Levitiko 23:2 - Mawu a Mulluku

² aalleelle Aisraele wi, “Mallapo a ehakallallo ootthoolliwa a Apwiya ayo munaawaallalleyeenyu wi ekhalle mallapo a mitthukumano ddoopatuleya, mallapo a ehakallallo ayo miyaano kaatthoonlleemi.

Levitiko 23:2 ပူးပေါင်းရင်းမြစ်များ

Levitiko 23:37

“Yaalla tti mallapo a ehakallallo ootthoolliwa waariiha Apwiya, ayo munaawaallalleyekeenyu wi tti enthawi ya mutthukumano woopatuleya. Mallapo yaayo, muvelleelleke wa Apwiya mikutho ddawoosiwa viikho wonanko dda ddooshellelliha, dda othu, dda enama ni dda ddoowirya, orive mukutho nllapo naayenaaye.

Levitiko 23:4

“Alla tti mallapo mamodda a ehakallallo ootthoolliwa ni Apwiya, mallapo a mitthukumano ddoopatuleya ayo onaawaallalleyeewe va enthawiiwa.

Yowele 2:15

Ipani nipallapata vamwaangoni wa Ziyoni, alamuleni athu ehalle ocha, ithanihani mutthukumano woopatuleya.

Hoseya 2:11

Kineeromalliha ohakallalla waye otthewene, Ehakallallo ya Wooneya wa Mweeri, ya Masabata ni ehakallallo ddimodda ddoopatuleya.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Numeri 29:39

“Ddennddo sika munaavelleelleenyu wa Apwiya va mallapo ootthoolliwa a ehakallallo, woonjerera va ddoovelleella ddanyu nnddo mullupenlleenyu apaalle va ddoovelleella dda opaalla wanyu, mikutho ddanyu ddooshellelliha, dda othu, dda yoowirya ni dda eyaattano.”

Numeri 10:10

Va mallapwaanyu oohakallalla, ootthoolliwa a Ehakallallo dda Wooneya wa Mweeri, mwiipe mapallapata mwaavelleellaka mikutho ddooshellelliha ni mikutho ddeeyaattano. Mapallapataayo eneerewuukaviherani wi kiwuupuwellekeni. Mi tti Apwiya Mullukwaanyu.”

Yohane 5:1

Ddimallille nndda Yesu aaya o Yerusalemu o Ehakallallo ya Ayuda.

Nahumu 1:15

Ngoona, omwaangoni onawa oollalleya othenga waphaama, anatthopoolla dda murendelle. Nyu a o Yuda musungeke mallapo eehakallallo, mweereke nnddo mwallupenlleenyu. Oonanara khewa yuuhellakanittho ekhoto vawi eneerotthollosiwa.

Yowele 1:14

Alamuleni athu wi ehalle ocha, ithanihani mutthukumano woopatuleya, atthukumaniheni oohoollella ni Ayuda attheene ewe o enyumba ya Apwiya Mullukwaanyu yinllelle wa alliwa.

Maliro 1:4

Misewu ddooyella o Ziyoni ddiniminlla, kaambiiwa khaavo ooyaawo wi allapelle va mallapo a ehakallallo. Millako ddaye ddittheddene ddoohambuwa, allupa mukuthwaaye enimiipullella. Anamwallaaye murima onimaavoreya, ddawoona, Ziyoni arina wiiwa owaawa.

Yesaya 33:20

Ngamooneni Ziyoni, muzinda wa ehakallallo ddahu dda mallapello! Miitthwaanyu eneeromoona Yerusalemu, muzinda wamurendelle, musasa woohitikheya. Ekhomo ddaye khadditulleya nave mikwe ddaye khaddiphaddeya.

2 Epilli 30:5

Vano athu yaasimikiza wi ellalleye mu Israele mutthemwene waambeella o Beeresheba omwera ophiya o Dani ompoto wi athu ewe yeere Paska a Apwiya Mulluku a Israele o Yerusalemu vawi khe athu anchichi yeera moollikana ni mmo ddalembelliwiiwa.

2 Mamwene 10:20

Vano Yehu aalamula wi: “Mullalleye wi wookhalla mutthukumano woomuriiha ni omuvaha olemu Baala.” Sika athu yaallalleya dda mutthukumanooyo.

Levitiko 23:44

Mmu tti mmo Mose aatthopoollelleeye Aisraele dda mallapo a ehakallallo ootthoolliwa, owaariiha Apwiya.

Levitiko 23:21

Vano va nllapo nenno muwiithane athu o mutthukumano woopatuleya nave muhinaphara mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Eksodo 32:5

Aroni oonilleeye ddenndda aamaka nikuwa vahoollo va musaanaang'ombe a golidooyo. Vano aallalleya wi, “Osiisello oneerokhalla ehakallallo yoowaatitimiha Apwiya.”

Akolose 2:1

Kinapaalla wi mudduwelle mmo kinapharelleemi mutteko moollipihella wa nyuwaano ni wa athu a o Laodikeya ni wa attheene ayo ehinakooneke vamiitthoni ni vamiitthoni.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

Levitiko 23:1

Apwiya yaallota ni Mose wi

1 Epilli 23:31

erive enthawi mikutho ddooshellelliha ddaavelleelliwaka wa Apwiya dda masabata, dda wooneya wa mweeri navettho dda erive ehakallallo ya mallapello. Mitteko ddawaarumeyella Apwiyanndda eneeroddeera wa enthawi yoohimalla.

Ezekiele 44:24

Vakhalla millatu allupa mukutho yeeruzeke nave ekamulleke millatunnddo voopharihani mutteko malamulwaaka. Ethwareke malamulwaaka ni malangizwaaka mattheene a ehakallallo. Yapwathekettho mallapwaaka a Sabata wi ekhalle aweella.

2 Epilli 2:3

Vano Solomoni aarumiha mawu wa Huramu mwene a o Tiro wi, “Mukeerelle wonanko mmo mweerelleenyu ni attiitthaaka Davide vawaarumihellani miteekho ddamukunguza wi emakelle enyumbiiwa wi ekhallekemo.

Ezara 3:5

Vatulli viwa, yaanavirellella ovelleella mikutho ddooshellelliha mwa enthawi ddittheddene ddoovelleella dda Ehakallallo ya Wooneya wa Mweeri ni dda mallapo mattheene a machellello a Apwiya yakeraatthihiwe navettho ddoovelleella dda arive muthu wa Apwiya mwa opaalla waye.