Levitiko 25:9 - Mawu a Mulluku

⁹ Vano va nllapo na neekhumi na mweeri waneetthanu ni piilli, mwiipe nipallapata mookhuwa. Nllapo noopepesella machimo, tti nllapo nno muniipeenyu nipallapatanno mu ellapwaanyu ettheene.

Levitiko 25:9 ပူးပေါင်းရင်းမြစ်များ

Levitiko 23:24

aalleelle Aisraele wi, “Va nllapo nawaamba na mweeri waneetthanu ni piilli, munisungeke wi nikhalle nllapo nuullupalli nawiithuuwa, nllapo nawuupuwella, noollalleyiwa ni mapallapata, nllapo na mutthukumano woopatuleya.

Levitiko 23:27

“Nllapo naneekhumi na mweeri waneetthanu ni piilli tti naweera mutetho woopepesella machimo. Nenna nikhalle nllapo naweera mutthukumano woopatuleya. Muhalle ocha nave muvelleelle mukutho wawoosiwa viikho wa Apwiya.

1 Atesalonika 1:8

Vawi othenga woollota dda Apwiya wookhuma mwa nyuwaano khovuwalle mu Masedoniyave ni Akaiyave koma epilli ya echikhulupilwaanyu mwa Mulluku, yoovuwa m'mapuroni mutthemwene. Vano kheyiivo eyo enapaalleya wi nillote.

Aroma 15:19

ni masiva a ezizindikiro ni ddoottikhiniha navettho ni masiva a Munepa Waweella. Sika vano koollalleya othenga waphaama wa Khrisitu ovenyera o Yerusalemu ophiya o Iliriko.

Aroma 10:18

Nave kinakoha wi, “Tti ddawoona wi kheyaawiiwalle othenga?” Khe ddawoona, yahiiwa, wonanko mmo mawu a Mulluku enallotelliiwa wi, “Mawiiwa yaavuwa mu ellapo yavatthi ettheene nave ddoollota ddiwa ddaaphiya wookomella ellapo yavatthi.”

Masalimo 89:15

Nyu Apwiya, oodala tti athu ayo enadduwella wuullapellani, ayo eneeta mu owala wa ekhovaanyu.

Numeri 36:4

Nave yaphiya Ehakallallo ya miyakha 50 yoohallaneeyo eneerewoonjereriwa va yoohallana ya nlloko na amamuniwa. Vano yoohallana ya atthiyanaayo eneerovenyihiwa va yoohallana ya makhollwaahu.”

Numeri 10:10

Va mallapwaanyu oohakallalla, ootthoolliwa a Ehakallallo dda Wooneya wa Mweeri, mwiipe mapallapata mwaavelleellaka mikutho ddooshellelliha ni mikutho ddeeyaattano. Mapallapataayo eneerewuukaviherani wi kiwuupuwellekeni. Mi tti Apwiya Mullukwaanyu.”

Levitiko 27:24

Va muyakha woohakallallella miyakha 50, emateeyo ehokolloselliwe wa muthu oyo akullihalle emateeyo eyo yaari yoohallana ovenyera wa makhollwaaye.

Levitiko 27:17

Avelleella emataaye waambeella va muyakha woohakallallella miyakha 50, mutengwiiwa okhalle wamututha moollikana ni mmo waromollelliwiiwa.

Levitiko 16:30

Vallethi nllapo nenno vineerokhalla mutetho woopepesella machimwaanyu wi machimwaanyu mattheene evenyihiwe. Sika muneerokhalla aweella vamiitthoni va Apwiya.

Levitiko 16:20

“Amalliha weera mutetho woopepesella nipuro naweellesesa, mapuro mamodda a musasa wamutthukumano ni nikuwa, Aroni, mullupa mukuthooyo aweena epuri ekumi wa Apwiya.

Levitiko 25:8

“Mweerenge miyakha 49 nnddo ddiri masabata matthanu ni meelli a miyakha.

Yoswa 6:4

Allupa mukutho atthanu ni eelli, arive muthu ari ni nipallapata na nnyaka na nankhoro a enkhosa, ehoollelleke nibokosi na echipangano. Va nllapo naneetthanu ni piilli, weyaano ni akhotwaawo, mwaapheelleke muzindooyo otthanu ni opiilli, allupa mukutho yiipaka mapallapataayo.

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Levitiko 16:29

“Nenno nikhalle lamulo nanyu na wa enthawi yoohimalla wi mweeri waneetthanu ni piilli, va nllapo naneekhumi na mweeri, muhalleke ocha nave muhiphareke orive mutteko, nyu Aisraele navettho mulleto ookhalla variyari vanyu.

Masalimo 89:16

Ennahakallalla mallapo mattheene ekaamba ya nnddina nanyu, ennatemellella mwa echilungamwaanyu.