Levitiko 23:4 - Mawu a Mulluku

⁴ “Alla tti mallapo mamodda a ehakallallo ootthoolliwa ni Apwiya, mallapo a mitthukumano ddoopatuleya ayo onaawaallalleyeewe va enthawiiwa.

Levitiko 23:4 ပူးပေါင်းရင်းမြစ်များ

Levitiko 23:2

aalleelle Aisraele wi, “Mallapo a ehakallallo ootthoolliwa a Apwiya ayo munaawaallalleyeenyu wi ekhalle mallapo a mitthukumano ddoopatuleya, mallapo a ehakallallo ayo miyaano kaatthoonlleemi.

Eksodo 23:14

“Okhalleke ni nllapo na ehakallallo oraru vamuyakhani wi okititimihe miyaano.

Levitiko 23:37

“Yaalla tti mallapo a ehakallallo ootthoolliwa waariiha Apwiya, ayo munaawaallalleyekeenyu wi tti enthawi ya mutthukumano woopatuleya. Mallapo yaayo, muvelleelleke wa Apwiya mikutho ddawoosiwa viikho wonanko dda ddooshellelliha, dda othu, dda enama ni dda ddoowirya, orive mukutho nllapo naayenaaye.

Eksodo 12:14

Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Levitiko 23:21

Vano va nllapo nenno muwiithane athu o mutthukumano woopatuleya nave muhinaphara mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Nehemiya 8:15

wi evuwiheke ni ollalleya m'mizi ddiwa ddittheddene navettho mu Yerusalemu wi, “Khaweni omiyaangoni nave mwaweena enthambi dda muteekho wa olivi awaalla ni amuhakani, dda miteekho dda mchisu, mukwarangwa ni ddimodda dda makukhu anchichi wi mumakelle misasannddo moollikana ni mmo ddilembelliwiiwa.”

Ezekiele 44:24

Vakhalla millatu allupa mukutho yeeruzeke nave ekamulleke millatunnddo voopharihani mutteko malamulwaaka. Ethwareke malamulwaaka ni malangizwaaka mattheene a ehakallallo. Yapwathekettho mallapwaaka a Sabata wi ekhalle aweella.

Nahumu 1:15

Ngoona, omwaangoni onawa oollalleya othenga waphaama, anatthopoolla dda murendelle. Nyu a o Yuda musungeke mallapo eehakallallo, mweereke nnddo mwallupenlleenyu. Oonanara khewa yuuhellakanittho ekhoto vawi eneerotthollosiwa.

Yesaya 29:1

We Ariyele, Ariyele, muzinda oyo Davide atthipellilleeyewo misasa ddakhoto, wookhalla ni otulli. Viviralle muyakha mmodda apaalle miilli, mallapo mattheene a ehakallallo eviralle