Levitiko 23:34 - Mawu a Mulluku

³⁴ aalleelle Aisraele wi, “Waambeella va nllapo na 15 na mweeri waneetthanu ni piilli va mallapo matthanu ni meelli, vikhalleke Ehakallallo ya Misasa yowaariihana Apwiya.

Levitiko 23:34 ပူးပေါင်းရင်းမြစ်များ

Yohane 7:2

Nave enthawi ya Ehakallallo ya Ayuda ya Misasa yahaatamella.

Nehemiya 8:14

Vano yahoonattho wi Apwiya yahaalamula Aisraele oweella mwa Mose wi ekhalleke m'misasani ddootiyerella enthawi ya Ehakallallo ya Misasa mweeri waneetthanu ni piilli,

Ezara 3:4

Nave yaheera Ehakallallo ya Misasa moollikana ni mmo ddalembelliwiiwa nave yaavelleella mikutho ddooshellelliha ddoopaalleya va nllapo ni nllapo moollikana ni mmo ddalembelliwiiwa.

Numeri 29:12

“Va nllapo na 15 na mweeri waneetthanu ni piilli, mweere mutthukumano woopatuleya, muhiphareke mutteko nave mweereke ehakallallo yowaariiha Apwiya mallapo matthanu ni meelli.

Eksodo 34:22

“Mukhalleke ni Ehakallallo ya Milungu, Ehakallallo ya Ddoohata Ddawaamba nave mukhallekettho ni Ehakallallo Yotthukumaniha Ddoohata ddittheddene va omalla wa muyakha.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Eksodo 23:16

“Okhallekettho ni nllapo na Ehakallallo ya Ddoohata Ddawaamba va enthawi yawaamba ohata. Okhallekettho ni nllapo na Ehakallallo Yootthukumaniha Ddoohata ddittheddene va omalla wa muyakha.

Aheberi 11:9

Ekaamba ya echikhulupililo, Abrahamu akhalla m'musasani wonanko mulleto mu ellapo eyo Mulluku amulonjezilleeye. Akhalla m'misasani. Isaki mwanaye ni Yakobo edduullwaaye, alliwattho yakhalla m'misasani vawi alliwattho yahaakhellana lonjezonna.

Aheberi 11:13

Athu attheene yakhulupililallaalla yaakhwa ehinaakhelle ddeko nnddo Mulluku aalonjezilleeye. Koma yaaddoonella voorekama ni ohakallallana. Yahaakhullella wi yaari alleto a ellapo yavattheella.

Levitiko 23:33

Apwiya yaallota ni Mose wi

Levitiko 23:42

Mukhalleke m'misasani mallapo matthanu ni meelli. Aisraele attheene ekhalleke m'misasani,

Levitiko 23:43

wi edduullu ddanyu ddidduwelle wi tti miyaano kaweerihalle Aisraele wi ekhalle m'misasani, kaakhumihalleemi mu ellapo ya Iguputo. Mi tti Apwiya Mullukwaanyu.”

Deuteronomo 16:16

“Allopwana attheene a mutundwaanyu ewe wi yaallapelle Apwiya Mullukwaanyu o nipuro namallapello, oraru vamuyakhani. Ewe va enthawi ya Paska, Ehakallallo ya Ddoohata navettho va Ehakallallo ya Misasa. Nave ehiweeke vamiitthoni va Apwiya mattave

Deuteronomo 31:10

Mose ahaalamula attheenaayo wi, “Omodda va orive muyakha waneetthanu ni piilli, va muyakha wa ottaphulliwa, Mweerengeke lamulonna va Ehakallallo ya Misasa.

1 Mamwene 8:2

Nave attheene yaatthukumana vamiitthoni va Solomoni vamachellelloni mu mweeri wa Etaimu, mweeri waneetthanu ni piilli.

1 Mamwene 8:65

Sika enthawi yeeyo Solomoni aakeraatthiha ehakallallo vamodda ni Aisraele attheene. Waari mutthukumano muullupalli ovenyera woovollowella wa Hamati ophiya o ntapo na Iguputo. Ehakallallweella yaari yowaatitimiha Apwiya Mullukwaahu mallapo matthanu ni meelli.

1 Mamwene 12:32

Vano Yerobowamu aakeraatthiha nllapo na ehakallallo va nllapo na khumi ni sese na mweeri waneetthanu ni raru, noophwanaphwana ni nllapo na ehakallallo yeereya o Yuda. Aanavelleella mikutho wa mafano a asaanaang'ombe vanikuwani o Betele. Vano o Betelinko ahaahiyawo allupa mukutho o mapuro oollapellamo ayo aapangilleeye.

Ezekiele 45:25

“Vano mwene eereke emoddamoddave yeeyo va nllapo na khumi na mweeri waneetthanu ni piilli. Ehakallallweeyo yeereyeke wa mallapo matthanu ni meelli. Avelleellekettho mikutho, ddoopepesella, ddooshellelliha, dda yoocha ni dda makhura.”