Levitiko 23:41 - Mawu a Mulluku

⁴¹ Orive muyakha, mallapo matthanu ni meellaayo mwaasungeke wi ekhalleke mallapo a ehakallallo yowaariiha Apwiya. Nenna nikhalle lamulo wa enthawi yoohimalla wa mibado ddanyu ddittheddene. Munisungeke mweeri waneetthanu ni piilli.

Levitiko 23:41 ပူးပေါင်းရင်းမြစ်များ

Numeri 29:12

“Va nllapo na 15 na mweeri waneetthanu ni piilli, mweere mutthukumano woopatuleya, muhiphareke mutteko nave mweereke ehakallallo yowaariiha Apwiya mallapo matthanu ni meelli.

Nehemiya 8:18

Nave nllapo ni nllapo, waambeella nllapo nawaamba ophiyera nllapo nookomihera, Ezara aaneerenga ovenyera mu nibukhu na malamulo a Mulluku. Athu yaheera ehakallallo mallapo matthanu ni meelli nave va nllapo naneetthanu ni raru vaheereya mutetho woowallella mutthukumano moollikana ni nibukhu na malamulonne.

Levitiko 23:40

Va nllapo nawaamba mukuse ezipaso ddaphaama, enthambi dda kanjeza, enthambi dduullupalli dda makattha manchichi ni dda nnjalle nave muhakallalle vamiitthoni va Apwiya Mullukwaanyu, mallapo matthanu ni meelli.

Levitiko 23:42

Mukhalleke m'misasani mallapo matthanu ni meelli. Aisraele attheene ekhalleke m'misasani,

Levitiko 23:14

Muhinamucha tirigu yoolla awumma apaallettho mukitthi apaalle buledaaye nllaponna nihinaphiye, ophiyera muwiillena mukutho wa Mullukwaanyu. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.