Levitiko 24:9 - Mawu a Mulluku

⁹ Yoocheeyo ekhalle ya Aroni ni anaaye nave eyichelle m'mapuroni oopatuleya vawi wa alliwa yeella tti yoopatuleya wunchichi, yoovenyera va mikutho ddawoosiwa viikho wa Apwiya. Lamulo nenna nikhalle na enthawi yoohimalla.”

Levitiko 24:9 ပူးပေါင်းရင်းမြစ်များ

Levitiko 8:31

Mose ahaalleella Aroni ni anaaye wi, “Mwaapeye enameeyo va mullako wa musasa wamutthukumano nave muyichelle vaavo ni buledi oyo ari m'mutaangani wa ddoovelleella va ddoomuzozella mullupa mukutho, voothwarani nnddo Apwiya yalamulalliiwa wi, ‘Aroni ni anaaye sika enaache ddennddo.

Luka 6:4

Davide aavollowa mu enyumba ya Mulluku, amuchamo buledi oovelleelliwa wa Mulluku naari malamulo kheyaakhullelle wi olliyooyo amuche. Allupa mukuthove sika enaakhullelliwa omuchamo buledi yoolla. Nave ahaavahattho akhwaaye.”

Mariko 2:26

Abiyatara aariiye mullupa mukutho muullupalli Davide aavollowa mu enyumba ya Mulluku, amuchamo buledi oovelleelliwa wa Mulluku naari malamulo kheyaakhullelle wi olliyooyo amuche. Allupa mukuthove sika enaakhullelliwa omuchamo buledi yoolla. Nave ahaavahattho akhwaaye ayo aariiyena.”

Mateyu 12:4

Davide aavollowa mu enyumba ya Mulluku, amuchamo buledi oovelleelliwa wa Mulluku naari malamulo kheyaakhullelle wi olliyooyo ni akhwaaye emuche. Allupa mukuthove sika enaakhullelliwa omuchamo buledi yoolla.

Levitiko 10:17

“Kaambiiwa tini muhichenlleenyu mukutho woopepesella machimo vanipuroni noopatuleya? Tti waweella wunchichi nave Apwiya yahuuvahani wi muvenyihelleke machimo a Aisraele attheene, mweerelleke mutetho wawaapepesella machimo vamiitthoni va Apwiya.

Levitiko 6:16

Vano ddoohalla dda mukuthooyo ddikhalle dda Aroni ni anaaye. Ddikhalle ddoohikhalla ni yisiti nave eddiche vanipuroni noopatuleya sika wi vanthatoni na musasa wamutthukumano.

1 Samuele 21:6

Mullupa mukuthooyo aamwinnya buledi oovelleelliwa mukuthooyo vawi khaarivo buledi mmodda koma yooyove oovelleelliwa wa Apwiya. Buledi yoolla yaari emuvenyihallevo vamiitthoni va Apwiya wi emuhiyevo mmodda musha

Levitiko 21:22

Koma ttuucha ddoocha ddoovelleelliwa wa Mullukwaaye, buledi oopatuleya ni ddoocha ddoopatuleya ddoohalla dda mukutho.

Malaki 1:12

Koma munnaripiha nnddina naka voollotani wi nikuwa naka khaninna mutteko voovelleellani yoocha yoonyaambuseya.

Levitiko 8:3

Vano waatthukumanihe athu attheene va mullako wa musasa wamutthukumano.”

Levitiko 24:10

Waakhalla muthu mmodda oyo amennya yaari Muisraele koma attiitthinnya yaari Muiguputo. Amennya yaari Shelomiti mwaana a Dibiri a nlloko na Dani. Nllapo nimodda aaya wa Aisraele nave aakangana ni Muisraele mmodda omisasani nave aavevulla nnddina na Apwiya anitembelela. Vano yaawaana wa Mose.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Levitiko 3:17

Nenna nikhalle lamulo wa enthawi yoohimalla wa mibado ddanyu ddittheddene wi muhiche nikhame apaalle makhura a enama orive weko nko munaakhallekeenyu.”

Levitiko 6:9

aalleelle Aroni ni anaaye wi, “Malamulo a mukutho wooshellelliha tti awi, mukuthooyo okhalleke viikho vanikuwani mahiiyu mattheene ophiyera ohinase nave munllo wa vanikuwanooyo ohithiimihiwe.

Levitiko 6:11

Vano arulle ddoowara ddaye, aware ddimodda nave awolle ntuuranno wi akhumihelle otte wa misasa, o nddalla noopatuleya nko enatathillelliiwawo ntuura.

Levitiko 10:12

Mose aamulleella Aroni ni anaaye oohallaalle, Eleazara ni Itamara wi, “Kusani mukutho wa othu oyo ohanlle va mikutho ddawoosiwa viikho ddoovelleelliwa wa Apwiya nave muche woohikhalla ni yisiti vakhuviru ni nikuwa vawi yoolla tti woopatuleya wunchichi.