miyaano Aisraele tti oorumeyellaaka ayo kaakhumihalleemi mu ellapo ya Iguputo. Mi tti Apwiya Mullukwaanyu.”

Deuteronomo 5:6

Mi tti Apwiya Mullukwaawo oyo kuukhumihalle mu okaporo o Iguputo.

Masalimo 78:58

Alliwa yaamushiha murima Mulluku, ni mapurwiiwa oollapellamo. Yaamweeriha ehache ekaamba ya mafanwiiwa oosema.

Levitiko 7:33

Sika anaakhelle mweto wonnattanatta wi okhalle waaye tti mmodda a anamwani a Aroni oyo anaaheraatthi nikhame ni makhura a mukutho wa eyaattano.

Oweeruza 18:30

Vano athu a nlloko na Danaalle yahimmesa nifano na siliva ooweekanne. Nave Yonatani, mwaana a Gereshomo, mwaana a Mose ni anaaye attheene, yaakhalla allupa mukutho a nlloko na Dani ophiyera nllapo nno yaphariwiiwa okaporo.

2 Mamwene 17:8

nave yaaneeta moothwara ehuddiho dda athu a mitundu ddimodda ayo Apwiya yawiikanriiwa mvo Aisraele yaphiyiiwa. Yaanathwarattho ehuddiho ddeelleto nnddo mamwene mamodda a Israele yaambihalliiwa.

2 Mamwene 17:10

Yaamaka apoto oopatuleya ni mafano a Asherimu va orive mwaango woorekama ni va orive muteekho woorapa.

2 Mamwene 17:16

Yaatathilla malamulo mattheene a Apwiya Mullukwiiwa, yiipangella mafano meelli, asaana amukoko eeng'ombe eelli. Yaapangattho mafano mamodda a Asherimu enallapella ddeko ddamuddullu owaakattho Baala.