Levitiko 23:14 - Mawu a Mulluku

¹⁴ Muhinamucha tirigu yoolla awumma apaallettho mukitthi apaalle buledaaye nllaponna nihinaphiye, ophiyera muwiillena mukutho wa Mullukwaanyu. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Levitiko 23:14 ပူးပေါင်းရင်းမြစ်များ

Eksodo 34:26

“Muweekena ddeko ddaphaama wunchichi dda ddoohata ddanyu ddawaamba dda m'matani mwanyu, onipuroni na mallapello na Apwiya Mullukwaanyu. “Muhaapeyeke enama ya musaana a epuri apaalle a enkhosa voopharihellani mutteko mukaka wa amennya.”

Nehemiya 9:14

Mwahaahuddiha osunga Sabata naweella nave mwahaavaha malamulwaanyu oweella mwa oorumeyellaanyu Mose.

Deuteronomo 16:12

Muupuwelleke wi mwaari akaporo o Iguputo, sika mooneseseke wi muwiiwellelleke malamulwaalla.”

Levitiko 10:11

Mwaahuddiheke Aisraele malamulo mattheene ayo kaavelleellilleemi oweella mwa Mose.”

Levitiko 3:17

Nenna nikhalle lamulo wa enthawi yoohimalla wa mibado ddanyu ddittheddene wi muhiche nikhame apaalle makhura a enama orive weko nko munaakhallekeenyu.”

Masalimo 19:8

Ehuddiho ya Apwiya tti yawoona, ennahakallalliha murima. Malamulo a Apwiya tti aweella, ennaahulla athu miittho.

Levitiko 2:14

Aavelleellaka wa Apwiya mukutho wa ddoohata ddawaamba, mukuthooyo okhalle wa tirigu anaanweene awaarika nave oosilleya.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Levitiko 23:31

Muhinaphara orive mutteko. Nenna nikhalle lamulo wa enthawi yoohimalla wa mibado ddanyu ddittheddene orive weko nko munaakhallekeenyu.

Levitiko 23:41

Orive muyakha, mallapo matthanu ni meellaayo mwaasungeke wi ekhalleke mallapo a ehakallallo yowaariiha Apwiya. Nenna nikhalle lamulo wa enthawi yoohimalla wa mibado ddanyu ddittheddene. Munisungeke mweeri waneetthanu ni piilli.