Levitiko 24:5 - Mawu a Mulluku

⁵ “Mukuse makilogaramu khumi ni meelli a othu waphaama, mumwaapeye buledi khumi ni miilli.

Levitiko 24:5 ပူးပေါင်းရင်းမြစ်များ

Eksodo 25:30

Vatebulonimvo amuhiyekevo buledi oopatuleyella wa miyaano wi akhalleke vamiitthoni vaka enthawi ddittheddene.

Eksodo 40:23

Nave vaddullu va tebulooyo aahiyavo buledi oopatuleyella wa Apwiya moollikana ni mmo Apwiya yamulamulelliiwa.

1 Mamwene 18:31

Aakusa malluku khumi ni meelli moollikana ni waata wa malloko a anamwani a Yakobo oyo Apwiya yamuromonlliiwa wi Israele.

Yakobo 1:1

Ovenyera wa miyaano Yakobo, oorumeyella a Mulluku ni a Apwiya Yesu Khrisitu. Kinaavaha mooni athu a Mulluku a malloko khumi ni meelli yaayo yapallalleyelle va ellapo yavatthi ettheene.

Mitteko 26:7

Ddeko ddennddo malloko khumi ni meelli a athwaahu enatiyeriiwa wi yaakhelle, voomullapellani Mulluku otthaana ni mahiiyu, tti ddennddo kiniipiweemina mullatu ni Ayudaalla, mwene nyu!

Mateyu 12:4

Davide aavollowa mu enyumba ya Mulluku, amuchamo buledi oovelleelliwa wa Mulluku naari malamulo kheyaakhullelle wi olliyooyo ni akhwaaye emuche. Allupa mukuthove sika enaakhullelliwa omuchamo buledi yoolla.

Aheberi 9:2

M'musasanimmu, echipinda yawaamba yaakhalla ni yoohiyavo enyali ni tebulo owaaka buledi oovelleelliwa wa Mulluku nave yaromolliwa wi nipuro naweella.

Eksodo 39:36

Yaawaanattho tebulo ni ezipangizo ddiwa, buledi oopatuleyella wa Mulluku,

Numeri 4:7

Nave vatebuloni a buledi oopatuleya yaannddellellevo ekuwo yabululu, ehiyevo embale ddiwa, ebakuli, mino, mabeseni oopaalleya va mikutho dda ddoowirya nave buledi oyo anaakhalleke vaavo enthawi ettheene.

1 Samuele 21:6

Mullupa mukuthooyo aamwinnya buledi oovelleelliwa mukuthooyo vawi khaarivo buledi mmodda koma yooyove oovelleelliwa wa Apwiya. Buledi yoolla yaari emuvenyihallevo vamiitthoni va Apwiya wi emuhiyevo mmodda musha

1 Epilli 9:32

Abaliiwa amoddattho a nibanja na Akohati yawehera buledi oovelleelliwa, awaapeyiwa nirive Sabata.

1 Epilli 23:29

Yookhallanattho odindo woowehera buledi oovelleelliwa wa Mulluku, othu wa mukutho wa yoocha, mitthi dda buledi oohikhalla ni yisiti, ddoovelleella ddawaapeyiwa, mukutho woottakanyihera ni makhura a olivi. Yookhallanattho odindo woolinga ollemella wa ddoovelleella dda mu enyumba.

2 Epilli 13:11

Ennavelleella wa Apwiya mikutho ddooshellelliha orive ohinase ni orive misikuwa. Ennoosa lubani* na nthuko naphaama nave ennamuhiyattho buledi oovelleella va tebulo a golide aphaama navettho ennapwatha yoohiyavo enyali yagolide wi enyali ddiwa ddikhareke orive misikuwa vawi ninniiwellella nnddo enanilamula Apwiya Mullukwaahu koma nyu mohaahiya.

Nehemiya 10:33

Monga buledi oopatuleya, mikutho dda nllapo ni nllapo dda yoocha ni ddooshellelliha owaaka mikutho dda masabata, dda Ehakallallo ya Wooneya wa Mweeri, dda ehakallallo ddimodda, dda ddeko ddoopatuleya, dda ddoopepesella machimo a Aisraele owaakattho mitteko ddittheddene dda o enyumba ya Mullukwaahu.

Eksodo 40:4

Omuhiyemo tebulo nave vaddullu va tebulooyo ohiyevo ezipangizo ddiwa nave ohiyemo yoohiyavo enyali ni enyali ddiwa.

1 Samuele 21:7

Nllapo nenno muthu mmodda mwa allupa mutteko a Saulo aari vaavo vawi aaphwanella waallapellana Apwiya. Muthooyo nnddina naye aari Doegi a o Edomu. Aari mbusa muullupalli a Saulo.

Nehemiya 10:34

Hiyaano athu shisha, allupa mukutho ni Alevi nineerewoombesattho wi niphwanye mabanja ayo enaaweena ekhuni o enyumba ya Mullukwaahu mu enthawi yookeraatthihiwa orive muyakha wi ddooselliweke mikutho dda va nikuwa na Apwiya Mullukwaahu moollikana ni nnddo ddilembiwe m'malamuloni.