Levitiko 24:16 - Mawu a Mulluku

¹⁶ Oovevulla nnddina na Apwiya khaya tti Muisraele apaalle mulleto iiphiweke voovokhiwani malluku ni Aisraele attheene.’

Levitiko 24:16 ပူးပေါင်းရင်းမြစ်များ

Mateyu 12:31

Kaambiiwa kinimuulleellani wi ttuuworeya okhululukelliwa athu erive yoochimwa naari ollota epewe, koma oyo anallotella epewe Munepa Waweella khawa akhululukelliwa.

Yakobo 2:7

Ethiyo khehiyo ayo enallotella epewe nnddina na ntitimiho nno munaromolliweenyuna?

1 Timoteo 1:13

naari khalle kaanamullotella epewe, kaanamuvevulla ni omuhoosa. Nave Mulluku aakeerella echifundo kaambiiwa ngaamukhulupililalle olliyooyo sika ngaadduwella eyo keereemi.

Mitteko 26:11

Enthawi ddinchichi kaanaya mu enyumba ddamavekello* kaallakaka nave kaheeseesa wi ehiyeke echikhulupililwiiwa. Nave kananariwa kaanaya naari omizindani dda ellapo ddimodda kaahoosaka.

Mateyu 26:66

Maganizwaanyu tti awi tini?” Yahaakhulla wi, “Anaphwanella wi iiphiwe.”

Masalimo 139:20

Athwaayo ennuullotellani ddeko ddoonanara, adanaanyu ennaromolla nnddina nanyu mwawoottha.

Masalimo 74:18

Nyu Apwiya upuwellani wi adanaanyu ennuunyemullani, wi athu eepewe ennavevulla nnddina nanyu.

Masalimo 74:10

Nyu Mulluku, ethiyo adanaayo enaawuunyemullekeni ophiyera niini? Ethiyo adanaayo evevulleke nnddina nanyu ophiyera wa enthawi yoohimalla?

Eksodo 20:7

“Ohiromolleke shisha nnddina na Apwiya Mullukwaawo kaambiiwa Apwiya eneeromullaka arive muthu ooromolla shisha nnddina niwa.

Mariko 14:64

Momwiiwa amullotellaka epewe Mulluku. Nyuwaano maganizwaanyu tti awiidde?” Nave attheene yahiiwanana wi anaphwanella iiphiwe.

Yohane 19:7

Ayudaalle yaamwaakhulla wi, “Nookhalla ni malamulo awi anaphwanella okhwa kaambiiwa ahiiromolla yeekhaaye Mwaana a Mulluku.”

Mitteko 7:58

Yaamukhumihella otte wa muzinda nave emuvokha malluku. Amboni ayo yamuvaanyiha Sitefano yaahiya ddoowara ddiwa m'mattani mwa musombwe mmodda ooromolliwa Saulo wi addiwehereke.

Eksodo 22:28

“Ohimullotelleke epewe Mulluku nave ohimutembeleleke muthu oyo anaahoollella athwaawo.

2 Samuele 6:2

Aatimulla ni akhoto attheene ayo aariiyena ovenyera o Baala a o Yuda wi yakuse nibokosi na echipangano na Apwiya. Nibokosinno nadduwanyeya moollikana ni nnddina nawi Apwiya Amasiva Mattheene ayo yakhalla va akerubi* wonanko va mpando woomwene.

Levitiko 20:2

aalleelle Aisraele wi, “Arive Muisraele apaalle mulleto ookhalla variyari vanyu aaheraatthi mukutho anaaye wa mulluku Moleki, iiphiwe, athu attheene emuvokhe malluku.