Levitiko 23:5 - Mawu a Mulluku

⁵ “Va nllapo na 14 misikuwa na mweeri wawaamba, tti nllapo na Paska a Apwiya.

Levitiko 23:5 ပူးပေါင်းရင်းမြစ်များ

Yoswa 5:10

Aisraele yaariiwa m'misasani yaaneera Ehakallallo ya Paska o Giligala mu ntapo na Yeriko, misikuwa va nllapo naneekhumi ni sese mweeri wawaamba.

Mateyu 26:17

Vano va nllapo nawaamba na Ehakallallo ya Buledi Oohikhalla ni Yisiti oohudderaayo yaawa wa Yesu emukoha wi, “Munapaalla nuukhozereni wuuwi nipuro nawi mwachellevo yoocha ya Paska?”

Eksodo 23:15

Okhalleke ni nllapo na Ehakallallo ya Buledi Oohikhalla ni Yisiti. Wonanko mmo kuulamulelleemi, omucheke buledi oohikhalla ni yisiti mallapo matthanu ni meelli mu mweeri wa Abibu, ekaamba yawi mweeri yooyo waavenyawo o Iguputo. Arive muthu ahiphiyeke vakhuviru ni miyaano ari mattave.

Luka 22:7

Nllapo na Ehakallallo ya Buledi Oohikhalla ni Yisiti naaphiya mvo athu yaphwanelliiwa omwiipha mwaanaankhosa wi emuche va Paska.

Mariko 14:12

Va nllapo nawaamba na Ehakallallo ya Buledi Oohikhalla ni Yisiti, noomwiipha mwaanaankhosa wi emuche va Paska, oohuddera yaamukoha Yesu wi, “Munapaalla nuukhozereni wuuwi nipuro nawi mwachellevo yoocha ya Paska?”

Ezekiele 45:21

“Va nllapo na khumi ni sese na mweeri wawaamba mweereke Ehakallallo ya Paska wa mallapo matthanu ni meelli. Mallapo yaayo mumucheke buledi oohikhalla ni yisiti.